吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99咁樣, 我原諒唔到佢! 係我錯? (長篇)

婆媳關係今日: 0|主題: 27693

收藏本版

發帖

返回列表

跳至頁

查看: 12947 | 回覆: 158

99咁樣, 我原諒唔到佢! 係我錯? (長篇)

[複製鏈接]

12 3 4 5...8

luckytwinsstar

大宅

積分: 4118

畀面勳章

1^#

發表於 16-1-13 12:51 |只看該作者 |倒序瀏覽 |打印

本帖最後由 luckytwinsstar 於 16-1-14 11:02 編輯

同老公結婚都好幾年, 一直同99住, 呢樣野係我同老公結婚前既共識。上年年尾, 99突然自己打俾我, 話同我講D野, 叫我唔好同老公講

佢話自己洗錢洗凸左, 叫我借2-3萬俾佢先, 佢好快還俾我! 但佢冇講到個實數, 係講2-3萬, 仲話拎左我本紅簿仔去打, 我借完俾佢都仲有$ 剩! 我即刻嬲到火屎! 但我冇發佢脾氣, 我話番緊工, 有咩WHATSAPP我講, 我有時間再覆佢!
佢最後係WHATSAPP都將電話度同我講既野打一次出黎! 我收工就覆佢「OK, 我番去計下條數先, 睇下點, 但我未必借到俾你」而佢亦都冇再覆我! 個晚我突登約老公出去食飯, 晏D先返去, 因為怕當面見到99!

第二日,佢WHATSAPP黎:

佢: 「計左未? 快D俾我! 唔拖得咁耐!」
我: 「計左啦, 但對唔住呀99, 我借唔到俾你! 我娘家要裝修, 我都要拎舊錢出黎呀。」
佢: 「你係外嫁女! 係要拎錢番黎我屋企! 唔係拎去娘家! 你諗清楚再答我!」

之後我冇再覆佢! 我同老公講掛住阿媽, 返左娘家住幾日! 我老公第2日就黎我娘家陪我訓一晚! 個晚佢借我電話玩GAME, 咁岩我99 WHATSAPP黎! 我老公當然睇到哂, 仲扮我覆我99!

我99 以為係我叫我老公睇, 叫我老公同佢傾!但事實我真係冇! 第2日, 我99打左黎我公司, 話要搵X小姐既上司, 之後同我上司講炒左我,又話我係公司搞D男同事! 搞到頭家就黎散! 話我係不祥人! 話我嫁左佢屋企冇日安寧! 又叫我上司小心D, 小心我有日公司得我同佢, 會除剩底衫褲黎引誘佢!

因為我公司有電話錄音, 所以我上次俾我聽完之後叫IT DELETE左! 我亦都錄音俾我老公聽!

我老公嬲到即刻番屋企幫我執野同鬧我99, 叫佢唔好再煩我地2公婆, 話我地同佢冇哂關係! 之後我同老公就搬番娘家了!

但間中, 我同老公會番去拎信, 琴日樓下看更話: 你地做乜咁對個阿媽呀! 做乜突然走左去唔理佢呀! 佢好慘嫁! 唔係娶左個老婆就冇阿媽呀嘛!! 之後話我: 你呀, 做女人就睇開D, 唔係你99, 你都唔會有個老公啦, 係咪? 帶埋人地個仔走, 你有咩居心呀!!

我聽完冇講野, 我老公叫佢唔好再講! 一家唔知一家事就走左

我地搬番娘家2個月左右, 呢2個月我地有搵姑仔, 有交租同埋過家用俾99
我地只係冇留去見下佢, 而佢冇WHATSAPP我, 只係WHATSAPP我老公, 而我老公又唔覆佢.....
其實真係我有錯?
唔通99咁做, 我仲要扮冇事, 拉埋個老公搬番去??

最新:::
琴日姑仔出差，上機前話９９病左，作感冒。。叫老公番去睇下佢買野俾佢食
番到去見到好多澳門船飛，又有Ｄ賭場水樽。。。。
而９９就係張床度訓，話好攰好唔舒服。。。。
最後我老公話係個邊睇住９９。。。唔番娘家。。。
今朝打俾老公叫佢起身番工，９９聽電話。。。話我老公唔舒服唔番工就ＣＵＴ線。。。
而我再打唔到俾老公。。。因為熄左電話　

我同老公拍拖結婚接近十年，由學生時期拍拖，一直都知道９９對佢唔好，而我老公又孝順佢。。。
但呢幾年，我好辛苦好唔開心！我都係人地個女，點解我要咁？
我係９９度，Ｄ衫褲我自己洗，我床單個Ｄ自己換，基本上都唔會要９９幫我做Ｄ咩。。。
最多都只係多左個人係度住姐。。。而平時我又唔會點出廳，多數喱係房。。。
我就黎３０啦！我都想有小朋友！但係一諗到我老公唔肯搬，話要睇住９９，我就唔敢生！
老公已經冇帶套，係我偷偷食避孕丸，Ｄ避孕丸仲要係擺公司，因為我怕老公見到。。
我唔知點算。。我好唔開心。。。
我有嘗試過順哂９９意。。。但永遠都唔夠咁。。。我仲可以做Ｄ咩

0 1 0

私人傳訊

mini1204

翡翠宮

積分: 79224

2^#

發表於 16-1-13 12:54 |只看該作者

回覆：99咁樣, 我原諒唔到佢! 係我錯

無論前因係乜
出左去就死都吾好回頭

點評

harrysyt

發表於 16-1-16 10:04

私人傳訊

pi0219

公爵府

積分: 26046

2024年龍年勳章 2024勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章瞓得好勳章開心吸收勳章畀面勳章認識瑞士牛牛第一回認識瑞士牛牛第二回最關心BB問題熱投勳章

3^#

發表於 16-1-13 12:59 |只看該作者

你無錯, 而且難得你老公明白事理撐你, 唔好諗咁多, 向前看 !

點評

lilylily107

發表於 16-1-14 11:06

美菲絲

發表於 16-1-13 17:01

私人傳訊

llssisi

公爵府

積分: 28374

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

4^#

發表於 16-1-13 13:04 |只看該作者

你老公好好喎

私人傳訊

littledot

公爵府

積分: 28392

5^#

發表於 16-1-13 13:06 |只看該作者

引用：同老公結婚都好幾年, 一直同99住, 呢樣野係

原帖由 luckytwinsstar 於 16-01-13 發表
同老公結婚都好幾年, 一直同99住, 呢樣野係我同老公結婚前既共識。上年年尾, 99突然自己打俾我, 話同我講D ...

你冇錯！搞啲咁嘅嘢俾我都忍唔到！
如果唔諗住搬返去就改晒啲地址啦！冇謂返去見到啲冇謂人講三講四。
btw，我脾氣唔好，冇啦啦俾人話我會駁佢，你唔知亞99做左啲咩衰嘢就唔該收聲唔好咁多事啦！

點評

咸蛋三寶飯

發表於 16-1-13 21:38

美菲絲

發表於 16-1-13 17:01

私人傳訊

BabyLoveBB

大宅

積分: 1934

6^#

發表於 16-1-13 13:07 |只看該作者

回覆：99咁樣, 我原諒唔到佢! 係我錯

你冇錯，你99好癲，自己歪理當正常，仲想打爛人地飯碗，賭仔黎架? 借唔到錢就唱衰人，你唔好返去喇，佢都幾恐怖。

點評

美菲絲

發表於 16-1-13 17:02

私人傳訊

anna59

珍珠宮

積分: 45754

7^#

發表於 16-1-13 13:15 |只看該作者

唔好搬番去, 難得老公支持

私人傳訊

mwmyway

侯爵府

積分: 20051

8^#

發表於 16-1-13 13:19 |只看該作者

回覆：99咁樣, 我原諒唔到佢! 係我錯

堅持！唔好因為外人說三道四就心軟。

係post到傾下好啦，不接受加好友同打招呼謝謝！

私人傳訊

Love_JVs

男爵府

積分: 8780

9^#

發表於 16-1-13 13:23 |只看該作者

你99 完全痴上腦, 快d帶佢睇精神科

私人傳訊

lhybebe

男爵府

積分: 7492

10^#

發表於 16-1-13 13:29 |只看該作者

回覆：99咁樣, 我原諒唔到佢! 係我錯? (長篇)

唔好諗咁多，你完全無問題，係你99有病，係佢本身有問題。難得你老公撑你，出咗去唔好返去！

點評

美菲絲

發表於 16-1-13 17:02

私人傳訊

做個靚太

珍珠宮

積分: 47909

11^#

發表於 16-1-13 13:43 |只看該作者

回覆：99咁樣, 我原諒唔到佢! 係我錯

尼個世界，係有好多乜都唔知，又要扮英雄講道理嘅八人！就係尼類人，害死好多委屈人！亦令好多所謂弱勢人恃寵行凶！
樓下個看更講得尼啲野，相信你99都有吐過苦水，咁嘅情形，都覺得自己好委屈，唔覺佢可憐，有番去嘅必要！
佢依加唔係齋發下脾氣，而係會影響你嘅生計，絕對唔係忍下就算！況且你地只係分開住，無對佢唔盡責，又有乜問題呢？！

私人傳訊