吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我阿爸又去滾 ... 但阿媽仲係咁執迷不悔(下) ...

夫婦情感今日: 10|主題: 42596

收藏本版

發帖

返回列表

跳至頁

查看: 2081 | 回覆: 7

我阿爸又去滾 ... 但阿媽仲係咁執迷不悔(下) [複製鏈接]

mimosa.cc

洋房

積分: 48

1^#

發表於 08-11-23 21:38 |只看該作者 |倒序瀏覽 |打印

到左朝早，我又聽到佢o係度講電話，我出去叫佢收線。佢話係側問老豆點解唔聽電話，其實，仲有咩好問丫 ... 咁我問佢老豆點講，阿媽就話：「佢知我去意已決，所以唔打騷擾我」哼，我知，因為佢聽夠，要去訓啦嘛，仲陪你癲咩 ...:;pppp:
後黎阿婆打俾佢，叫佢冷靜，叫佢返屋企先，當咩事都冇發生過先。阿媽好似真係聽佢講，跟住就返左屋企。佢話執好我同細佬間舊房，佢話會同老豆分房。
其實阿媽上黎果陣，都有帶老豆部手機，因為入面有晒d核突既情慾msg

，但佢臨走既時候，竟然話想同佢delete晒佢，嘩，咁我梗係第一時間截住佢啦!我叫佢留番呢d黎做証據，於是我就收埋左部手機。
過左兩日，我返返下工阿媽打黎，佢話上左我屋企，問我收埋左老豆部手機o係邊，佢話老豆好需要部機入面同事既電話。

我好嬲，第一，咩電話咁緊要? 同事?打公司main line咪得囉! 擺明又呃你啦，咁都信? 第二，我最憎人巢我d野，有冇尊重我既私隱? 第三，佢仲要專登等我唔o係先自己入屋反轉我間屋，我俾條key你唔係俾你咁用!

我真係好嬲好嬲，所以我今日就去換左個鐵閘鎖，唔好怪我咁做，係阿媽你迫我。今日佢都有打黎，但我完全唔聽，枉我咁支持你，你而家又做番d間接傷害自己既事，即係你既事唔洗我再擔心啦?

唉!我真係好憎好憎我老豆，我呢世都唔會原諒佢!

0 0 0

私人傳訊

sukishan1217

禁止訪問

積分: 3752

2^#

發表於 08-11-23 23:40 |只看該作者

提示: 作者被禁止或刪除內容自動屏蔽

私人傳訊

gutgut22

男爵府

積分: 6658

3^#

發表於 08-11-23 23:57 |只看該作者

其實呢d係你阿媽自己決定既~我自己屋企都係咁~咁多年都係咁~我阿媽係慣左唔理果隻~但今次呢條女好勁~同曬我地全部人講有佢既生存~仲我打個電話比老豆都唔得果隻呢~果次好想同果條女嘈架~個女打比老豆都唔比~你無野啊ma~不過我同我細佬自己同老豆講得好清楚~唔想多個細佬妹low~我仔都有2個-.-無可能既野~我地一定唔認佢做老豆~我仲同阿媽教訓左老豆~kaka

但我阿媽都仲可以信我老豆會同條女散low=.=都朝朝去埋條女度=.=

見到我阿媽都覺得佢慘~

私人傳訊

mimosa.cc

洋房

積分: 48

4^#

發表於 08-11-24 00:00 |只看該作者

原文章由 sukishan1217 於 08-11-23 23:40 發表
咁你呀媽都係想有個伴.(我諗佢都有50幾).如果你呀媽冇左你老豆你係唔係一世都陪住佢.

如果搵一個咁靠唔住，又會出賣佢既伴，咁同冇又有乜分別?
況且呢個世界，其實冇話冇左邊個會唔得囉。

私人傳訊

mimosa.cc

洋房

積分: 48

5^#

發表於 08-11-24 00:08 |只看該作者

原文章由 gutgut22 於 08-11-23 23:57 發表
其實呢d係你阿媽自己決定既~我自己屋企都係咁~咁多年都係咁~我阿媽係慣左唔理果隻~但今次呢條女好勁~同曬我地全部人講有佢既生存~仲我打個電話比老豆都唔得果隻呢~果次好想同果條女嘈架~個女打比老豆都唔比~你無野啊 ...

我想問，咁你會用咩態度對待令尊?
因為黎緊大時大節，我細佬又結婚，我驚我見親佢都會忍唔住black face + 惡言相向 ... 而且，由果日開始，我已經冇再叫佢做"阿爸"。

私人傳訊

wmpl

大宅

積分: 3000

6^#

發表於 08-11-24 04:14 |只看該作者

兩夫妻間嘅事,,就算兒女都理唔到咁多架,,就好似touchwood講句,,如果他朝有日你同你另一半有咩事都好,,你媽咪同樣管你唔到,,再心痛都只可以俾啲建議同支持你架咋,,不過我相信你都明嘅,,只係個心放唔低啫~~

就好似我媽咪咁[而家以經唔喺度],,雖然我同佢嘅關係唔係咁好,,但每次見到佢唔開心,,我都會好難過,,細個嗰陣仲好衰女咁同佢講,,話爸爸令佢唔開心,,不如離婚啦[我阿爸係好錫我嘅],,我會努力工作照顧佢,,唔駛擔心冇錢架!!不過每次我媽咪都只會同我講一句說話"你唔明架la!"就算,,而最後,,佢都係選擇咗一條不歸路,,令我抱憾至今~~

所以你唔好迫得你媽咪太緊,,最傷心嘅人係佢,,最難受嘅人亦都係佢,,唔好俾太多壓力佢la,,只要俾佢知道,,無論處境如何,,你都會全力支持佢就可以~~

我明白,,嗰個係你哋阿爸,,你哋一家人都會好傷心痛苦,,不過,,唔好將自己期望嘅事加諸喺你媽咪身上,,始終兩夫妻嘅事,,你都算係局外人,,你只不過係兒女,,再嬲都只可以黑面對佢,,你媽咪唔可以控制你咁樣,,同樣地,,你亦都不能想你媽咪點做就點做,,而且你媽咪唔想冇咗一個老伴嘅心情,,係旁人不能夠理解嘅,,此刻,,佢最需要嘅係同情,,體諒同愛護,,多啲留意你媽咪嘅舉動,,多啲陪伴佢,,開解吓佢就好!!

或者,,可以嘅話,,帶你媽咪行開吓,,去旅行,,散吓心!!