懷孕前後今日: 1|主題: 329675

收藏本版

發帖

返回列表

跳至頁

查看: 1981 | 回覆: 39

我都終於生佐啦！（超長） [複製鏈接]

momolonglongb

大宅

積分: 1985

1^#

發表於 15-12-3 08:13 |只看該作者 |倒序瀏覽 |打印

話說bb過佐預產期5日都未出嚟，原本疊埋心水，3號返醫院催生，點知隻懶豬1號夜晚11點幾突然穿水，要出嚟啦，話說穿水我聽唔到啵一聲，但感覺到一股熱水湧出嚟，水好似懶尿咁，不斷湧出嚟，跟住立刻換衫渣車去醫院，去到醫院檢查，姑娘話開佐一度啦，我心霖咁開心，我穿佐水但未陣痛都開佐一度，跟住扮好醫院手續啦，然後去博bb心跳機，期間我開始feel到好輕微既陣痛，博完心跳機後，就走出去產房病房出面同我老公傾佐一陣就返入去訓，之後開始有規律咁痛，大概5分鐘一次，心霖正啦，應該開得好快，咁樣就痛佐一晚，去到第二日醫生檢查話仲係一度，即係我夜晚白痛啦，醫生問我催唔催生，因為我穿佐水，但醫生話都可以用自然方法等亞b出嚟，咁我話唔催住，我想坐下fitball先，因為有兩個朋友介紹話坐佐fitball好快就開，咁中午un佐一個鐘無料到，之後陣痛無佐，係間唔中會痛下咁，咁我決定中午催生啦，同姑娘講佐，咁話要等醫生嚟先可以，咁好啦，等醫生期間我又un佐一個鐘波，咁到夜晚7點左右，醫生問我係未決定催生，我話係，咁就叫我食埋夜晚飯先，因為催生都有機會要等十幾個鐘，同期間唔可以食嘢同飲水。咁好啦，到佐八點就開始入待產房啦，就開始落藥催生，我覺得真正恐怖係待產房，喊叫聲不斷，聽到都驚，記得10點左右陣痛加劇，唔知幾耐痛一次，開始一直用呼吸法，其實當痛係上嚟乜法都無用，姑娘見我咁痛苦就主動叫我聞笑氣，但我覺得聞佐都無用，係令人又暈又痛，痛到都無力攞起嚟再聞了，果种痛咁大個女第一次嘗試到，個肚痛完到條腰再痛到落盤骨，痛到想殺人，之後去到12點幾姑娘再同我檢查話，好叻呀，已經三度啦啦，我心霖癡線架，痛到死都係三度，姑娘話已經好叻啦，四個鐘就三度，我心霖大獲啦，幾時先10度呀，但隔佐半個鐘左右，我聽見我老公按門鈴話問我情況，姑娘話先三度，跟住我同姑娘講話唔得啦，好急屎，姑娘話正常架，忍下啦，我話唔得啦，姑娘再幫我睇，哇6度啦，開始幫我過床，叫我嘗試柯，姑娘用手伸入去我陰道，叫我一痛就柯，我應該柯佐半個鐘左右，姑娘話得，準備落產房叫我唔好柯啦，之後一落產房，我話忍唔住啦，助產士話柯啦，我就用力，跟住佢話唔好柯住要剪少少陰脣，我唔理剪就剪啦，但原來剪果下真係唔痛架，之後叫我柯，話出佐頭仔啦，之後再一下，亞b出嚟啦，當堂成個人鬆曬，之後再柯佐下個胎盤就出埋嚟啦！然後姑娘清潔佐亞b後放在我心口，見到佢，咩痛都值，不過聯針真係痛到叫救命，雖然話打佐麻醉，但同無打無分別！尼個就係我痛佐25個鐘既生b記！