烹飪搵食今日: 2|主題: 138975

收藏本版

發帖

返回列表

跳至頁

查看: 2049 | 回覆: 8

[甜品] 黑糖薑母大菜啫喱 [複製鏈接]

凌天羽

複式洋房

積分: 128

1^#

發表於 16-10-25 23:32 |只看該作者 |倒序瀏覽 |打印

本帖最後由凌天羽於 16-10-25 23:33 編輯

家陣天氣忽冷忽熱，冷熱不定

家中有一些去年用剩的大菜(洋菜), 又有一包開左但從來沒人問津的黑糖薑母茶放左響角落.
於是乎唸下點樣將兩樣野都處理掉, 後來才無意下用來做大菜糕(應該叫啫喱) , 效果奇佳.

家陣每晚的制一盤薑母大菜啫喱.....

吃完之後保証又暖, 又不會覺得好濕熱, 家陣10 月尾, 每日游兩個鐘水後回家都成盤吃下, 寒意全消.

先講講水比例, 水同大菜比例好重要, 因為水同大菜比例好重要好重要, 所以要講先講多次,

大菜和水比例不同, 質感也不同的,
a要做到一舊舊切開效果, 1克大菜 :70~90ml 水
b要做到好似日式啫喱效果的話, 1克大菜 :100~120ml 水
c要做到好似豆腐花效果 1 克大菜 : 120~140ml 水

加糖會令大菜容易結, 加酸則相反, 檸檬汁溝大菜開太稀係唔會結的

我做的是C , 即係類似豆腐花咁, 大約係1.5公升水.

材料:
a. 水, 1.5公升
b. 大菜, 10 克
c. 台灣的黑糖薑母茶兩小包, 每包50 公克(我用的是養生堂, 手信)
d. 薑, 一小塊

制作方法:

1. 大菜5~10 克, 洗淨, 浸半小時左右溫水, 令佢更易煮溶及口感更好, 浸完後切粒.
2. 煲一煲大滾水, 將大菜, 兩粒黑糖薑母茶放入, 煮溶
3. 如果喜歡多一點薑味的朋友, 建議加多一點薑蓉, 個人建議磨粒薑蓉入去煮幾份鐘會更好味.
4. 煮到大約所有大菜都差唔多溶晒(大約3~5 分鐘), 隔渣.
5. 室溫下放幾個鐘, 攤凍了自然會凝固, 凝固再放入雪櫃, 味道更佳.

因為時間關係, 加上剛才游左兩個鐘水有些寒意, 今晚果盤己經吃完, 呢盤聽日吃的.