由於我爸曾經是軍人,對北京有一定的情意結。
故此,決定在BB讀幼稚園前及爸爸還有體力時去一次北京。
行程如下~~
(1)
天壇+前門大街+大柵欄(2)
北大+清華+頤和園(3)
天安門+故宮+景山公園(4)
慕田峪長城+鳥巢水立方(5)
恭王府+什剎海+煙袋斜街(6)
升旗+回香港
13/6/2016由於我們酒店位於王府井,步行10分鐘已到天安門,順便睇下,再搭地鐵去天壇,去到地鐵站,都係整張ic卡用(押金20元),比較方便,返香港前係機場退返到得。
女兒狂奔
天壇,買聯票入去
去完天壇,搭巴士去前門大街大柵欄,記得上車落車都要DO卡,順便試一下便宜坊。
14/6/2016先去清華(但唔比入,要星期六先比),咁唯有去北大行陣,
行左陣,就搭車去頤和園,我地係北宮北站落車,係頤和園北門入,點知奶左野,因為係北門入,要先上山,先去到昆明湖。既然洗濕個頭無法,局住托部bb車上山。山上都好多野睇,但托住bb車真係無咩mood,下山立即去到長廊,即時大家都開心返晒。
行去頤和園都19:00,又怕放工勁多人,就去左西苑食街食下野。
15/6/2016天安門廣場,感覺沒有想像中那麼大
然後從天安門廣場去故宮,建議大家20蚊租一個講解器(唔使押金),睇得會比較有feel.
去完故宮,當然會去埋對面既景山公園
16/6/2016慕田峪長城,人比較少,而且外籍人士比較多。初時想法,纜車上山,滑道下山。但考慮有老有少,還是選擇纜車來回,比較安全。去之前一定一定帶備足夠既水,因北京真係好干。
去完慕田峪,再去水立方鳥巢睇下個奧運場館。
17/6/2016先去恭王府,去恭王府的旅行團很多,建議大家早點去。
然後什剎海,沿途都是酒吧,經過銀錠橋,再去煙袋斜街等胡同行下
原本計劃去埋南鑼鼓巷,但大家都好累,決定唔去了。晚上,到王府井教堂睇一下,就去左一個叫銀泰in商場88食湖南菜北京D野食,我真係唔習慣。
18/6/2016再去天安門hea一陣,就搭大巴回機場。