單親天地

跳至

首頁
1

尾頁
   6


男爵府

積分: 7667

月餅勳章


發表於 16-1-31 16:13 |顯示全部帖子
照顧BB呢部份,其實未生之前,一定要諗清楚點安排,同時要有PLAN B,以防PLAN A因為各種原因最終唔可以執行時,引起不必要既麻煩。

如果有家人/親友,甚至有能力請工人 / 本地EE,大可直接跳過。

但更多時候見到的,就是家人/親友在最後一分鐘直接拒絕,未請到工人,諸如此類。


先講育嬰園。

而家越來越多人知道嬰園的好處,嬰園學位絕對一位難求。如果你是在職而又要確保坐月完有機會直接入託,當你知道有左之後,即時向心儀既嬰園入紙排隊!

以下NGO均有提供嬰園服務,詳細資料請自行上網搜尋。

保良局 (銅鑼灣、元朗)

禮賢會 (天水圍)

香港保護兒童會 (西營盤、筲箕灣、太子、紅磡、將軍澳、粉嶺)

鄰舍輔導會 (屯門、沙田)

聖公會福利協會(深水埗、葵涌)

仁濟醫院 (荃灣)

嬰園既開放時間係星期一至五0800-1800、星期六0800-1300,另提供延展服務,星期一至五0730-0800,1800-1900、星期六0730-0800及1300-1400。

現時嬰園月費約五千餘元,包膳食部份(部份嬰園有指定奶份,可自攜人奶),尿片需自備(我聽過甚至連濕紙巾都要自備!)。你跟住講,咪貴過請工人!不過……符合資格人士可以申請學資處既費用資助,最高可以全免,前題係必須通過住戶全年收入及社會需要審查…..申領綜援人士不符合申請資格。

延展服務費用需自付,學資處不會提供資助。

如果你既返工時間係一般OFFICE HOUR,放公眾假期,育嬰園是最佳選擇,但要留意,如果BB有傳染病 / 發燒,嬰園不會受託; 如輕微病痛,可攜帶醫師處方藥物由工作員協助BB服藥。另嬰園在聖誕、新年、復活節、均會在正常紅假以外多出2-3天的假期,另有一星期暑假,你需要預留本身大假在需要時使用。


如果你是從事服務行業,返工時間長 / 不固定休假,又可以點﹖

社區保母。


提供服務的NGO請按此



費用$22/小時,如連續使用四小時或以上的膳食不另收費;但幼童之奶粉、米糊或其他特別之膳食安排等,家長需自備。家庭總收入不超過政府入息中位數的55%可豁免全費;如果超過55%但不超過75%可豁免半費。

請按居住地區聯絡提供服務的NGO預約配對。面見社工時要提供BB出世紙及你的身份證明文件、地址證明副本。如需申請費用減免,請同時提交過去半年的收入證明文件。綜援人士在半年內最多可獲14天免費使用服務。費用減免安排每半年評估一次。

不過使用社區保母,亦有以下事項要留意:
1. 每星期最多可使用本計劃的服務不可超過55小時 (如有特殊原因,社工會按個別情況再作考慮)。
2. 不會有事前視察保母家居的安排,但社工會定期到保母家中家訪確保質素。
3. BB的交收一般會在公共場所進行,保母不會到服務使用者家中照顧幼兒。
4. 部份營辦機構不容許服務使用者及保母互相交換電話,與保母間的溝通需透過營辦機構進行。
5. 如BB患上傳染病,不安排受託。


至於請本地EE,可以係鐘點工人版自己搵下或者請有經驗朋友介紹。價錢部份可以好參差,需自行商議,一般先付費,再使用服務。不過,你可以事前視察家居睇下環境以及EE本身是否適合,再決定是否聘用。

EE費用不包括尿片奶粉,而且一般都是不上門,不過夜。

我自己初期都有搵過本地EE代接BB放學,我比較好彩,兩位EE都很好,但未請到呢兩位EE前,試過有人答應之後放飛機,甚至去人地屋企SITE VISIT時發覺有住戶成員吸煙,甚至EE自己有煙味……

仲有兩種照顧安排,寄養家庭及全日的幼兒住宿服務,呢兩種服務主要係為六歲以下,因家庭、行為或情緒問題,未能得到適當照顧的兒童提供住宿照顧。提供服務機構包括保良局、香港保護兒童會及母親的抉擇,不過,呢兩項服務需要透過社工按需要轉介。


大宅

積分: 1753


發表於 16-2-2 16:26 |顯示全部帖子

回覆:給未婚媽媽的分享 (四:照顧BB,可以點做﹖)

非常之有用
謝謝分享



Catmanbb

首頁
1

尾頁

跳至