自由講場

跳至

首頁
1

尾頁
   0


等待驗證會員

積分: 912


發表於 08-8-14 16:51 |顯示全部帖子
話說我有時會帶埋阿囝(兩歲)去街市買餸,多數都係同幫襯開嗰幾間買。話說有次同生菓姨姨買咗成百幾蚊生菓(車厘子同提子等),佢俾咗粒車厘茄同桔仔我個囝玩,我咪同囝囝講叫姨姨同多謝,話囝囝皮膚敏感唔食得呢兩隻生菓住,咁囝囝指住啲皇帝蕉笑,佢話佢笑喎,我咪答佢囝囝好鍾意食皇帝蕉,我唔期望個姨姨會請囝囝食隻蕉,到我哋準備走時佢一手攞返(搶返?)阿囝手上粒車厘茄同桔仔,我雖然無話晤開心咁,不過硬係有啲怪咁。

尋日又帶囝囝去街市買菜,咁我哋買咗廿幾蚊菜後俾晒錢,見啲菜心苗好靚但要成十幾蚊斤(唔捨得食),咪同個買菜哥哥講好貴不過想買四両煮俾囝囝食得嗎?佢攞咗一手放入我買開個袋後,我跟住俾錢,佢竟然唔收同話當請小朋友食。

雖然我幾唔好意思,不過呢件事令我回想起生菓檔個姨姨,雖然我唔可以話佢唔啱,但菜檔哥哥真令我好感動o(唔嫌我麻煩仲唔收錢)


禁止訪問

積分: 24331

好媽媽勳章 畀面勳章


發表於 08-8-14 16:56 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 3813


發表於 08-8-14 17:11 |顯示全部帖子
原文章由 bigbigbobby 於 08-8-14 16:51 發表
話說我有時會帶埋阿囝(兩歲)去街市買餸,多數都係同幫襯開嗰幾間買。話說有次同生菓姨姨買咗成百幾蚊生菓(車厘子同提子等),佢俾咗粒車厘茄同桔仔我個囝玩,我咪同囝囝講叫姨姨同多謝,話囝囝皮膚敏感唔食得呢兩隻生菓住,咁囝 ...


少少嘢可以令人開心好值得. 我屋企以前開藥材鋪, d媽咪有時話小朋友做習作要幾種唔同ge豆類, 問有冇得買, 我老豆通常都叫d媽咪自己拿, 唔駛錢, 佢地好開心! (佢地拿ge加埋二元都唔够). 呢d係人與人之問ge一份人情味!


侯爵府

積分: 20366


發表於 08-8-14 17:13 |顯示全部帖子
嘩.... 仲有 D咁友善既人?


珍珠宮

積分: 44256

牛年勳章 2021勳章 好媽媽勳章 醒目開學勳章 畀面勳章


發表於 08-8-14 17:18 |顯示全部帖子
原文章由 RonicaKwok 於 08-8-14 17:13 發表
嘩.... 仲有 D咁友善既人?

係囉, 邊區邊檔, 我又要去~~~~~~~~~~


大宅

積分: 3813


發表於 08-8-14 17:24 |顯示全部帖子
原文章由 newcook 於 08-8-14 17:18 發表

係囉, 邊區邊檔, 我又要去~~~~~~~~~~


土瓜灣馬頭圍道 (haha, 上年己結業, 我父母退休la, 依家好 happy, 成日去旅行.)


伯爵府

積分: 19660


發表於 08-8-14 17:37 |顯示全部帖子
我都試過因為我個囡細個無乜菜岩佢食,果時日日就佢食菜心,咁我不嬲唔鐘意食菜心,已經食左好多日,咪諗住買少少比我個囡,我同老公食第2d菜囉..但菜檔老闆都照收我錢,好似買左4條收我1蚊,我已經覺得好平喇...咁我每日都去買4條囉...但真係未遇過你遇果d咁 好既人會唔肯錢喎...


伯爵府

積分: 15637

2021勳章


發表於 08-8-14 18:43 |顯示全部帖子
遇到呢D情形, 唔好話小朋友, 大人都會好開心.

我十幾歲時陪媽咪買餸, 生果亞姐無端端話我乖, 肯陪媽咪買餸, 送左兩個蛇果俾我. 我連聲多謝, 但面都紅哂, 都十幾歲女啦, 又唔係小朋友.

上年中秋買生果, 我俾完錢, 生果檔亞姐又送多三隻恐龍蛋俾我, 話祝我中秋節快樂, 我幾感動呀!

上星期我又去街市買生果, 老闆見我大肚, 又手執一乍車厘子, 話對個胎好, 大肚通常會貧血, 食車厘子補血. 我真係覺得好開心, 街市先有呢D溫暖, 超市, 唔駛旨意.


禁止訪問

積分: 12681


發表於 08-8-14 21:14 |顯示全部帖子
提示: 作者被禁止或刪除 內容自動屏蔽


伯爵府

積分: 19660


發表於 08-8-14 21:27 |顯示全部帖子
點解我未遇過呢d咁好既人
我果度個魚檔仲成日呃我買d無人食既魚...
搞到我老公即刻落去同佢理論...掉返條魚比佢話送比佢食...
因為我好少買送既,唔係好識...但魚檔個女人次次都叫我買果d夌魚,我老公話呢d魚無人食既,骨又多點比bb食?仲要成廿蚊條擺明係呃我...仲要唔止一次,我幾次落去買,佢就話介紹比我食,我老公買佢又唔會介紹...從此之後我地都無再同佢買過魚...


伯爵府

積分: 17220


發表於 08-8-14 22:16 |顯示全部帖子
我同c6係魚檔買咗條魚, 唔係好貴, only $30, 我地見到枱面好多魚卵, 多口講句話唔知好唔好食, 個老闆話好好味ga, 跟住俾哂我, 叫我試吓.


超級版主

積分: 54627

2021勳章 精叻鼠年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


發表於 08-8-14 22:25 |顯示全部帖子
原文章由 小肥猪 於 08-8-14 05:24 PM 發表


土瓜灣馬頭圍道 (haha, 上年己結業, 我父母退休la, 依家好 happy, 成日去旅行.)


係唔係之前0係十字路口個間?
盡我一己之力,發放正能量!


男爵府

積分: 8263

畀面勳章


發表於 08-8-14 22:27 |顯示全部帖子
我都試過菜檔個亞叔送d菜心比我,話好甜,叫我煲粥比bb食


伯爵府

積分: 17833

好媽媽勳章


發表於 08-8-14 22:52 |顯示全部帖子
我都試過買 $1x 豬骨,個豬肉佬見我揹住個仔,送了一舊瘦肉比我煲粥仔

幾年前在一檔海鮮檔買蝦 $2x 一斤冰鮮果d,我間中都買,咁個檔主見我推住個女 (2歲)走去雪櫃攞罐檸檬茶比我女,我都話唔洗,咁佢下次又比,攪到我幾唔好意思
我家有一隻似狗的貓b ,一隻寄居狗b ~
日日貓狗大戰^^

首頁
1

尾頁

跳至