同前男友分手後而又同老公曖昧不清時,我發現我有左😨,識得三個月咋,仲要得20歲。點算好,個陣我淨係敢同我好朋友講,佢陪我去商場驗孕,結果都係兩條線。哭。
好記得老公同我好朋友呃左我去商場聽live band 唱歌,主音唱唱下為你鐘情呢首歌。我老公好似行cat walk 甘行出黎。驚訝驚嚇驚喜,我諗佢已經知道了我有bb。
當佢係我面前拎住著五十份既鑽戒跪低求婚時,幾層商場既人都一齊大嗌嫁比佢,嫁比佢,我,真係覺得好開心好幸福,我就好似好似女主角。但,清醒過後,我决定唔要baby ,始終我地識得三個月,身分都未定,就要行一世,我怕。我係好傳統,雖然把口有時串串貢,心底裡覺得生bb就要結婚,結婚了就要一生一世。而且我得20歲,我怕我未玩夠。
當時好傷心,雖然决定了,但我記得手術後,我每晚飲酒持續兩個月。有時人就係甘,决定左又會唔捨得....