YYFUNG 發表於 16-9-20 01:20
另外,我有學校/敎育問題要請教大家,可以係呢度問下嗎?
我2個女係ESF Kowloon Junior ( 大女直升King G ...
如果你係考慮公校的話,我勸你真係要調整下心態,公校係冇得拒收學生,SF又好Daly City又好,種族好多,唔係歧視,的確有D種族係野蠻D,又鍾意玩針對排外,所以選校你要睇多D資料,亦都要衡量自己同小朋友可以接受嘅能力,學校除非係嚴重犯規,否則係唔會輕易開除學生,基本上公校係唔會開除學生,只會勸譽轉去較合適學校。仲有對於老師校長同其他家長嘅接受程度同要求都會同香港有出入,例如呢度冇規定有家課,有老師係完全唔相信要做家課嘅必要,只會上堂有功課,做唔晒至帶返屋企。不同老師校長嘅理念唔同,可以講一轉校長學校又會改變,轉老師又會有影響,我經驗係老師係最重要,好老師基本上可遇不可求,呢度hea嘅老師好多,但好老師都唔少,但總要人夾人,老師唔會鍾意麻煩怪獸家長,同樣亦唔鍾意唔幫手嘅家長。
如果你要校風好,公校未必係理想,好睇校長理念,但公校校長會調動又會退休,所以有時幾年又唔同境況。一般教會學校校風會較嚴謹,但當然亦因應每個人嘅理念同性格而有分別。
花旗太太生活在花旗國,留意時差,你問我未必即時答到。