話說我個女高燒了幾天食藥都唔退，就帶佢去醫院check清楚。在等X光照肺報告時，病到五顏六色阿女話要去洗手間，我就帶佢去。洗手間有幾隔，有個著住短裙港女在等。阿女入到洗手間已經郁離郁去好似好急咁，我就問佢係咪好急，佢話係，我就好有禮貌問在等的港女:"請問可唔可以俾我個女..."話未說完, 港女好唔客氣話:"唔可以，我都趕時間喎!"
我見佢咁無禮貌就唯有問囡囡忍唔忍到?囡囡可能都見勢色不對,就話OK可以等。結果等到港女去完藐藐咀眼向天喺厠格出番嚟先有位(另一格都同時有人出)，但我帶個女未入到厠格時，佢已經肚疴疴晒落地，原來佢唔係急小便，係發燒搞肚
結果我要幫佢清潔同幫手抹地，好彩清潔阿姐目睹成個過程，冇鬧我，仲幫口話如果頭先嗰個人讓俾阿女去先就唔會咁。阿姐仲幫我一齊清潔。我女只有六歲，點解o的人連基本同情心都無。莫講話小朋友，如果大人有需要先去洗手間先我都會讓。我好少咁嬲o的三唔識七的人，但今次真係堅嬲，想拉番佢入洗手間打鑊金
發表於 
咁可能佢係怕錯過了看醫生吧!...
態度問題又好主觀，語氣語調都係。
返回列表
