母乳餵哺

跳至

首頁

尾頁
   33


大宅

積分: 3076


發表於 16-3-8 01:41 |顯示全部帖子
本帖最後由 babycatrina 於 16-3-10 13:40 編輯

同各位媽媽一樣, 覺得餵母乳好唔容易, 甚至辛苦, 但餵到時又好滿足! 第一胎無經驗加上BB唔合作, 只能夠餵三個半月半人奶. 但第二胎時有經驗了, 知道點樣可以幫助上奶, 暫時餵左四個月基本上係全人奶, 仲可以給大B飲,所以想同大家分享一下, 一齊加油!
第一胎:

從來都唔可以全母乳,同好多JM一樣, 已狂埋身勁啜, 但因為:

1) BB係輕磅B, 啜住訓, 又成日厭奶, 百日該, 訓得唔好, 導至食得唔到, 惡性循環, 上唔到奶.
2) 用medela swing, 單泵, 24MM喇叭 --> 唔夠力+喇叭太細出唔到奶, 泵既時間好長, 泵45分鐘最多先得4安.
3) 乳腺唔夠, 泵奶時只得好幼既奶柱
4) 兩個月開始返工, 壓力大加BB難湊, 更加無奶
5) 依家睇番轉頭係飲唔夠水同湯

因為無奶, 就更唔捨得買貴泵, 當時又無諗到生第二胎. 到第三個半月時, 每次泵30分鐘只有一安, 正式掛泵. 冰奶就每日一包, 捱到四個月BB開始全奶粉.

第二胎:

基於第一胎既經驗, 我無信心可以全人奶, 所以買定奶粉看門口. 係醫院第三日上到奶. 有泵奶. 埋完身後可泵到一安.

因為BB大食, 加日夜顛倒, 所以一返屋企我就每晚十二點個餐餵奶粉. 即係全日埋日, 半夜就泵. DAY 8時可以泵到兩至三安. DAY 11 有四安

到陪月上手後, 我加泵, 只係晨早同臨前埋身 (睡前再補粉), 一日五至六泵. 到DAY 12有五安. DAY17有六安. DAY 19有7安

太攰了, DAY 25 最始減泵到一日自三至五泵, 每次有六至八安.

要湊大B, 太太太攰了, DAY 30開始又再減泵. (二B自個半月開始戒夜奶) 直到依家都係:

我泵/埋身:
00:00 泵11安
7:30 一邊埋身, 另一邊手啫2.5安
11:30 泵10至11安
17:30 泵9-10安

二B飲奶時間:
7:30 埋身
11:30 泵奶
15:30 泵奶
19:30 泵奶
23:30 泵奶 (之前係奶粉)
1:00 補泵奶

二B三個月開始每餐飲6 安, 所以夠佢飲.

開左個罐奶粉, 就算我可以做到全日奶我都給二B飲晒. 我唔覺得飲奶粉係罪過.

亦因為當初我開左奶粉, 有多既泵奶可以給大B飲, 都飲唔晒就冰起. 所以二B個半月大時我已經有30包冰奶. 令我無壓力. 更易上奶.

SO FAR好彩都叫可以全人奶, 係因為做左以下預備:

1) 生左第一胎, 失敗過, 累積到經驗 + 乳腺已warm up
2) 生前兩星期開始食卵磷脂通乳腺
3) 返屋企開始食山羊豆, 對增加乳腺好有用, 繼續食卵磷脂, 再後加more milk plus. 奶量穩定後我少食或停食呢D herbal supplement. 但一跌奶就食番. 好有效.
4) 多湯水, 豆奶, 牛奶.
5) 花大錢買貴雙泵, 迫自己堅持. 好彩個泵夾我.
6) 買27MM喇叭, 都發覺唔夠, 原來我乳頭唔算大, 但係要31MM先易出奶.
7) 最重要係, 要有一個好肯啜既BB, 有咩塞奶唔夠奶, 揾佢幫手先得!
8) 用lansinoh heating pads邊泵邊"FU", 幫助血液循環, 加快流量, 防止塞奶9) 每次都泵清, 同埋每旦次半"power pump" (即係20分鐘, 抖10分鐘再泵10分鐘或者點整都無奶出為止)
10) 一路泵一路按摩, 仲要從背脊推肌肉至乳房, 醫院姑娘教咁要會多奶
11) 有支持餵母乳既家人

我仲有兩罐奶粉, 會遲些給二B食, 每日一餐, 再儲冰奶. 咁希望我就算轉工後壓力大, 佢都有人奶食. 既然BB一日只需50ML就有足夠抗體, 咁我覺得咁只要佢每日有一餐係人奶都"足夠" (當然係唔理想). 我情願若我突然無奶的話, 二B仲可以"拖長飲", 有人奶既保護, 好過一次過給佢飲晒, 即係一段時間全人奶, 之後只係全奶粉, 咁佢吸收抗體既時間可以拖長D!

因為第一胎既失敗, 我一開始只係希望第二胎可以餵到6個月, 依家似乎可以做到. 但係泵奶真係好花時間、悶、攰. 但會堅持!

各位媽媽一齊加油!









子爵府

積分: 14073

大廚勳章 睛靈勳章 畀面勳章


發表於 16-3-8 02:28 |顯示全部帖子

回覆:babycatrina 的帖子


我第一胎唔成功,最終全奶粉
而家第二胎有左經驗加準備加溫書,全埋身左差不多3個月
罐奶粉暫時未開,仲係櫃入面😁




珍珠宮

積分: 40471


發表於 16-3-8 10:46 |顯示全部帖子
每日都補粉, 咪即係將原來果餐人奶轉左做食奶粉, 然後慳左既人奶冰做冰奶, 咁都算全人奶?? 唔覺有咩咁自豪.......
如果純粹想有50ml人奶既抗體, 咁放工全埋身已經得la.......

我第1胎, 餵人奶好唔順利, 開頭都好似你咁, 食奶粉果餐慳到既人奶就儲起, 仲自己呃自己話有儲備, 後來我清醒la, 覺得咁樣bb即係唔係全人奶la, 用奶粉換人奶, 有咩咁開心?? 我情願bb食晒d儲備, 我每日努力泵, 真係唔夠先補粉, 都唔想明明有人奶但要佢食奶粉.
我返左工2個月la, 我每次泵既奶無你咁多, 但係而家都做到全人奶, 無理由你多過我都做唔到ga


大宅

積分: 3076


發表於 16-3-8 12:35 |顯示全部帖子

回覆:小歪仔 的帖子

姐妹,你啱呀!
我頭一個月唔係全人奶架!當時係因為剛剛唔夠奶加二b日夜顛倒,所以開左奶粉,每日一頓,食完後到依家係全人奶

姐妹,你咁努力追奶又追到我當然替你小寶寶高興,但我有精神緊張既問題,一返工有壓力就無奶,試過狂泵都無用,泵唔到壓力大,更無奶。咁我知自己既狀況係要保持心情放鬆,我保持住呢個態度:努力餵母乳,努力過都唔得,餵奶粉都無問題!有冰奶同奶粉back up我反而可以成功餵到!

反之我見有些媽媽好勁!長期一日六至八泵仲埋身,亦係全人奶,呢個方法對佢地係work,咁就各施各法!目標都係努力餵母乳啫!

至於有咩咁自豪,係呀!我係好自豪揾到個方法啱自己。姐妹,請你唔好用譴責既口肳批評餵奶粉既媽媽,如果我去到人奶盡既關頭,每日只得番一包冰奶俾bb,我都覺得有抗體保護,好過無!

可能你會話有心就餵到,每人既身、心、能力,面對既情況唔一樣。到無奶時(即係45分鐘得一安),與其一日花幾個鐘去泵好小奶,我情願只埋身,甚至唔餵,用來湊兩個bb, 餵母乳只係我其中一個責任。每日可以對大b既時間好短,但好多時我都花左去泵奶,其實都好無奈。

可能我起個標題好似好得戚咁引起媽媽誤會,其實我係bk 幾年,陀b時都狂爬文去吸收其他媽媽經驗先知有咩方法、supplement、工具幫助上奶。我上胎餵唔到,今胎可以都係係度學番來,所以先動起分享既念頭。我唔想引起「餵到做咩唔全母乳」既討論,始終每個媽媽同家庭狀況唔同,但努力餵母乳既心情係一樣。



點評

vickypang    發表於 16-3-9 17:03


大宅

積分: 3076


發表於 16-3-8 12:36 |顯示全部帖子

回覆:Yanlovesnaz 的帖子

一齊 a za a za fighting!
全埋身好勁!




大宅

積分: 3076


發表於 16-3-8 12:49 |顯示全部帖子

回覆:由貧入小富 - 我的人奶路

保充小小,以免又俾人駡

未生前見大b食開既奶粉難得特價,基於之前失敗既經驗就入左三罐,飲左一罐,仲有兩罐。

因為牌子唔算超大路,送唔到俾人,到期日又近所以賣唔出,唔想浪費先俾bb飲,唔係特登扮勁用奶粉代人奶去打爆冰櫃。

請唔好再駡我😭




複式洋房

積分: 315


發表於 16-3-8 15:55 |顯示全部帖子
全埋身好勁~~加油~~


複式洋房

積分: 141


發表於 16-3-8 17:00 |顯示全部帖子

回覆:由貧入小富 - 我的人奶路

其實大家為左餵人奶都好辛苦,每個人都有佢唔同既經歷同難處,盡力做得幾多就幾多,人地都係純粹分享下啫。可以全人奶固之然好,唔得要補粉都唔係罪。
anyway, all 人奶媽fighting.


大宅

積分: 3076


發表於 16-3-8 18:02 |顯示全部帖子

回覆:wnwong1126 的帖子

多謝體諒!
花咁多時間打文唔係為「炫富」(何況同富媽我仲有好好好長既距離),亦都唔敢奢想做富媽,只係諗起上胎狂泵、啫、練、渣,不斷自殘都無奶,返工泵半個鐘都係得兩安,然後俾老闆同事暗示我花太多時間去泵奶,不務正業;老公會「關心」:搞咁耐得兩安咋?!有咩方法可以多d? 食more milk plus liquid好難飲都無效,個種無奈、無助、自責,覺得自己唔夠努力、體質唔好所以無奶同阿b唔肯啜,進而搞到佢食唔飽所以訓唔好,變得難湊等等。各種壓力令人好攰,所以依家有奶就好感恩同感動。亦好高興見到有改進,努力無白費!

老實見到有媽媽咁既回覆真係好令人泄氣,呢種「母乳霸權」何嘗唔係對媽媽既壓迫?!

總之希望大家對人奶媽多多支持同體諒!係泵奶時睇其他媽媽既鼓勵同分享對我來講好有用!

(個回覆令我好唔開心,壓力又增,今轉奶即刻泵小四安 ,唉)




複式洋房

積分: 141


發表於 16-3-8 18:41 |顯示全部帖子

回覆:由貧入小富 - 我的人奶路

唔駛理人點睇架,你諗得太多啦,人地一兩句說話你就咁在意,咁點樣同小朋友經歷風風雨雨?加油啦,做媽媽要夠tough先得。我上一胎都係因為準備同知識都唔夠所以做唔到全人奶,仲要係全泵媽,今胎吸收左經驗,食啱既野,我做全人奶媽直至阿囡而家四個幾月,雖然因為工作關係而家少左奶,要補一餐奶粉,但係我覺得盡左力都問心無愧。每個媽媽都想俾最好既野自己既小朋友,俾唔到全人奶唔代表唔愛佢啫。自己都要balance返身體,管理唔到自己咁小朋友都suffer.所以take it easy, 大家一齊努力啦,俾咁大壓力自己咪盞跌奶量,add oil la

點評

tinkerbellfairy    發表於 16-3-9 13:03


大宅

積分: 3182


發表於 16-3-8 18:44 |顯示全部帖子

回覆:由貧入小富 - 我的人奶路

多謝分享。
我女唔埋身,我又只泵到兩安。明白您的用心分享。
非常羡慕那些全人奶又可以全埋身的媽媽…


男爵府

積分: 9253


發表於 16-3-8 19:50 |顯示全部帖子

引用:+本帖最後由+babycatrina+於+16-3-8+01:52+

原帖由 babycatrina 於 16-03-08 發表
本帖最後由 babycatrina 於 16-3-8 01:52 編輯

同各位媽媽一樣, 覺得餵母乳好唔容易, 甚至辛苦, 但餵到 ...
你點知自己適合用咩喇叭? 特登買兩個尺寸返來試?




大宅

積分: 3076


發表於 16-3-8 20:40 |顯示全部帖子

回覆:wnwong1126 的帖子

我明要睇開些!謝謝!

第一胎肓中中真係好難成功 😹

我地捱到六個月加固就易好多了,一齊加油!




大宅

積分: 3076


發表於 16-3-8 20:41 |顯示全部帖子

引用:多謝分享。我女唔埋身,我又只泵到兩安。明

原帖由 winy629 於 16-03-08 發表
多謝分享。
我女唔埋身,我又只泵到兩安。明白您的用心分享。
非常羡慕那些全人奶又可以全埋身的媽媽…
謝謝!

我只係想分享用啱自己既工具同飲食係有幫助既!加油!




大宅

積分: 3076


發表於 16-3-8 20:48 |顯示全部帖子

引用:Quote:原帖由+babycatrina+於+16-03-08+發

原帖由 EudyptulaMinor 於 16-03-08 發表
你點知自己適合用咩喇叭? 特登買兩個尺寸返來試?
好問題!因為我到依家都唔識!

第一胎時,我係見自己乳頭唔大(見到朋友或其他媽媽既比較)就用24mm, 引唔到奶陣,都唔為意係喇叭問題

直至買左freestyle 送左27mm喇叭,用時易引奶陣, 咁先發現喇叭size重要

直到我係美國Amazon 訂31mm返來一用先知呢款啱我,好易出奶同埋可以泵多些奶

但我都係睇唔明medela 既size chart, 只係試試下




大宅

積分: 3076


發表於 16-3-8 20:53 |顯示全部帖子

引用:Quote:原帖由+babycatrina+於+16-03-08+發

原帖由 EudyptulaMinor 於 16-03-08 發表
你點知自己適合用咩喇叭? 特登買兩個尺寸返來試?
補充一下, medela freestyle跟機有24同27mm喇叭各一對,我用24mm會痛,乳頭塞滿個管,阻住奶出,泵完乳頭紅晒,用27mm無事




男爵府

積分: 6243


發表於 16-3-8 22:21 |顯示全部帖子

回覆:由貧入小富 - 我的人奶路

感謝樓主分享,我都係用先奶粉後全人奶,有時補少少粉反而可助上奶




大宅

積分: 3182


發表於 16-3-8 22:31 |顯示全部帖子

引用:Quote:原帖由 EudyptulaMinor 於 16-03-08

原帖由 babycatrina 於 16-03-08 發表
補充一下, medela freestyle跟機有24同27mm喇叭各一對,我用24mm會痛,乳頭塞滿個管,阻住奶出,泵完乳頭 ...
我上胎係醫院用 24 mm 時,護士已話我唔合適。所以用 27 mm. 今胎都係照用 27mm. 雖然有個 30 mm, 但唔太知道會唔會比27 好…


別墅

積分: 988


發表於 16-3-8 22:37 |顯示全部帖子

引用:多謝體諒!花咁多時間打文唔係為「炫富」(

原帖由 babycatrina 於 16-03-08 發表
多謝體諒!
花咁多時間打文唔係為「炫富」(何況同富媽我仲有好好好長既距離),亦都唔敢奢想做富媽 ...
講得好!!!
大家都要加油!!!


大宅

積分: 3076


發表於 16-3-9 14:07 |顯示全部帖子

引用:感謝樓主分享,我都係用先奶粉後全人奶,有

原帖由 bleeblee 於 16-03-08 發表
感謝樓主分享,我都係用先奶粉後全人奶,有時補少少粉反而可助上奶
每人狀況唔同,有些媽媽唔用奶粉,狂埋身同泵,得左!

可能因為係開刀,身體未好番,所以我自己就要訓先上奶,泵得密反而唔夠小睡一陣泵既奶多,所以開頭臨訓個頓用奶粉,休養好身體,反而上到奶!




首頁

尾頁

跳至
你需要登錄後才可以回帖 登入 | 註冊