家庭理財

跳至

首頁
1

尾頁
   0


子爵府

積分: 13831


發表於 08-10-17 08:02 |顯示全部帖子
【明報專訊】噚日(16日)係內地A股見頂一周年。07年10月16日,上證指數升至6124點歷史新高後便封頂。如果將時間再推前一年,去到06年10月16日,上證指數以1787點起步,一年之間升4337點;至到噚日,上證收報1909點,同樣係一年,跌番4215點,幾乎打回原形。小琴不禁問一句,過去一年,唔通大家只係發場夢?夢醒之後,發現好似什麼都冇發生過。

市值蒸發20萬億元

如果係發夢,咁呢個夢一定係噩夢,最後大家都痛醒。過去一年,究意發生乜事?大家不妨睇幾個數字。滬深兩地股市總市值,由一年前33.62萬億元(人民幣.下同),跌至13.52萬億元,市值蒸發20萬億元,差唔多等於07年中國GDP(24.6萬億元)。

一年前,滬深兩地股票戶口突破1.3億個,數目多過共產黨員,每星期有335萬個新增戶口,較對上一年急升25倍。時至今日,戶口總數不升反跌,減少至1.2億個,平均每日新增加戶口只有17.2萬個,比一年前減少57%。

一年前,滬深兩市總共有13隻股票股價超過100元,成為紅底股,一年之後,仍守得住紅底股只有一隻,就係生產國酒貴州茅台(滬﹕600519),噚日收市報100.58元,逆市升3.5%,舊年最高見過235元。

中石油「王者回歸」令人傷心

如果要選過去一年,最令大家傷心一天,小琴覺得係07年11月5日。當日係中石油(0857)以「王者回歸」聲勢,A股掛牌。掛牌當日,最高見每股48.62元,比起招股價升1.9倍,成為全球最大市值石油股,股民們如癡如醉。諷刺係,之後A股跌市,正正就係由這位「王者」帶頭,中石油A股噚日收報11.9元,較高位跌幅達76%。

睇番A股歷史,由1992年開始有股市以來,最長時間跌市為期48個月,即01年6月開始次跌市,最短係92年,只有5個月;跌市中,指數最大累積跌幅有79%,最細跌幅有23%。


伯爵府

積分: 17183

2021勳章


發表於 08-10-17 14:33 |顯示全部帖子
我是4歲的澤銘,我最愛跑來跑去,破壞看得到的一切東西,和最愛車車 ようこそ!ご覧で下さい !

首頁
1

尾頁

跳至