夫婦情感

跳至

首頁
1

尾頁
   0


複式洋房

積分: 436


發表於 08-10-17 10:40 |顯示全部帖子
係呢道成日都睇到啲夫婦話因為自己嘅仔女去強忍
另一半的過份行為,就算給另一半打罵,背叛不忠等等....
其實你們覺得這樣做小朋友真會得到幸福嗎?
成日見住自己父母吵鬧,成長會健康嗎?
而自己又會因自己為了個小朋友忍受了很多,
在不知不覺間對小孩子期望多了,壓力又大了;
又或者要經常注意著另一半有否再對自己不忠而疏忽照顧。

究竟咩叫一個家?
究竟小孩子成長是要健康快樂,
還是要一個終日吵鬧哭哭啼啼的父母呢?


子爵府

積分: 14001


發表於 08-10-17 12:40 |顯示全部帖子

回覆 #1 babypig801 的文章

唔係話離開就離開架, 經濟係好大既問題, 做單親拿綜援比吵鬧既家庭好好多嗎??? 被歧視係一個問題, 如在職既管教子女同相處時間會少好多, 好多夫妻無感情都仍然一齊生活, 某情度上都好偉大架, 為仔女去犧牲自己既人生, 可能要到仔女長大明白感情事既時候先可以分開, 家家有本難諗的經,其實有頭髮邊個想做辣厘呢


珍珠宮

積分: 48741


發表於 08-10-17 12:55 |顯示全部帖子
原文章由 pollybell 於 08-10-17 12:40 發表
唔係話離開就離開架, 經濟係好大既問題, 做單親拿綜援比吵鬧既家庭好好多嗎??? 被歧視係一個問題, 如在職既管教子女同相處時間會少好多, 好多夫妻無感情都仍然一齊生活, 某情度上都好偉大架, 為仔女去犧牲自己既人生 ...


同意...講真無人結婚嗰陣想自己段婚姻會搞成咁囉!真係可以有得掹既大家又有心去改善關係既,咪去搵社工傾囉,真係掹唔到而且對方好過份同無理既又影响埋仔女既,呢D真係無謂勉強,講真,一段婚姻可以好好地順順利利咁白頭到老既梗係好啦,相反如果真係要去到離婚呢步,有好多事都好睇兩口子既心態係點,如果得一方想KEEP住段婚姻,但另一方已經去意已決,我覺得無謂勉強...

想當年我都係單親家庭長大,都好明婚姻同感情呢D野係無得勉強,人地係要心淡要失望要離開,就算你點迫點掹住都係無用...嗰時我父母未離婚前又係日日掟杯掟碟咁鬧大交,又鬥氣鬥到兩公婆可以唔理我同大佬,兩個晚晚一星期七晚係咁打通宵麻雀...求其掟低飯錢要我大佬八九歲人仔落街買飯番黎俾我呢個亞妹食,父母打輸麻雀或者嘈交,又會拎我地出氣...坦白講,我兩兄妹都好唔開心囉!依家諗番當年我大佬確係怨氣好重...佢對父母係又愛又恨的.如果兩公婆有咁大問題仲要夾硬起埋一齊,唔覺一定係好事囉.


子爵府

積分: 13363


發表於 08-10-17 12:59 |顯示全部帖子

好难得才在某层度适应一个人

好难得才在某层度适应一个人。 若离婚再结,又要重新互相适应,而且要去适应不同的缺点。等於又从零开始,前工尽废,而且工夫实在太大了。 懒惰的我一想就不用离了。 如果不再结婚呢? 单亲父母好辛苦哦!懒惰的我一想就不用离了。只要老公不与我离婚,我一概不离。


複式洋房

積分: 436


發表於 08-10-17 13:05 |顯示全部帖子

回覆 #2 pollybell 的文章

(攞綜援被歧視)我想應該只屬少數掛!
(在職管教子女同相處時間會少好多)唔一定單親先在職;
很多夫婦也一同在職,他們也要面對管教問題,管教出現問
題唔應該和單親掛鈎的。
(好多夫妻無感情都仍然一齊生活)這也不健康,也大大提
高第三者出現的危機。
我當然明白有頭髮唔想做辣厘,但這年代真的還要這樣的犧
牲嗎?
人生苦短啊,可以看見小朋友健康快樂的成長才重要!


複式洋房

積分: 436


發表於 08-10-17 13:13 |顯示全部帖子

回覆 #3 ~仔仔媽咪~ 的文章

其實我也只想帶出這點,盡過力,留不了,
別再找理由留下任由對方傷害;單親需辛苦
但少了為對方擔憂及影響心情,也是另一種快樂!
何況,現在的小朋友很早熟的,童年短暫了很多,
很快他們會明白感情是不能勉強的!


複式洋房

積分: 436


發表於 08-10-17 13:15 |顯示全部帖子

回覆 #4 ndw 的文章

我真的想像不到啊!


珍珠宮

積分: 48741


發表於 08-10-17 13:28 |顯示全部帖子
原文章由 babypig801 於 08-10-17 13:13 發表
其實我也只想帶出這點,盡過力,留不了,
別再找理由留下任由對方傷害;單親需辛苦
但少了為對方擔憂及影響心情,也是另一種快樂!
何況,現在的小朋友很早熟的,童年短暫了很多,
很快他們會明白感情是不能勉強的! ...


明白.查實嗰時我父母離婚時,我已經明白感情已經無得勉強,嗰時我得六歲,我大佬得十一歲,我媽話要離婚要走,我仲好記得我大佬好嬲好傷心咁訓响床度狂喊又話嬲咗亞媽,但查實之後,我父母離婚反而我係輕鬆咗無咁大壓力,至少唔會日日見住父母嘈交又掟爛野,又唔駛一星期七晚都唔見父母,至少我老豆都要湊住我地,淨係星期六至打廿四小時麻雀咁啫...但之後我老豆始終太愛我媽,接受唔到我媽再婚去嫁第二個男人既事實,成日响我面前稱呼我媽做垃圾婆,又唔俾我見亞媽,否則實打鑊金(有次我老豆攞埋菜刀話要斬我然後去自殺)...嗰時我既童年咪仲更加無童年...一直都要生活响父母互相怨恨裡面...有時諗埋都幾無奈架!原本我媽話要俾我去新加坡讀書,我老豆又鬥氣又話唔俾,之後我媽移民去加拿大話帶埋我去嗰邊讀書三年,我老豆又係鬥氣話要同我斷絕父女關係,我結婚時我老豆又係講到明有亞媽無佢,唔俾我通知我媽話我要結婚,結果我媽都係我結婚後一個月至知我結咗婚,响電話度聽到我媽委屈咁喊,我都肉赤架!實情,大人既問題同感情係咪真係要仔女受埋一份?


複式洋房

積分: 436


發表於 08-10-17 13:41 |顯示全部帖子

回覆 #8 ~仔仔媽咪~ 的文章

唔成熟就沒法子啦,大人相處出現問題係唔可以咁架,做不成夫妻,但係小朋友的父母,這關係一世也不會變!
幸好,我和前夫仍做到朋友!


子爵府

積分: 14001


發表於 08-10-17 13:43 |顯示全部帖子

回覆 #5 babypig801 的文章

這個年代你做乜都可以講到好合理既, 拿綜援人地講乜人地既事,而呢個年代好多小朋友都係單親架啦,SO WHAT?????? 合側離不合側去, 人生苦短想做就去做羅SO WHAT???? 咩叫做責任感呢???咁你有無諗下你小朋友點面對同背或者社會既壓力呢????? 人地會問佢點解???? 你要佢點答呢???? 好理直氣壯咁答嗎???? 我係單親同拿綜援, 其實小朋友好簡單最想父母一齊生活, 每個人都有權選擇適合自己既路, 好與壞視乎自己點諗既.無一定既準則.


珍珠宮

積分: 48741


發表於 08-10-17 13:48 |顯示全部帖子
原文章由 babypig801 於 08-10-17 13:41 發表
唔成熟就沒法子啦,大人相處出現問題係唔可以咁架,做不成夫妻,但係小朋友的父母,這關係一世也不會變!
幸好,我和前夫仍做到朋友!


你同前夫都處理得好好呀!講真咁多年我媽查實都想同我老豆大家再見亦是朋友架!可惜我老豆始終放唔低,我大佬嗰時都要去到成年至原諒到媽咪再婚呢回事至肯見番我媽...實情我媽都响呢件事情上受左唔少委屈,依家我老豆都老喇,又好明我老豆既心情既...再者到我有我囝囝時至理解到我老豆本身都有自閉特徵,所以你要佢諗野變通下唔好咁固執都無可能架喇...正如我媽講,我老豆查實為人好好,係一個善良既人黎,但就係脾氣古怪到無人頂得順囉!所以呢D野都好難講,講真我媽未離婚前都試過幾次頂唔順我老豆D古怪脾氣而離家出走,查實我媽都忍咗好耐亦俾咗好多次機會大家,只係大家都解決唔到當中既問題囉.所以感情呢D野係好難講.


複式洋房

積分: 436


發表於 08-10-17 13:57 |顯示全部帖子

回覆 #10 pollybell 的文章

我當然知道“小朋友最想父母一齊生活“啦,我的
論點也只是如當中已沒愛,只有爭執及吵鬧,
小朋友也不會開心幸福,就是大人有責任去供給
小朋友一個幸福快樂的成長環境,就更加要去面
對自己的感情問題,大人在家只有生活而沒有了
愛,妳估小朋友真的會感覺不到嗎!
強調一點,我說的分開是有曾努力過及爭取過而沒
結果,才別找藉口留下啫!


複式洋房

積分: 436


發表於 08-10-17 14:01 |顯示全部帖子

回覆 #11 ~仔仔媽咪~ 的文章

仔仔媽咪,希望妳一家幸福快樂的生活下去!


珍珠宮

積分: 48741


發表於 08-10-17 14:04 |顯示全部帖子
原文章由 babypig801 於 08-10-17 14:01 發表
仔仔媽咪,希望妳一家幸福快樂的生活下去!

大家咁話啦~


珍珠宮

積分: 48741


發表於 08-10-17 14:15 |顯示全部帖子
原文章由 babypig801 於 08-10-17 13:57 發表
我當然知道“小朋友最想父母一齊生活“啦,我的
論點也只是如當中已沒愛,只有爭執及吵鬧,
小朋友也不會開心幸福,就是大人有責任去供給
小朋友一個幸福快樂的成長環境,就更加要去面
對自己的感情問題,大人在家只有生活而沒有 ...


查實當自己有仔女時,大家兩公婆既重點都係要俾兒女有個幸福既生活同健康成長啫!講真,談情說愛玩浪漫呢D野,自己同老公拍拖二人世界時咩都玩夠啦,唔係要你婚後唔駛理另一半,而係大家要成熟同理智囉!一句兒戲說話嫌另一半乜又物咁,但又唔去好好地解決就話離婚,完全無理會個兒女感受,呢D咁不負責既人我至覺得憤怒!講真每個人成長環境唔同當然會有自己既缺點啦,大家起埋一齊時又唔係一朝一夕既事黎,嗰個人係點自己都應該係了解囉,同邊一個人相處一齊住實會有問題發生,大家實會有缺點要對方容忍同包容,只係個main point係,大家有無心去改善同溝通囉!呢樣好重要,如果只係唔愛對方對對方無愛情既感覺而離婚,呢D人我更加睇唔起!始終大家都係成年人唔係小朋友囉,一段婚姻既建立唔係可以咁兒戲囉!就算係離婚,大家有小朋友既,都要有適當既溝通同處理,唔係一句離婚就可以唔理仔女,可以劃清界線當唔識囉.


複式洋房

積分: 436


發表於 08-10-17 14:27 |顯示全部帖子

回覆 #15 ~仔仔媽咪~ 的文章

同意,我說的分開是有曾努力過及爭取過而沒
結果,才真正實行。
因咩都做過了也沒結果的話,繼續勉強下去只會
增加大家的怨氣啊!
當然仔女真的要好好處理,別要因大人的問題,
令他們失去應有的愛(我指是強行不給對方見面
及相處的機會)。


珍珠宮

積分: 48741


發表於 08-10-17 14:34 |顯示全部帖子
原文章由 babypig801 於 08-10-17 14:27 發表
同意,我說的分開是有曾努力過及爭取過而沒
結果,才真正實行。
因咩都做過了也沒結果的話,繼續勉強下去只會
增加大家的怨氣啊!
當然仔女真的要好好處理,別要因大人的問題,
令他們失去應有的愛(我指是強行不給對方見面
及相處 ...


係啦,唔好拎仔女黎出氣鬥氣囉!當年我最嬲係我老豆唔俾我見亞媽之嘛!為咗唔俾我見亞媽咩都做得出,又鎖門唔俾我出門口約媽咪見面,又打鑊金,根本嗰時我都諗我都無做錯野,只係想見媽咪同媽咪行下街去玩,點解要俾老豆打到出血眼都爆埋(眼白嗰邊微絲血管爆搞到半邊眼白變咗深血紅色)又唔敢帶我去睇急症驚俾差人拉...嗰時我番學咁既樣又嚇親全校老師,放學我偷偷地上媽咪屋企,我媽見到我咁又心痛但又係怕我老豆俾差人拉又唔敢帶我見醫生,嗰時我真係好憎我老豆憎到一個地步係真係想殺死佢想佢快D去死架...實情係咪要仔女咁細個已經有咁既怨恨去到咁既地步至安落識得收手呢?


複式洋房

積分: 436


發表於 08-10-17 14:48 |顯示全部帖子

回覆 #17 ~仔仔媽咪~ 的文章

我最唔想就是這樣,因小朋友會因大人有這樣的
行為而變得自卑及負面,又會多添怨氣;都只不
過是大人相處出現問題,小朋友已經沒了完整的
家,何必要他們也同樣承受著大人的怨氣呢?
反而因分開了,更應要小朋友明白,他們是不會
失去父母的,令大家學會珍惜相處的時間。
這可能令小朋友更明白愛是什麼!


珍珠宮

積分: 48741


發表於 08-10-17 18:56 |顯示全部帖子
原文章由 babypig801 於 08-10-17 14:48 發表
我最唔想就是這樣,因小朋友會因大人有這樣的
行為而變得自卑及負面,又會多添怨氣;都只不
過是大人相處出現問題,小朋友已經沒了完整的
家,何必要他們也同樣承受著大人的怨氣呢?
反而因分開了,更應要小朋友明白,他們是不會
失 ...


查實唔好成日以為小朋友咩都唔知/唔識囉!查實都識諗,都好想鍚住父母架...無奈父母既自私,得番黎既結果變成咁...我都要調節好耐至唔再嬲我父母咋~!咁我都已經做咗人地亞媽,我仔又係有自閉嗰D問題,我又係要湊住,當中有好多野已經好明白,都會諒解番父母既...始終人係無完美.

首頁
1

尾頁

跳至
熱門主題
婚外情 ... 2 3 4 5 6 .. 8
C6事件 ... 2 3 4 5 6 .. 21