論盡家傭

跳至

首頁
12

尾頁
   0


複式洋房

積分: 165


發表於 08-10-17 09:48 |顯示全部帖子
日頭返工,得工人湊BB,仲做唔做到買餸煮飯,請問大家早午晩三餐點解決?

現時我的状況係

    我              工人
早:麵包             麵包(因為唔洗煮)
午:返工出街食     煮她想食的/食前晩剰的
晩:買埋餸返家     負責洗,但我煮(工人唔識煮)

我工人係第一次來香港做野,唔識買餸煮餸,煮得超難食。大家會唔會好似我咁:買埋餸返家,自己煮埋。


珍珠宮

積分: 42686


發表於 08-10-17 09:53 |顯示全部帖子
我家BB現在兩歲多,我地兩公婆日頭都要返工,我地既做法係……

初時,星期六一家大細出車去買餸,我會跟工人去街市,睇住工人買餸,覺得佢handle得好好,跟住就放手佢自己買,每次都買一個星期既餸

基本上,早餐、晚餐、lunch box都係姐姐煮晒,我地每日返工放工返都有得食,非常happy

BB兩歲後,返全日學,其實姐姐可以日日去買餸都得,但我地買開一個星期既餸,覺得可以慳到好多,包括時間和金錢,所以現在依然維持一個星期買一次餸

每次姐姐計埋搭車來回(我地屋企出街市要搭車&行路,單程要20mins),兩個半小時連買野、搭車攪掂晒

[ 本文章最後由 Froggy_joe 於 08-10-17 10:13 編輯 ]


珍珠宮

積分: 42686


發表於 08-10-17 09:56 |顯示全部帖子
我地在職媽媽,最想係放工多d時間陪BB或者抖下,盡量train工人做晒煮飯、洗碗既野,如果train唔到,就要考慮下係咪換人

長期要僱主做煮飯、買餸,我地唔捱得幾耐架咋,親子質數都會大大降低


珍珠宮

積分: 31492


發表於 08-10-17 09:57 |顯示全部帖子
我都係同你一樣, 自己買餸, c6或我煮晚飯, 工人都係第一次出國, 做咗差唔多1個月, 嘜都唔識, 食完飯洗一餐碗都成粒鐘, 所以我前幾日至教佢點洗, 如果教佢煮飯真係有排至有得食, 咁咪無人睇bb(我有對孖b)? 暫時都係教佢點洗菜同切瓜, 我地就睇bb, 等佢熟咗至再教點煮, 逐步來, 以佢地的接收能力, 唯有慢慢教啦.


大宅

積分: 1972


發表於 08-10-17 10:04 |顯示全部帖子
我自己煮野都好難食....所以一定要佢搞晚餐.請果時講明要煮飯ok.
早餐同午餐我地都唔係屋企食,而買餸我會同佢一齊星期六買...有左佢洗費已經大左好多,唔想再俾佢打斧頭...

我會之前果晚or lunch時話俾佢聽今晚煮咩餸...費時佢煮埋d古怪野出黎...

lunch佢會自己煮,通常佢都會煮面食

請佢返黎係負責湊仔同做家務嫁...佢話湊仔忙,做唔到d濕碎野我都ok,因為仔仲係細,但係連飯都要自己煮我會痴線嫁...

原文章由 ahbook0707 於 08-10-17 09:48 發表
日頭返工,得工人湊BB,仲做唔做到買餸煮飯,請問大家早午晩三餐點解決?

現時我的状況係

    我              工人
早:麵包             麵包(因為唔洗煮)
午:返工出街食     煮她想食的 ...


公爵府

積分: 27067

好媽媽勳章 親子達人勳章 BK Milk勳章


發表於 08-10-17 10:14 |顯示全部帖子
我賓賓要揍2個小朋友, 大囝要番上午班, 細囝成日係屋企, 因為屋企附近無街市, 唔鐘意工人揍住細囝出出入入, 所以每日我放工都會買2天既餸菜, 工人識煮飯, 唔使煩…
神未曾應許天色常藍;但衪曾應許生活有力!


別墅

積分: 634


發表於 08-10-17 10:21 |顯示全部帖子
哎, 咪話你地d工人初來打工唔識煮飯, 連我個係HK做左十年個印印都唔識煮飯, 做麥都貪快但係你面前就拖慢D黎做, 搏你唔使叫佢湊B. 上左工6個月喇, 仲未搞得店亞仔, 依然係我煮飯同湊亞仔訓覺.
力仔三歲四個月啦...超活潑!!!!
細老都一歲半啦...成日大哥.......


大宅

積分: 2611


發表於 08-10-17 10:33 |顯示全部帖子
我地係逢星期日買半個星期o既餸(工人放星期六), 然後逢星期二我自己會再買, 工人平日係唔會出街o既, 因為要照顧bb


大宅

積分: 4801


發表於 08-10-17 10:34 |顯示全部帖子
咁就有d怪lor..
應該係你放工睇住bb,同bb玩..
我覺得 食 反而係其次....最多食遲d,食差d...
你返工已經無時間同個bb相處,返到來仲要做家務..唔係呱...
我覺得係呢d情況,唔應該體諒太多個工人...
唔係你見個工人點,你配合佢..而係因你情況,你要個點既工人.
工人湊bb,可能唔係成日做到家務,可以體諒, 但你返到屋企佢仲只係湊B就好有問題..
1/ 佢一路唔做..只會越來越唔識做..會做死你
2/ 佢已經同bb有office hours 咁多時間相處,仲要加埋你做家務時間tim..唔係嚇你..遲下bb當佢係媽媽都未定

你寧可同工人講,你要佢點配合你..如果唔係你無辦法下要換佢..等佢學快d..如果唔係..佢會覺得你攪得掂,+上湊B無咁辛苦..唔係學極都唔識就係唔想學!!


大宅

積分: 1635


發表於 08-10-17 10:35 |顯示全部帖子
就咁睇,似乎你同工人交换咗角色bor!

BB而家仲未識行,又未使煲粥仔,應該有充裕时間煮餐飯出來。要佢抱住呀B落街買餸可能你會放心唔落(我都唔放心!),所以買餸呢part由雇主去做都可以理解,至少唔使驚佢打斧頭,或羣壊晒。

但講到煮飯,呢part係佢嘅duties,無理由雇主做埋,煮得難食就要學,咪日後佢老馮咩都話唔識、做得唔好,要你做晒你就大镬啦!遲啲佢都要煲粥仔俾BB,咁唔通你煲定整定咩!?

其實有时我地真係太“镜”住啲工人,成日驚佢地要顧住凑B不能兼顧其他嘢,當然你或會顧虑佢地掛住做家務,會忽略呀B,但我地比幾千蚊佢唔係净係做凑B一樣嘢,咁只會纵容佢地日後有大條道理,要專注凑BB,其他嘢做唔到!

我都試過無工人自己凑两個小朋友嘅日子,一個仲係newborn,咁我都係单人匹馬,凑住两個買餸、煮飯、洗衫。。。全屋家務,老公又夜返兼有时出差,都係咁顶咗两年多,都未死得。咁點解主人都做到,工人又做唔到咩!?

唸下我地啲工人放假时,我地都係咁做嫁啦!

老板請我地返來,就expect我地達到佢嘅工作要求,唔通我可以同老板講我唔識做,或兼顧唔倒,叫佢幫我做咩?!!老板亦唔會见我做得唔好,自己攬番上身做嫁嘛,佢話之你,總之你就一定要死掂佢啦!!

原文章由 ahbook0707 於 08-10-17 09:48 發表
日頭返工,得工人湊BB,仲做唔做到買餸煮飯,請問大家早午晩三餐點解決?

現時我的状況係

    我              工人
早:麵包             麵包(因為唔洗煮)
午:返工出街食     煮她想食的 ...


男爵府

積分: 6420


發表於 08-10-17 10:41 |顯示全部帖子
其實... 我好難想像工人完全唔會煮飯的情況...
要煮得好食就難啫, 煮 D 簡簡單單得唔得? 蒸豆腐、肉餅、鼓油雞翼都學唔識? 兩日學一味一定得啦! 如果日復一日要太太煮飯, 咁我覺得個工人態度有 D 問題喎!


男爵府

積分: 6237


發表於 08-10-17 11:14 |顯示全部帖子
ahbook0707,


早 : bread
午 : leftover from last nite dinner
晩 : 工人煮飯 (i set the menu)

買餸 might be a bit difficult.. but 煮飯 shouldn't be a problem ar... the maid can prepare the food when bb is sleeping... and then start cooking when you return home la... 30 mins cooking should be good enough la... which gives you time to play with your baby alone, too !

can't accept if 工人 not cooking.... i think that is the basic requirement for a 工人, right??


原文章由 ahbook0707 於 08-10-17 09:48 發表
日頭返工,得工人湊BB,仲做唔做到買餸煮飯,請問大家早午晩三餐點解決?

現時我的状況係

    我              工人
早:麵包             麵包(因為唔洗煮)
午:返工出街食     煮她想食的 ...


珍珠宮

積分: 40351


發表於 08-10-17 11:14 |顯示全部帖子
我工人要湊2個都煮到2餐啦, 你工人又點會做唔到丫

買餸會由我老公買, 因為佢返shift 時間會彈性d, 可以日日去買餸, 之後就會話姐姐知要點識, 我呢個姐姐o黎左4個月, 開頭煮野真係好唔掂, 唔係冇味, 就係未熟, 一係就落少樣野, 好彩e+叫好d啦

係驚姐姐整得唔好食, 咪教佢煮d易d ga野先lor, 蒸魚, 肉餅, 蒸蛋咁, ok左啦, 先再教d難d lor

至於餸....可以一次買定一week, 又可以今日買定聽日餸, 叫姐姐下午bb訓左覺時, 洗定"葉"定, 你一返到去佢就可以開始煮, 你又可以久不久入廚房睇下佢煮成點


別墅

積分: 619


發表於 08-10-17 11:24 |顯示全部帖子
我會叫我個工人一早出去街市買...佢大約7:30 就會買完番黎..O個時我地2 公婆仲未出門番工O既..大約係平日會出去買2日餸, 星期六我地唔洗番工, 佢就中午出去買..不過平日如果佢去買餸番黎上午就清潔唔到屋企..(我要佢日日清楚屋企同BB D 玩具) 唔知我番左工佢有無咁做...
佢之前係HKG 做過年幾野..煮野食都OK 架..我問佢點解識煮野..佢話有D 睇書學, 有D 係問人..有D 我想食O既餸, 我就話比佢知點整LOR..都整得OK O既...


別墅

積分: 619


發表於 08-10-17 11:30 |顯示全部帖子

工人生日你地會點??

你地屋企個工人生日你地會點做..會唔會送野OR 比封利是佢 ?? 定係扮唔知算數


珍珠宮

積分: 42686


發表於 08-10-17 11:36 |顯示全部帖子
做得好,送禮物
做得唔好,送條毛
原文章由 韜韜b 於 08-10-17 11:30 發表
你地屋企個工人生日你地會點做..會唔會送野OR 比封利是佢 ?? 定係扮唔知算數


男爵府

積分: 7836


發表於 08-10-17 13:41 |顯示全部帖子
點解唔得? 我個湊兩件 (細 b 7 個月, 大囡 4.5 years old 返半日k2) 都搞得掂. 佢都係第一次黎香港, 初初連煮通粉都唔識架.

唯一係佢唔可以去街市 (因為湊住細b). 好彩我屋企樓下有超市, 上午家姐返左學佢落超市買送, 有時我放工早的就我去街市買定 d 作儲備.

至於煮得好唔好味, 呢樣野就真係好難搞, 睇佢有冇心機學&記. 當然您也不能要求她煮太複雜的野.

我工人的 daily schedule

早餐 - 大囡食 corn flake (佢自己鍾意), 唔使煮; 我同先生返工自己食; 工人自己搞掂 - 佢通常淨飲咖啡, 有時加塊白面包.

大囡返學後, 去超市買送.

中午 - 大囡冇飯引, 中午通常食通粉, 意粉, 燒賣, 水餃等. 我會教佢一次過煮熟2-3餐份量的通粉, 大囡放學佢只需要煮返熱+ canned soup + 火腿絲or 腸仔就等. 佢自己 - 食隔夜飯送 or 煮公仔面 or 面包.

晚餐 - 3 送一湯, 3 送裡面, 一定要包括肉&菜,其他就 free option, 佢自己渣主意. 我教佢都係簡單野, 通常蒸肉片/排骨/蛋, 炒青菜, 蒸魚, 老水野 (可以煮一大煲, 隔日食, 食幾日), 湯就由我指定, 有時老火湯, 有時滾湯.

佢煮/洗野時, 會先暗 bb 訓覺, 如bb唔訓, 咪放佢響廚房門口, 佢望到bb, bb 望到佢, 大家 no complaint. 初時 bb 細, 訓餐搖椅, 依家坐到, 就坐高餐椅, 放響廚房門口比 d 玩具佢自己玩.

仲有唔記得提, 大囡下午仲要返興趣班(屋企附近), 帶左大囡去興趣班, 就幫 bb 沖涼.

佢通常 5 點幾 6點開始預備/煮, 我放工返到去 7 點就有得食, 食完我同2個囡親子, 佢做其他家務/沖涼, 10 點前搞掂晒, 訓覺.

原文章由 ahbook0707 於 08-10-17 09:48 發表
日頭返工,得工人湊BB,仲做唔做到買餸煮飯,請問大家早午晩三餐點解決?

現時我的状況係

    我              工人
早:麵包             麵包(因為唔洗煮)
午:返工出街食     煮她想食的 ...


珍珠宮

積分: 32034


發表於 08-10-17 13:53 |顯示全部帖子
可以放假時, 叫c6睇住BB, 你同工人一齊去街市買餸. 等佢知點買同埋等佢幫你拎野. 你放假日時要教佢煮飯, 睇實佢!

平時你只是買D菜or簡單野便可.

BB 日頭會瞓下覺or在BB床上玩, 工人便可以看cook book & 煮餸.

比個限期佢, 1個月裹要煮到指定食物出來, 否則冇得留底~ 我都係咁同D工人講, 所以佢地好勤力學煮飯架~

首先自已唔好怕[教], 工人先唔怕[學]架~~


大宅

積分: 3551


發表於 08-10-21 13:46 |顯示全部帖子
原文章由 咕怪媽媽 於 08-10-17 13:41 發表
點解唔得? 我個湊兩件 (細 b 7 個月, 大囡 4.5 years old 返半日k2) 都搞得掂. 佢都係第一次黎香港, 初初連煮通粉都唔識架.

唯一係佢唔可以去街市 (因為湊住細b). 好彩我屋企樓下有超市, 上午家姐返左學佢落超市買 ...


好羨慕,你工人可以做到甘多野,佢黎左幾耐呀??


男爵府

積分: 7836


發表於 08-10-21 13:54 |顯示全部帖子
我工人 7月9日先到我屋企, 未黎過香港, 第一次帶佢搽地鐵連閘機都驚. 佢人好春虫虫, 勝在珍惜份工, 肯比心機學.

坦白講, 佢搞得掂兩個細的, 又煮到餐飯比我地食, 其他的, 不能要求太高了。

原文章由 bonbon16 於 08-10-21 13:46 發表


好羨慕,你工人可以做到甘多野,佢黎左幾耐呀??

[ 本文章最後由 咕怪媽媽 於 08-10-21 13:56 編輯 ]

首頁
12

尾頁

跳至