吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我5天的兒子（慎入：內容有些不安）

懷孕前後今日: 29|主題: 329673

收藏本版

發帖

返回列表

跳至頁

查看: 13189 | 回覆: 284

我5天的兒子（慎入：內容有些不安）

12 3 4 5...15

Er09090913

複式洋房

積分: 216

發表於 16-1-28 14:02 |顯示全部帖子

上天點解會揀我？重覆一次又一次問醫生，點解會係我身上發生。。。。

早上4點多突然覺得肚開始有d痛，我知道我的兒子要出世了，因為是第二胎，我都唔夠膽拖得耐，即刻叫醒老公去醫院。一去到已經係每4分鐘痛一次，不過姑娘檢查子宮只係開左一指半，只有在產前房等待，一路睇住個陣痛指數維持係40左右，果刻個腦不斷諗，有咩方法令子宮開快d，姑娘提議落床行下，落床行左半個鐘，感覺唔對路，突然有種急大便加上我係突然間陣痛加劇，行都行唔到，係走廊大嗌姑娘，點知遇到交更時間，嗌左好耐，姑娘只係叫我等陣，旁邊床的媽媽見我痛到咁，都走出去幫我拉姑娘入來，姑娘再檢查原來已經開曬度數，雖然係第二胎，但果刻真係有種就來暈過去既感覺，姑娘即刻聯絡產房準備推我過去生，過到產房仲要整好多野先肯比我生，一路叫我忍，果刻只想佢地動作快d又或者比d笑氣聞下，佢地一話可以生，係無使用任何止痛藥的情況下斷斷續續推左十幾分鐘後順利生左我第二個寶貝。。。。

私人傳訊

Er09090913

複式洋房

積分: 216

發表於 16-1-28 14:03 |顯示全部帖子

回覆：我5天的兒子（慎入：內容有些不安）

我以為自己終於可以休息下，等姑娘幫bb抹完身後抱比我。其實bb就係我旁邊，但因為有塊野隔住，我係睇唔到佢。突然聽到姑娘打左bb幾下，bb先喊，我都無諗過事情會咁嚴重，醫生一上到來，我聽到佢問助產士，點解call得佢咁遲。。。醫生即刻將bb轉去兒科，我係產房根本唔知到底發生咩事，姑娘只係同我講，檢查緊，叫我休息下。我等左好耐。。。。只係知道醫生叫左我老公出去講野，果刻真係好想落床，過去睇下個仔。我老公番來呑呑吐吐咁同我講，佢覺得我有必要知，原來個仔抖唔到氣，檢查後發覺一出世個肺已經有氣胸，心臟又無力，佢自己根本呼吸唔到，要即刻用呼吸機，又要係胸口用喉放氣，果刻真係心如刀割，但最痛苦既時刻原來仲未到，上天比我真正既考驗而家先開始。

私人傳訊

Er09090913

複式洋房

積分: 216

發表於 16-1-28 14:04 |顯示全部帖子

回覆：我5天的兒子（慎入：內容有些不安）

等完又等，醫生終於過來產房向我講解bb情況，佢話:bb而家情況好差，bb一路都自己呼吸唔到，照肺後發覺好多白點，我地東區呢邊無咁既儀器去幫小朋友，而係香港亦只有瑪麗醫院果邊可以有資源幫到小朋友。佢問我地會否考慮轉過去，果刻只要可以幫到bb既我地都會去做，不過醫生講有一定既風險，始終東區去瑪麗話遠唔遠話近亦唔近，加上救護車上既儀器始終不及病房，佢話要做好心理準備可能係救護車上已經會救唔番。。。。。佢亦都同我地講有機會轉到去瑪麗都未必可以幫到小朋友。但作為父母唔通要我就咁放棄？同老公同屋企人商量過後都決定就算得一絲希望都唔會放棄，醫生安排比我見一見Bb怕之後無機會。我第一眼見bb佢就已經成身都係喉管，果刻真係好想死，眼淚根本停唔到，我夠竟做錯d咩令到佢一出世要受呢種苦。。。。

私人傳訊

Er09090913

複式洋房

積分: 216

發表於 16-1-28 14:04 |顯示全部帖子

回覆：我5天的兒子（慎入：內容有些不安）

醫生通知警察交通部為bb轉院去瑪麗既路程開路，希望用最短既時間去到瑪麗。家人希望我在東區等消息，但果一刻我點可能安然係到等，我向醫生要求即時出院。。。搞好手續後，同老公即刻坐的士跟救護車過瑪麗，bb一上到去便入了心肺外科ICU,我地只能係門口等待，幾小時後，醫生終於出來同我地講番bb情況，瑪麗醫生同我地講bb情況一路都無好轉，而家只有兩個方案幫到小朋友，第一就係調較呼吸機，嘗試睇下佢有無辦法自己呼吸番，半小時到2小時就會知得唔得，如果呼吸機唔得就第二個方案要用人工心肺機，但係人工心肺機有一定風險，如出血，血塊阻塞部機。。。加上如果要裝呢部機，需要做開胸手術，先能夠放d喉管入體內。行到呢一步咩都要試，係試呼吸機的半小時姑娘突然跑出來同我地講，bb急救緊。。。。。我的兒子要離開我了嗎？請你要平平安安健健康康番來媽媽身邊，那時候腦裡只有這些想法。

私人傳訊

Er09090913

複式洋房

積分: 216

發表於 16-1-28 14:05 |顯示全部帖子

回覆：我5天的兒子（慎入：內容有些不安）

過了半小時姑娘又話而家要即刻做手術，你地同意嗎？如果同意醫生會立即安排，你地父母揾人簽紙。。。呢一刻已經哭到無力，要做手術意味著第一方案已經無效，這是最後一個方案。。。如果都救唔番。。。我要怎麼活下去。簽紙後等醫生做好準備，推bb過手術室既時候，呢次係我第二次見Bb。媽媽真希望能替你受苦。係手術室外等了兩小時，時間過得好慢好慢。。。終於都出來了，全身一條又一條既喉管，睇住d血經過d喉管再入番身體，睇住吊住一支又一支既強心藥溶血藥安眠藥嗎啡營養液，睇住手術後貼滿膠紙既胸膛，那一刻閃過我地是否做錯了決定？現在只有等待醫生既報告。。。每一日都希望24小時都陪係佢身邊。可惜能睇佢既時間太短了。出世的第二日佢終於張開眼睇我了，雖然只係微弱地單起小小眼。驚佢而家仲未睇得太遠，我要貼得好近好近希望比佢好好睇睇媽媽。好番後，向媽媽討呢個一出世就要佢受苦既債。

私人傳訊

Er09090913

複式洋房

積分: 216

發表於 16-1-28 14:05 |顯示全部帖子

回覆：我5天的兒子（慎入：內容有些不安）

一天一天過去，報告前一晚係ICU裡，有個姑娘問我有無宗教信仰，我說無。佢問我如果懷孕既時候知道bb有問題會選擇放棄嗎？果一刻我好肯定答佢如果懷孕既時侯知道我一定會選擇唔要，但係呢一刻我無可能放棄佢，不論佢之後會有咩後遺症，我都唔會放棄佢。。。但係姑娘同我講有時候放手可能對佢更好，果一刻我估到報告其實已經出左，只係情況太差，醫生需要整理後先通知我地，那一夜明知事情已經行到呢到，只能聽天由命，但係忍唔住都希望會有奇蹟發生。自己就好似精神病人咁，一時將情況想得好差，不斷喊，一時又同自己講會無事的，會無事的。。。果日只希望天一光就去睇睇他。。。坐係佢身邊，一齊等待醫生既報告。去到下午5點，醫生通知我地，想聽報告想見小朋友既家屬5點半在ICU門外等。在會晤室內等待醫生，一入來便是4位醫生，佢開始講報告內容，原來我呢個六合彩都未中過一次既人，個天竟然讓我兒子得了全球只有幾百宗病例既病，而且至今能成功救得番既個案係零。我地還有希望嗎？我的兒子要離開我了嗎？我要做什麼才能救活我的兒子？

私人傳訊

Er09090913

複式洋房

積分: 216

發表於 16-1-28 14:06 |顯示全部帖子

回覆：我5天的兒子（慎入：內容有些不安）

醫生建議我地拔喉，因為他的情況越來越差，已經開始有并發症出現，隨時都可能離開。最終我同老公一齊決定當晚就拔喉，我地唔想見到佢再受折磨，我希望佢可以係家人的陪伴下離開。。。呢個係我活到將近30歲人最痛苦既決定，我對住佢有無限既遺憾，我遺憾我未能在他醒來既時候盡一盡媽媽的責任，抱抱他，幫他洗個澡，那幾天他什至連奶都未吃過。臨離開前醫生明白我既願望，讓我輕輕抱抱他，為他剪一剪手指甲。我那了不起的兒子三次心跳停頓，但他的意志堅強，三次都救活了，雖然始終不敵天意。那一刻有誰明白我的感受。。。

私人傳訊

Er09090913