自由講場

跳至

首頁
1

尾頁
   0


大宅

積分: 4396


發表於 08-10-21 17:27 |顯示全部帖子
我個女好驚返學(N1), 無時無刻都驚人迫佢返學,
成日自言自語喊住話.....情情唔駛返學....情情唔駛返學.......
好似傻左咁 ~

初初返學頭兩星期都好開心, 朝早自已著好鞋,
揹好書包話返學玩玩, 帶佢返學我走都無喊,
放學又唔願走~
之後開始覺得佢有小小唔想返, 返到學校開始喊,
唔比我走, 唯有叫老師抱走佢, 同佢講話媽咪返工,
女麻女麻買完菜菜就黎接你架喇~
老師之後同我講佢只係喊一陣, 跟住就無野,
可能而家多左規則要守佢唔鍾意, 會放寬下佢,
另外只係食飯同飲水唔得, 其實呢兩樣我都預左,
因為佢係屋企都係咁, 所以覺得無乜野~

但後來未出門口已經話唔返學, 會喊一陣,
但 tum 左佢出門口上車又無野,
係車度同佢講返到學校去同小朋友玩玩,
媽咪要返工, 晏d女麻女麻買完菜菜就黎接你架喇~
佢都話知道, 但一返到去換左鞋又喊, ~
老師話佢中間病過無返幾日學, 要重新適應, 比但d時間佢,
我都同意既, 因為我見過我阿仔幼兒園個同學又係朝朝返學都喊, 重喊足成年

但岩岩過左呢個星期更加嚴重, 一朝早就話:
情情唔駛返學...情情唔駛返學....
同佢換衫佢就喊住話要著mario衫, 我話mario衫洗左喎,
佢又話著kitty......總之一見套校服就喊....
夜晚又唔肯沖涼, 又唔肯訓覺.....
又話已自病要睇e生, 不斷比籍口...
佢原本好鐘意沖涼, 但佢而家佢死都唔肯沖涼,
一定要夾硬黎先得, 又一路沖一路喊,
喊到訓覺時間又唔肯訓, 不停喊......
喊到訓著左又訓得唔好..........
一起身又話.....情情唔駛返學....情情唔駛返學....
成日無啦啦喊.....無啦啦話.....情情唔駛返學....
情情唔駛返學....一提到學校就發脾氣.....

我再問過老師, 佢都話佢只係我走喊一陣,
跟住都適應到, 亦訓到一陣覺, 不過佢話我個女好硬頸,
唔鍾意老師迫佢食飯同飲水, 可能咁所以唔想返~

佢日日都唔夠訓, 每日放學都"合"眼訓,
有日返屋企重行行下眼訓得濟趺到損晒....
同佢傾計本來傾得開開心心, 會突然間變得好唔開心...
無論點tum都唔得...
我真係好擔心

我地而家同佢都好辛苦, 所以呢兩日無同佢返學,
想阿女可以暫時休息下先....

你地既小朋友有無試過?可否比D意見, THANKS!

首頁
1

尾頁

跳至