traci,
如果6個月都未收到GREEN CARD,你應該去social security administration office問,可能係寄失,有時又會係有嘢出錯,通常4-6個星期度會寄到。
至於你話大囡去睇醫生,醫生唔收新証,通常美國呢度係preventive為主,D醫生通常只係每個星期有1-2個booking俾新病人,因為新証要你填好多表格,又要花時間去同家長討論小朋友嘅病歷,父母家族病歷。仲有,有D醫生因為有太多病人會唔再收新証,你要問清楚,有D保險要你選primary physician,你最好打電話問清楚個醫生,清楚佢會接你個症先,唔係就算俾咗booking你,去到佢都唔同你睇得,因為保險公司唔會找數,到時要你自己俾就大件事啦。呢度D醫生都唔多主張俾小朋友食藥,兩歲以下除非發燒, 咳同傷風只會check 個肺同氣管,冇大件事只會叫你俾多D水佢飲,仲話要10日8日先好得晒,同香港醫生嘅approach完全唔同。你如果住SF,我可以介紹我對仔女個兒科醫生俾你,佢好好又有問必答,你需要就出聲啦。
希望你囝囝快D好番啦。
花旗太太生活在花旗國,留意時差,你問我未必即時答到。