論盡家傭今日: 6|主題: 133703

收藏本版

發帖

返回列表

跳至頁

查看: 934 | 回覆: 6

菲傭續約的問題.....煩死人!!!有冇人知？ [複製鏈接]

龍嫂

洋房

積分: 286

1^#

發表於 04-8-2 16:05 |只看該作者

菲傭續約的問題.....煩死人!!!有冇人知？

工人11月約滿，會續約，請問︰

1. 工人想9月(即完約前)放假返鄉下，係咪放足14日比佢？

2. 由於佢放完假返黎都未完約，到真係完約之時，駛唔駛再比佢放假？早一陣子有人話入境處有新規例，完約工人必須在完約後開過香港，究竟係咩回事？

3. 駛唔駛當提早terminate左現在的合約先？即現在(8月)比一個月通知，到9月當佢完約走，放假後(9月尾)再開新約？

4. 這樣續約駛唔駛找Agent？聽講話D工人會自己辦續約的，有晒合約樣本比僱主簽。這樣僱主有冇風險？

5. 如果找agent辦，agent會否收兩面(僱主和工人)錢？我驚我的工人唔肯比。

6. 如菲傭放完假返黎大左肚，點算？係咪唔可以叫佢走？(但佢初上工時如果大左肚，都可以換第個)，如果找agent 辦續約，呢方面的保障會否大些(起碼可以叫佢走)？有冇辦法可以防止這些問題？

私人傳訊

m1m1sam

大宅

積分: 1902

2^#

發表於 04-8-3 11:09 |只看該作者

Re: 菲傭續約的問題.....？

未做滿兩年應可以pro-rata計番，不過既然你同佢續得約，只不過差幾日就無謂同佢計。

其他"技術性"的問題就要睇下其他人幫唔幫到你，我自已o個個都係年底約滿，依家未知續唔續約，都有興趣知道可以點做。

私人傳訊

龍嫂

洋房

積分: 286

3^#

發表於 04-8-3 15:55 |只看該作者

Re: 菲傭續約的問題.....？

工人日日問住我，可唔可以早D比佢放假。
請問有冇人答倒我的問題，等我可以早些比個答覆佢？
係咪請過另一個冇咁煩呢？

私人傳訊

嵐豬仔

男爵府

積分: 5953

4^#

發表於 04-8-3 15:58 |只看該作者

Re: 菲傭續約的問題.....？

Dear 龍嫂,

1. 可以同工人商量,如果放唔足假就要補錢
2. 正式規定係工人應該要返回鄉下再回港履行新約,放假的時間應在前合約剛完結,以前入境處沒有嚴格執行,現在則依足規定辦事,例如你工人在11月約滿,佢應該在約滿日期離開香港,放完假再回港履行新約,就算佢9月返左鄉下,到時都應該再離開,如果佢11月唔可以離開香港,你就要發出一封承諾信俾入境處,保證在1年內容許工人返回家鄉,入境處亦只會發出1年簽証,另1年簽証會在工人入境香港時再補發(呢o的係我年頭時續約的資料,應該重update)
3. 如果你terminate佢份約咪要重新申請visa,我唔知入境處批唔批你請番同一個工人
4. 菲傭續約可以唔駛經agent,但都唔可以完全依賴個菲傭,如果你無時間就不如搵agent,如果你可以自己辦,請參考我續約的大概程序：－
a.首先到入境處取有關o既全套表格連一本指南(有齊所需文件清單)，細閱指南後填妥表格及預備所需文件副本(例如稅單)
b. 將填妥及已簽名的合約(綠色１式４份)及其它所需文件叫工人星期日放假早點出門去領事館申請notarize份合約，需時大概４個工作天，費用大概100港元,下一個星期日再叫佢回去領事館取文件,領事館只會俾番3份合約你，剩下1份領事館存檔
c.　然後再集齊入境處所需文件去申請，如果你信得過工人就叫佢自己去,如果唔係就同佢一齊去(因為表格內有你屋企的總收入等私人資料),如文件齊全,入境處應可即日辦好簽証,費用大約150港元,入境處只受理4星期內到期的續約
5. 工人唔想俾錢咪叫佢幫埋手一齊搞
6. 正式來講工人同我地一樣有懷孕保障,無辦法防止,最多佢一番香港就叫佢去驗身,agent 辦續約唔包呢一樣

希望幫到你!

註: 另請收PM