懷孕前後

跳至

首頁

尾頁
   1


大宅

積分: 2528


發表於 16-6-25 11:01 |顯示全部帖子
痛得耐唔耐,係睇自己嘅,都唔關私家定政府。
我政府生,痛左三個鐘就生左,阿b 8磅,都唔使剪。
我表姐,私家生,痛左十幾粒鐘都生唔到,要開刀。

只係私家嘅服務,環境會好好多。

不過我係瑪麗生已經覺得好好,果時訓最近窗嘅床,多左個窗台放野,又望到海,啲姑娘又好好人我好滿意啊!


伯爵府

積分: 17773


發表於 16-6-25 21:17 |顯示全部帖子
winniebryant 發表於 16-6-25 11:01
痛得耐唔耐,係睇自己嘅,都唔關私家定政府。
我政府生,痛左三個鐘就生左,阿b 8磅,都唔使剪。
我表姐, ...
姐妹,你是非常幸運的一群,仲有大把唔幸運既公家病人。如果可以選擇,何必係人生中一,二次既生仔經驗留下不必要痛苦,搏唔過囉!


別墅

積分: 628


發表於 16-6-25 23:39 |顯示全部帖子
hellokitty2016 發表於 16-6-22 19:03
又唔會痛少d既

私家姑娘俾你我待遇係好好多, 態度完全兩回事。


複式洋房

積分: 337


發表於 16-6-26 08:09 |顯示全部帖子
我第一胎係私家生,個醫生由我20週開始就係咁叫我要開刀生,但我好堅持要順產,因為媽咪同屋企人都覺得順產會恢復得快啲。到左30幾週開始,個醫生又猛咁叫我選擇開刀,話我個囡係大B,我太細粒(我懷孕前41kg,162cm)一定自己生唔到出黎。最尾我都係順產到,由痛到生用左四個鐘到,阿囡7磅,個醫生係我生果時都係度恐嚇我⋯私家姑娘都ok,但個醫生⋯同佢間診所嘅姑娘我就永永遠遠都會記住佢地!太可惡喇!


複式洋房

積分: 158


發表於 16-6-26 10:32 |顯示全部帖子
Bigear 發表於 16-6-26 08:09
我第一胎係私家生,個醫生由我20週開始就係咁叫我要開刀生,但我好堅持要順產,因為媽咪同屋企人都覺得順產 ...

邊個醫生咁衰?你唔換醫生既?同埋又咁大膽唔聽佢講!


子爵府

積分: 14950


發表於 16-6-26 10:50 |顯示全部帖子
Bigear 發表於 16-6-26 08:09
我第一胎係私家生,個醫生由我20週開始就係咁叫我要開刀生,但我好堅持要順產,因為媽咪同屋企人都覺得順產 ...

我私家生,一早講明想順產,醫生亦好歡迎,只係叫我要小心控制體重,唔好谷肥B,否則難生!到生時,已經開哂但我唔識用氣用力仲猛叫醫生(emoji)開刀,反而係醫生tum我,就快得啦,bb出來架啦,你得架,你生到架!最後順利生左7.5磅B

點評

joyce3cheng    發表於 16-6-27 22:08


複式洋房

積分: 337


發表於 16-6-26 11:47 |顯示全部帖子
hellokitty2016 發表於 16-6-26 10:32
邊個醫生咁衰?你唔換醫生既?同埋又咁大膽唔聽佢講!

佢姓郭,男醫生,講野好快嘅,問佢問題會無乜耐性答。我果時唔知可以換醫生,我以為book左果個醫生,就一定要keep住由佢跟到尾⋯往事不可再重提喇⋯我唔聽佢話嘅原因係因為我除咗係佢度產檢外,仲係另外一個醫生度檢查,果個醫生check過之後都話我可以順產,所以就好堅持順產喇。開刀同順產價錢都唔同,順產嘅時間又話唔埋,半夜生咁個醫生都要半夜係度standby ,但開刀就完全時間由佢掌握,佢緊係想我開刀生喇


複式洋房

積分: 337


發表於 16-6-26 11:54 |顯示全部帖子
Happybabyhbb 發表於 16-6-26 10:50
我私家生,一早講明想順產,醫生亦好歡迎,只係叫我要小心控制體重,唔好谷肥B,否則難生!到生時,已經開 ...

哈哈,我果時痛咗兩個幾鐘之後都要話要開刀生,醫生話如果係幾多幾多點之前未生就幫我開刀,後尾係佢講嘅時限前生咗,就無開刀喇。好彩咋,如果唔係,食全餐就凄凉喇


水晶宮

積分: 53546


發表於 16-6-26 13:50 |顯示全部帖子
本帖最後由 EstrellaDamm 於 16-6-26 13:51 編輯

我係超唔想開刀亦唔想用無痛,但又想住得舒服少少,所以政府醫院(東區)生,生完住特別房。我覺得抵同好滿意。


其實抵唔抵視乎你要求同著重啲咩。個個人都可能唔同。


複式洋房

積分: 263


發表於 16-6-26 17:25 |顯示全部帖子

回覆:順產揀私家生係米唔抵?

我成日都用呢個例子:
去旅行住酒店一樣,有人會揀住賓館,有人要住五六星。目的都係瞓一晚,睇你自己想點架咋wor ........

私家順產已經比開刀平d 架啦,吾係抵吾抵既問題,係你捨吾捨得既問題。



點評

joyce3cheng    發表於 16-6-27 22:10


禁止訪問

積分: 1192


發表於 16-6-27 17:22 |顯示全部帖子
提示: 作者被禁止或刪除 內容自動屏蔽


男爵府

積分: 8167


發表於 16-6-27 19:37 |顯示全部帖子
呢個問題我都考慮咗一段時間。

我覺得如果你個人夠tough,夠堅,政府順產都ok.
因為政府醫院都吾夠護士,好多時由你自己痛,吾理你,定時定候先來睇你開到幾多度。中間你話痛,佢咪話係咁架啦,吾好叫,留力咁,吾理你。之後生得,係咪資深助產士接你case,睇你好不好彩。而且生完那幾日,無得抖,馬上要湊b,辛苦d.你叫護士來幫下問下,佢一個人睇甘多人,有幾細心,即時理你就吾知。

如果以上的野你覺得無問題,你接受到捱到,咁政府都ok.
佢地的責任係令你們母子安全,不是令你舒服無痛的生同出院。

私家順產,一入院就入獨立房,直到生都係呢間房(不知係咪間間私家都一樣)。
朋友話護士勤d來黎睇你,噓寒問暖,令你無咁緊張。
而且接生的醫生又係你呢幾大半年見慣,無咁無助同陌生。
之後幾日又可以休息下,你中意餵人奶or吾餵都得。休息得好,對之後上奶,復原都好d.

我個人好騰雞,我寧願心痛比多d錢,一生人一兩次而已。
話晒十級痛,要經歷咁辛苦的事,不要太迫自己吧。


大宅

積分: 1553


發表於 16-6-27 22:33 |顯示全部帖子

回覆樓主:

我朋友係公立臨生時成班實習學生睇住佢


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 16-6-28 03:05 |顯示全部帖子
Bigear 發表於 16-6-26 08:09
我第一胎係私家生,個醫生由我20週開始就係咁叫我要開刀生,但我好堅持要順產,因為媽咪同屋企人都覺得順產 ...
好耐之前我聽過有媽咪話俾醫生呃左去開刀, 到佢陀要生第二胎時至知真相.


瑪瑙宮

積分: 128481

2024年龍年勳章 2024勳章 2023年兔年勳章 虎到金來勳章 開心吸收勳章


發表於 16-6-28 03:11 |顯示全部帖子
本帖最後由 bosch 於 16-6-28 03:12 編輯
EstrellaDamm 發表於 16-6-26 13:50
我係超唔想開刀亦唔想用無痛,但又想住得舒服少少,所以政府醫院(東區)生,生完住特別房。我覺得抵同好滿 ...

無錯. 最緊要知道自己需要和要求.

雖然我覺去私家有佢既價值, 冇話唔抵, 一樣有佢既好處係政府冇既.

我生大仔時最後堅持政府生, 因為我 buy 佢地既backup, 或者我見當年d 同事情況, 政府乜都係一條龍做晒, 印象唔差. 最後我同阿仔又唔好彩用得著d 服務, 所以我覺得backup 好緊要.



水晶宮

積分: 53546


發表於 16-6-28 06:48 |顯示全部帖子
sugiyama 發表於 16-6-27 22:33
我朋友係公立臨生時成班實習學生睇住佢
我喺產房嗰時都有三個護理系學生,只係睇。助產士問過我OK佢地先留喺度。我個人覺得冇問題,因為我做學生時都試過企病人隔離。聽佢地點樣畀助產士問問題考佢地我仲覺得幾得意,反正等生都幾悶。


別墅

積分: 628


發表於 16-6-29 15:02 |顯示全部帖子
EstrellaDamm 發表於 16-6-28 06:48
我喺產房嗰時都有三個護理系學生,只係睇。助產士問過我OK佢地先留喺度。我個人覺得冇問題,因為我做學生時 ...

但係如果比實習生動手照顧你, 都咪話唔驚。 政府醫院好多白老鼠。。


水晶宮

積分: 53546


發表於 16-6-29 17:46 |顯示全部帖子
xueyuejii 發表於 16-6-29 15:02
但係如果比實習生動手照顧你, 都咪話唔驚。 政府醫院好多白老鼠。。
唔係教學醫院,冇咩實習落手喇。


別墅

積分: 967


發表於 16-6-29 18:03 |顯示全部帖子

回覆樓主:

本身我都係諗住响私家順產.. 後尾都係去番公立.. 主要係因為公立既醫療設備係全面過私家... 對bb 黎講好啲..

我有個朋友响私家生.. bb 個心有事..私家都叫佢去番公立度...佢出院之後又要去番公立到搞一輪... 但係如果响公立生.. 公立會直接轉去兒科同你跟... 咁當然如果好有錢強硬要响私家到睇... 咁都會同你睇既... 咁對媽媽黎講私家就一定係舒服過公立架啦..

公立其實唔係想像中咁差, 啲姑娘可能無私家咁温柔..會惡啲.. 聯針可能無咁靚... 環境會嘈啲.. 但係其實生完都係住個2日就出院.. 所以我就覺得無咩所謂...


大宅

積分: 1861

認識瑞士牛牛第二回


發表於 16-6-29 20:13 |顯示全部帖子
如果開刀一定係私家, 如果順產我覺得政府或私家都可以, 主要睇以下兩個情況睇下你接受到邊個!
政府: 如果順產唔到變開刀, 要預左開刀傷口唔靚好痛之餘, 而且要你捱好耐痛先會改開刀。
私家: 如果順產唔到變開刀, 傷口包快靚正! 而且緊急開刀私家黎講係非常專業, 唔似得政府咁多事故...

首頁

尾頁

跳至