自由講場今日: 2072|主題: 1299581

收藏本版

發帖

返回列表

跳至頁

查看: 667 | 回覆: 2

尋日終於去左迪士尼了^^ [複製鏈接]

@iris@

別墅

積分: 605

1^#

發表於 08-8-11 14:05 |只看該作者 |倒序瀏覽 |打印

我地係10點左右到達既，3大2老2小正宗既扶老攜幼團

去到既時候，人唔算多，而且有唔少香港同外國遊客，唔知係唔係奧運既關係，d檢查好嚴格呀，我都已經盡量用透明袋裝個囡d野，估唔到個檢查員都要我將袋尿片攞出黎比佢睇，我老公仲慘，因為他揹大袋，就要每一個前後左右既細袋都要睇，所以檢查左好耐先至入得去

mouth:

mouth:

入到裡面，一樣都唔係好多人，好多都唔洗排好耐就有得玩，拿
fastpass嗰d大約45分鐘就可玩，不過食完中午飯之後，就唔同晒，係餐廳行出黎就發覺人多左一倍有多

而且變成超多大陸人，想玩乜野都等好耐先有得玩，fastpass都一樣，最快都要等1個鐘以上，咁我地玩多2樣野之後就唔想再玩了，最後就去坐繞住樂園行嗰架火車，坐完就走，不過都已經6點半。

玩完整體上既感覺都唔錯，雖然有比人打尖，不過就只有一次，如果帶住小朋友既話就真係要小心看管，因為d大陸人真係行路唔帶眼既，一個唔小心就會比佢地撞親。
另外要特別注意既係，如果小朋友太細，就最好唔好去玩森林河流之旅同埋獅子王興典，千奇唔好以為呢2樣好似唔刺激，但其實會突然發出好大既聲音，太細既小朋友真係會嚇親架。

至於食既方面，因為我地只食中午，所以只去過皇室宴會廳，d食物就麻麻，但勝在種類多，就好似d乜乜對美食廣場咁，多數賣套餐價錢大約$55-$65左右，小童餐就$3x左右，另外去到明日世界見到有間叫江南小炒既，d小炒都唔貴，幾乎都係$4x，而且都有好多種類架，不過就唔知好唔好食，但都坐滿人架。