自由講場

跳至

首頁
1

尾頁
   0


珍珠宮

積分: 37310

好媽媽勳章 醒目開學勳章 畀面勳章


發表於 08-10-17 11:36 |顯示全部帖子
(明報)10月17日 星期五 05:05

【明報專訊】曾幾何時,香港都推行過「正音正字運動」,Emily記得讀大學時,通識課程中都有《粵語正音》。Emily自問說話唔係字正腔圓,有時見到唔識讀嘅字都會不自覺「有邊讀邊」;聽到唔識嘅字,有時都會寫錯同音字或別字,唯有勤力啲查字典啦。不過,噚日採訪立法會 答問大會時,特首煲呔兩度讀到「時間『康』長」,就真係考起Emily,究竟「『康』長」點寫呢?當時只好漏空個「康」字。

「多謝梁議員指點」

直至社民連「長毛 」梁國雄 企起身指出﹕「特首猛說『康』長『康』長』,應該係『冗』長,特首讀錯字好大件事……」長毛大大聲話﹕「乜嘢『康』長?唔識聽喎!」此時,一向唔認輸嘅煲呔只好講一句﹕「多謝梁議員指點!」煲呔身為特區首長,可能係唔少學生哥嘅學習榜樣,希望佢日後遇到唔識讀嘅字,就請教人或者查字典,每句話最好都「正音正字」!

社民連拒同煲呔大合照

另外,喺答問大會前,一眾議員先齊集宴會廳影大合照。呢次可能係未來4年僅有嘅合照機會,但都唔齊人。有議員同Emily講,原本已喺宴會廳等影相嘅獨立黃宜弘 ,一見到社民連三寶入嚟,就即刻「杯葛」離開。而跟住到同煲呔合照時,就輪到社民連三寶離場,事後主席毓民話:「前一日先『掟蕉』,無謂一齊影相,免得『皮笑肉不笑』!」

阿曾愛榴槤多過蕉

仲有,前日毓民喺立法會掟蕉,掟高啲真係可以掟到坐喺主席台嘅立法會主席曾鈺成 ,不過阿曾似乎唔太介意,噚日仲喺合照時同「大嚿」陳偉業講笑

原來長毛都有D建設性架喎。

[ 本文章最後由 Elefant老婆 於 08-10-17 11:37 編輯 ]


別墅

積分: 695


發表於 08-10-17 11:49 |顯示全部帖子
嘻!嘻! 我中文唔好,不過佢用「多謝梁議員指教」或「多謝梁議員指正」, 會好過用「多謝梁議員指點」!!

不過可能呢個係煲呔的心底話....呢個長毛又係度指指點點!!


珍珠宮

積分: 48741


發表於 08-10-17 11:58 |顯示全部帖子
所以都話咪當長毛係流先得架~~~條友真係不知幾咁精靈~~~果然讀過書...係唔同D...

不過曾特首都答得幾得體吖...呢度加下分先...

首頁
1

尾頁

跳至