我返嚟啦!大件事,dan dan 豬大混亂,有冇計?
hello,
各位 bk 媽咪,你地好嗎? 我到咗澳洲 2 個星期啦 (亦全人奶 2 個 week 啦)!好掛住你哋!所以暫時借住朋友個 56k a/c 上嚟同你哋傾計。
dan dan 豬到了澳洲好似好唔慣,所有 schedule 都亂晒,到地的第二日即刻變咗隻樹熊!成日痴住我,希望你地可以幫吓我。
(1) 所有食奶的 schedule 都亂晒,每隔 2 個鐘就要摟計要埋身食奶,但每次都係食得 10 - 15 分鐘,搞到我要貼身照顧佢,什麼都做唔到。
(2) 夜晚一定要同我瞓,每 2.5 鐘食一次奶,但係香港時佢己經介咗夜奶... 仲要係我一定要餵佢至肯瞓,攪到我每日都係隻大熊貓!
(3) 由於佢已經 6 個月大,我開始比糊仔佢食,每日試一餐,過兩日再試兩餐,但係佢食完之後半個鐘又摟食,但係我又唔可以一下子大量比佢食喎,佢都食唔落啦,點好?
(4) 佢成日要我抱,因為已經不輕了,我已經抱到手痛,唔抱就喊,第二個抱又唔肯.... 真係激死!
(5) 又係奶奶問題,佢日哦夜哦要我介人奶,比佢食奶粉,(因為佢覺得食奶粉 bb 會無咁痴身,佢可以幫我揍住 dan dan) 我費事同佢嘈,因為坐月的時候我已經好堅持要餵人奶,佢話 dan dan 豬成日喊要我係因為食唔飽,所以要食咁密,而且佢成日什麼都比佢食,驚佢唔肥,激死我!我就話我唔想 bb 太肥,唔靚、唔想佢第日怨我哋兩個,而且健康咪得咯!佢成日就話佢 d 醫生朋友話人奶 6 個月後就無益,而且對大人細路都唔好?-(,唉!遲 d 仲要靠佢同我揍 dan dan 豬,因為要工作,都唔知點好!
(6) 我奶奶成日話我唔夠奶,每餐都監我食 double 的分量,陰公!我啱啱收完身咋,我話健康咪得咯,佢就話佢哋上一代每餐會食 3 碗飯....我己經向我老公求救,你哋有冇計呢?
DanDan豬︰
17/01/04 出世=3.185kg;
17/01/05 1 歲啦!= 9kg
17/05/05 16 個月!= 10.2 kg