自由講場

跳至

首頁

尾頁
   5


侯爵府

積分: 24913

最關心BB問題熱投勳章 BK Milk勳章


發表於 16-6-8 00:37 |顯示全部帖子

回覆樓主:

小朋友ready好自然會戒,唔需要刻意的我之前係到見過有jm分享戒片,就係首先著條底褲再著片,賴左尿小朋友會唔舒服,慢慢佢就會講去廁所了。
你可以試下


子爵府

積分: 14959


發表於 16-6-8 00:42 |顯示全部帖子
回覆 charlieXD 的帖子

得閒多啲帶佢去廁所!習慣下環境!特別係訓醒一定要去廁所!多數都有尿屙!
如果冇唔好迫佢,坐一坐起身!唔好鬧!
鬧佢會驚,更加唔想屙!

我個人反而認為學習褲冇乜用!
對小朋友黎講感覺同尿片一樣,只係方便除!
初初如果唔同佢帶片,就不停每一個鐘左右就問佢有冇尿屙!
我初頭直情引誘我囡,每次去屙,屙到就俾粒糖仔!
兩三日後,習慣左,唔洗糖都肯屙!
有時少少引導係需要


侯爵府

積分: 20266

畀面勳章


發表於 16-6-8 00:54 |顯示全部帖子

回覆樓主:

我仔由2歲開始介片,用左4日就搞掂左。
方法係唔幫佢著尿布,由佢瀨,瀨左就話佢醜醜,臭臭,下次急要搵我。間唔時問下佢有冇vv, 提佢有v v要搵我。我冇硬性規定佢要坐係廁所仔等柯,因為愈迫佢坐愈反感(又要哄又書仔又播片果種咪搞我),佢急自然會肯坐,提早教佢認住邊度去廁所。train左幾日佢已經識叫vv,要多讚賞佢,我會佢give me ten。
去便便開頭唔識講,要我自己留意佢有咩徵兆,而家就識摸住pat pat叫55。
佢自細用尿布,都有幫助介得快些。


男爵府

積分: 8241


發表於 16-6-8 00:57 |顯示全部帖子

回覆:(求辦法)點幫2歲小朋友介片

我都想知,試左2日都係唔得



大宅

積分: 2835


發表於 16-6-8 02:15 |顯示全部帖子
真係唔使急㗎,小朋友ready就好快。我細仔2歲9個月時試過唔得仲好怕坐馬桶,我都唔迫佢。到三歲再試,佢好合作,一星期已成功戒左。之後都很少瀨尿,我都估唔到。


翡翠宮

積分: 81413

2024年龍年勳章 2024勳章 2023年兔年勳章 虎到金來勳章 牛年勳章 2018復活節勳章 育兒性格勳章 趣教勳章 叻叻勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 16-6-8 02:28 |顯示全部帖子
2歲3個月仲好細啫,戒片唔急得,買定一打底褲,預左要洗尿洗屎,搵個weekend 唔出街留在屋企,每半個鐘放上馬桶,唔得既隔一個月又重新來過,總會識


禁止訪問

積分: 231


發表於 16-6-8 02:43 |顯示全部帖子

引用:Quote:依晨 發表於 16-6-7 22:31 有介片底

提示: 作者被禁止或刪除 內容自動屏蔽


禁止訪問

積分: 231


發表於 16-6-8 02:54 |顯示全部帖子

回覆:(求辦法)點幫2歲小朋友介片

提示: 作者被禁止或刪除 內容自動屏蔽


珍珠宮

積分: 39174


發表於 16-6-8 11:40 |顯示全部帖子
我仔差唔多27個月先坐potty,29個月先介到,而家30個月,幾乎連夜片都介埋,訓左識急醒叫去疴vv。但佢番到學有時唔敢同老師講急,就會瀨,響屋企就肯講,佢見我地忙緊都識自己除褲仔自己去potty搞掂。

介片首先要佢唔抗拒坐potty/馬桶。我係俾佢熟習坐potty先o既

1. 引佢坐potty,睇書玩玩具睇youtube巧虎上廁所(坐potty以外時間係冇youtube睇o既),坐到疴到奬提子乾,我試過初頭要坐50分鐘先疴得出。

2. keep住定時去potty,當時仲著住片因為天氣仲係涼,番全日制學都係全日著片,只有響屋企試,一日三四次,坐坐下識得控制膀胱肌肉,又唔抗拒potty,基本上叫佢疴就疴到vv,逐步減少奬勵,但唔帶佢去依舊屎尿都瀨落片,keep住成日提佢大個仔了,要去potty疴,唔好瀨落片。

3. 一到5月夏天天熱,在家除片介,瀨左唔會即刻同佢換,屎尿都有,笑佢污糟,唔會同佢洗pat之類,叫佢坐potty up住一陣,提佢下次要出聲唔好瀨,基本上因為有前面準備功夫,佢唔抗拒potty,所以瀨左2-3日就識出聲。


大宅

積分: 1974

開心吸收勳章


發表於 16-6-9 15:26 |顯示全部帖子
我見我表姐係用h牌training pants,佢話個隻薄身似底褲仔,然後定時定候帶去廁所,除褲同佢講"殊","殊"到佢痾為止,試多幾時佢就自然知道去廁所要除褲先,唔知得唔得?


大宅

積分: 3323


發表於 16-6-12 16:19 |顯示全部帖子

回覆:chercher68 的帖子

我果個都係仔仔,出親街真係九成都係大人廁板,咁點去到?仔仔屋企坐小童廁板唔怕跌




大宅

積分: 3323


發表於 16-6-12 16:29 |顯示全部帖子

回覆:rayrayus 的帖子

我都係半個鍾坐一次,但仔仔好似分開斷斷續續咁痾,有時見坐痾完行出黎五分鍾又有,半個鍾都頂唔到,你試過嗎?




大宅

積分: 4334


發表於 16-6-12 18:02 |顯示全部帖子
charlieXD 發表於 16-6-7 19:58
我個小朋友2歲3個月啦
仲未介到片

你小朋友同我果個一樣,應該未慣冇片痾potty果種感覺. 姑娘有教,初時俾佢著片坐住痾,之後開始鬆開條片痾. 我亦試過將暖水倒落身體下面,似wee wee感覺.
2Y多啲間唔中試下,之後到2Y6M有一晩等左4個鐘,鬆開片痾,痾成第一次之後就冇再怕了. 之後第二日已經成功戒左.



大宅

積分: 4334


發表於 16-6-12 18:03 |顯示全部帖子
ahyu_0805 發表於 16-6-12 16:19
我果個都係仔仔,出親街真係九成都係大人廁板,咁點去到?仔仔屋企坐小童廁板唔怕跌



...

男仔帶個樽仔,仲方便


大宅

積分: 2739


發表於 16-6-12 18:12 |顯示全部帖子
我囡兩歲半都未戒到,教佢嘗試想大小前出聲,每次仍去完先話我知,一起努力喇!


珍珠宮

積分: 37295


發表於 16-6-12 18:28 |顯示全部帖子

回覆樓主:

我唔贊成咁早戒片,我朋友個女2歲就戒,迫到個女日喊夜喊,情緒不穩經常發癲喊,瀨左又鬧瀨尿瀨尿濕晒又瀨! 問我仲乜唔戒片,我反問仲乜要迫個小朋友戒。我小朋友係2歲9個月先戒片,係唔駛迫一除片就戒到,連瞓覺條片都唔會瀨,過程係2歲開始著學習褲,定時帶佢去痾,痾到就痾唔得都ok叫佢下次再加油,瀨濕片從不鬧溫柔鼓勵下次要同媽咪講vv呀,我小朋友自然戒到,唔會因瀨尿而有挫敗感。


大宅

積分: 2076


發表於 16-6-12 18:47 |顯示全部帖子

回覆:(求辦法)點幫2歲小朋友介片?

我囡兩歲三個月果陣3日戒晒片,方法係朋友教,佢囡1日就戒左。
我囡戒片前已經定時帶佢坐廁所,朝早起身wee+poo,食飯前同瞓覺前,但佢都未識講自己急wee。
咁夏天一到,就買定卡通底褲同張靚貼紙,同佢講如果識自己話急wee就獎一張比佢貼喺簿仔度。開始時就直接著底褲,隔一個鐘就帶佢上廁所坐一坐,如果wee到都照獎貼紙,另外平時久不久問佢急唔急,頭一兩日食完晚飯飲完湯佢都瀨濕兩三次,仲要隔半個鐘就瀨一次,每次瀨完就話底褲隻公仔整濕左會唔開心嫁,下次唔好整濕啦。到第三日佢識得按住條褲仔話要去廁所,我地大聲咁讚佢,之後就冇再瀨濕。開頭果段時間佢地會忍得麻麻,一話要去就要快手快腳帶佢去廁所。
希望幫到你啦!




水晶宮

積分: 60295


發表於 16-6-12 19:46 |顯示全部帖子
kumasanee 發表於 16-6-12 18:03
男仔帶個樽仔,仲方便

男仔, 出街用濶口樽wee, 然後倒入厠所,比女仔方便好多

點評

ahyu_0805    發表於 16-6-13 00:50


翡翠宮

積分: 81413

2024年龍年勳章 2024勳章 2023年兔年勳章 虎到金來勳章 牛年勳章 2018復活節勳章 育兒性格勳章 趣教勳章 叻叻勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 16-6-12 22:36 |顯示全部帖子
ahyu_0805 發表於 16-6-12 02:29
我都係半個鍾坐一次,但仔仔好似分開斷斷續續咁痾,有時見坐痾完行出黎五分鍾又有,半個鍾都頂唔到,你試過 ...
一定會咁的,唔駛氣餒,因為佢地未慣去廁所要去清,因為以前隨時在片痾嘛,痾大篤又得細篤又得,如果見佢手有想掂jer jer 位,就即抱上廁所,得佢慣左"痾要在馬桶痾"呢個concept


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 16-6-12 22:53 |顯示全部帖子

回覆樓主:

如果未ready就唔好逼,我以前又係老人家不停話我細個一歲就戒咗,又係打呀鬧呀,我仔兩歲半開始戒,咩方法都試過,就係唔得,搞到佢又緊張,幾個大人又緊張,後來我叫停,去到3歲足,我同個仔講:3歲啦,大個仔架啦,由今日開始唔著片片啦。於是進行一星期唔著片訓練,佢一次過尿片c片都戒晒,連中午瞓覺都唔駛,一個月唔到,連夜片都戒埋。到個女時我完全由得佢幾時就幾時,我女早過哥哥戒到,可能係大小便都坐容易d, 我女應該係大概2歲9個月就甩咗,夜片就要耐d, 因為佢瞓得多瞓得沉。

樓主,慢慢教,未得就停一陣再試,通常夏天戒會易d
花旗太太生活在花旗國,留意時差,你問我未必即時答到。

首頁

尾頁

跳至