回覆樓主:
land嘅時候帶嘅錢係免稅，之後再帶入境嘅就會當係收入抽稅，所以打算come for good嘅都係會帶晒錢過嚟，當然如果留有後著就要考慮稅嘅問題，而家美國已全球徵稅，留喺香港嘅錢有利息嘅過一個數都要報稅。
基本上係你逗留美國後出境再入境都要承擔會被收綠咭嘅風險，只要遇著過關時果個人唔信你有心移民，佢都可能會取消你嘅綠咭，至於話出境唔好過6個月係當你有心入籍，連續居住時間少過6個月就要重新計過，如果你唔care入籍的話，超過6個月入境都可以，但就係驚到時俾人收綠咭，如果會出境較長時間，最好係出境前申請回美証，但回美証都有期限，係唔可能長期唔留喺美國。
至於帶錢過嚟，有會員講過可以喺hsbc開個美國戶口，到時嚟到再申請轉過嚟，我唔清楚詳情，睇下有冇人答到。我自己就係喺香港出張寫我名嘅銀行支票/本票，自己帶入境，過關時多過9999美金就要申報，關員會問點解帶咁多錢過嚟(答移民), 佢會問你總數有幾多，千萬唔好拎張支票/本票/現金出嚟，同張紙寫低，機場好多閒雜人，財不可以露眼，我果陣個關員見我拎嘢出嚟就鬧，話我唔好拎錢出嚟(我估好多中國人咁做過), 當我拎張紙仔出嚟讀俾佢聽，佢好無癮咁，諗番都好笑。
希望資料對你有用。
花旗太太生活在花旗國，留意時差，你問我未必即時答到。
發表於 
返回列表
