咬香口膠 發表於 16-11-17 09:45
我果邊果間圖書館, D職員惡到呢..... 所以係唔會有樓主你呢個情況出現
同意JM們講都係同職員反映啦 ...
係呀, 我真係好想介紹JM們去元朗屏山個圖書館~兒童果層有個阿姐, 每次我非常極度細聲(即係你離開我1呎都唔會聽到)地同我女講本書既字點讀(我都知圖書館要安靜, 所以都好細聲架啦, 冇法啦, 果陣我女得3歲幾, 我都好難期望佢可以自己睇完本書架麻), 個阿姐就會走埋黎STOP我, 佢話圖書館唔可以出聲!
然後當我女想拎書睇, 咁好自然會問下媽咪, 呢本書係關於D咩架! 個阿姐就會走埋黎, 大聲鬧我女, 細路, 呢度唔可以出聲!
佢真係好盡責, 我地行去邊, 佢就企係距離大約2米既地方及住我地, 我地一哄埋個頭細細聲講野, 佢就會立即走黎鬧我地!
去到呢個圖書館, 一定會覺得非常安靜!
我自己就唔係太習慣咁樣比人及住我睇書, 所以我最後選擇同我女去書局, 佢鐘意咩書就買晒返屋企慢慢睇~
我女係非常喜歡去圖書館既人, 一聽到去圖書館同書局會好開心果隻, 但果次佢同我講, 媽咪我地走啦, 姨姨係咪唔鐘意我呀.....
再之後話同佢去圖書館, 佢都要問清楚係去邊個圖書館!
BTW, 有次我同朋友去呢個圖書館(果陣我地既仔女係附近上堂), 好細聲地傾計, 阿姐又出現(果陣係5樓), 佢話可以去6樓平台度傾計, 已經係室外, 點知傾左一陣, 阿姐又話叫我地行出D傾!!! 阿姐, 再行出D就跳樓架啦喎! 已經行出戶外地方, 距離度門有至少4米距離, 又唔係大叫大喊咁樣傾法, 都仲要行開D?
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!