跳至

首頁
1

尾頁
   0


別墅

積分: 790


發表於 08-12-1 10:17 |顯示全部帖子
上星期去健康院覆診, 由9am等到1130am先走得, 個醫生木無表情, 見左我30秒都唔知有無, 只係按左我個肚一下, 同聽左bb心跳3-5秒, 之後講左兩句: "子宮size正常, bb有心跳, 你可以出去約下次時間". 廢到不得了, 好嘥時間呀. 反而d姑娘幾好. 佢地話只係第一次去健康院係由醫生摸肚, 之後就會係姑娘摸. 後尾去登記處度約時間唔知點解等左成半粒鐘, 但成個登記處係無人架喎! 搞到我之後返工趕到死.

我會響私家生, 諗住keep住睇政府當back-up, 但佢地真係好廢喎, 我想問下, 可唔可以唔次次去覆診, skip兩三次咁架? 因為而家大約6wk睇一次, 遲d會4wk或2wk睇一次, 可唔可以遲d先去睇番? 姑娘話30wk飲糖水係個個都要做, 咁我可唔可以而家唔去覆診, 到咁上下先叫佢幫我約30wk飲糖水?


別墅

積分: 759


發表於 08-12-1 10:40 |顯示全部帖子
應該唔得架,因為有次我冇去到覆診,結果佢寄封信通知我叫我打番電話去再約個另一個期 除非你諗住會去私家生啦,一路都去私家覆診,咁唔去都唔緊要既

原文章由 bobg 於 08-12-1 10:17 發表
上星期去健康院覆診, 由9am等到1130am先走得, 個醫生木無表情, 見左我30秒都唔知有無, 只係按左我個肚一下, 同聽左bb心跳3-5秒, 之後講左兩句: "子宮size正常, bb有心跳, 你可以出去約下次時間". 廢到不得了, 好嘥時 ...


別墅

積分: 790


發表於 08-12-1 10:45 |顯示全部帖子
原文章由 小benben媽咪 於 08-12-1 10:40 發表
應該唔得架,因為有次我冇去到覆診,結果佢寄封信通知我叫我打番電話去再約個另一個期 除非你諗住會去私家生啦,一路都去私家覆診,咁唔去都唔緊要既

...


我係會響私家生, 已俾左deposit, 去政府睇係當買個保險, 同埋想30wk 時去埋政府飲糖水, 或者in case有咩緊急麻煩野, 政府可以跟得好d啫!


別墅

積分: 759


發表於 08-12-1 11:05 |顯示全部帖子
我有個朋友上年都好似你咁,諗住係私家生,但初頭佢都會去政府到覆診,後尾全程就由私家個邊follow up番,但個人認為如果時間就得到2邊都一齊睇埋啦 ^o^ 話哂大吉利事,就算有咩緊急麻煩野係政府睇d儀器會好d啦,加上check野既費用一定平過私家
原文章由 bobg 於 08-12-1 10:45 發表


我係會響私家生, 已俾左deposit, 去政府睇係當買個保險, 同埋想30wk 時去埋政府飲糖水, 或者in case有咩緊急麻煩野, 政府可以跟得好d啫!


大宅

積分: 1657


發表於 08-12-1 23:28 |顯示全部帖子
係呀, 政府驗野每次hk$60咋(合資格的香港人),c+次次幾舊水,如果同一樣的檢驗,你可以係政府驗,再話番比c+知,c+就唔會要你浪費錢驗番同一樣野!

飲糖水test唔係人人要架,35歲以上的孕婦,或屋企有人有糖尿病就一定要驗,我家姐廿幾歲發現有糖尿病,所以我一定要驗!

我聽姑娘講,飲糖水要共飲3次架:廿幾週一次,三十幾週一次,最後一次係產後!政府三次共收hk$180,係c+點都要千幾二千蚊啦!



原文章由 小benben媽咪 於 08-12-1 11:05 發表
我有個朋友上年都好似你咁,諗住係私家生,但初頭佢都會去政府到覆診,後尾全程就由私家個邊follow up番,但個人認為如果時間就得到2邊都一齊睇埋啦 ^o^ 話哂大吉利事,就算有咩緊急麻煩野係政府睇d儀器會好d啦, ...


別墅

積分: 790


發表於 08-12-2 09:51 |顯示全部帖子
原文章由 yyyokehk 於 08-12-1 23:28 發表
係呀, 政府驗野每次hk$60咋(合資格的香港人),c+次次幾舊水,如果同一樣的檢驗,你可以係政府驗,再話番比c+知,c+就唔會要你浪費錢驗番同一樣野!

飲糖水test唔係人人要架,35歲以上的孕婦,或屋企有人有糖尿病就一定要驗,我家姐廿 ...


咦? 但上星期我問健康院, 個姑娘話所有孕婦都要30週時飲一次糖水既?? 如家族有糖尿病歷史或高齡就要早d飲.

我其實想skip晒健康院d覆診, 淨係去飲糖水咋... 同埋touch wood有咩麻煩野可以搵政府跟進... 咁即係點?

其實如果健康院唔係咁廢, 我都想keep住去, 話晒交左稅, 無幾何有得用下呢d政府福利, 但真係好廢好嘥時間囉!


大宅

積分: 1657


發表於 08-12-3 19:34 |顯示全部帖子
點解你會係健康院產檢既?唔直接去醫院?
我係政府(廣華)做產檢,我覺得儀器/專業都ok噃!


原文章由 bobg 於 08-12-2 09:51 發表

咦? 但上星期我問健康院, 個姑娘話所有孕婦都要30週時飲一次糖水既?? 如家族有糖尿病歷史或高齡就要早d飲.

我其實想skip晒健康院d覆診, 淨係去飲糖水咋... 同埋touch wood有咩麻煩野可以搵政府跟進... 咁即係點? ...


男爵府

積分: 6255

2019新春慶豚圓 2019勳章


發表於 08-12-3 21:55 |顯示全部帖子

回覆 #1 yyyokehk 的文章

如果你個住嘅地區有健康院,你可以去健康院度做檢查架。但係到要照u/s呀,果d呢,先會安排返你去醫院做。健康院有度好就係無咁多人排隊。不過如果你係有咩特別嘅問題,健康院會轉你去醫院度做檢查。好似我咁,血壓高咗d,就已經refer咗我返醫院,醫院跟我個case囉!

我都係私家/政府兩邊check,醫院都比咗紙我去飲糖水。其實如果時間許可的話,去開就兩邊去囉,無乜用都話啫!唔keep住去健康院人地會唔會幫你排期去飲糖水呢?


別墅

積分: 790


發表於 08-12-4 13:28 |顯示全部帖子
原文章由 yyyokehk 於 08-12-3 19:34 發表
點解你會係健康院產檢既?唔直接去醫院?
我係政府(廣華)做產檢,我覺得儀器/專業都ok噃!


我係去醫院 (贊育) 做產檢架, 去左兩次 (一次登記+驗血, 一次見醫生), 佢見你無乜問題就會refer你去屋企附近的健康院, 到照結構同最後果一兩個月先會叫你返贊育覆診架!


大宅

積分: 3584


發表於 08-12-4 16:15 |顯示全部帖子
喔…可能因為我係孖b, 所以醫院check得好密呀!
我o係東區做產驗, 由week14開始到而家, 每三個星期返醫院照一次照聲波, 次次都照十五至二十分鐘, 醫生仲解釋得好詳細; 我而家無去私家度做驗查咯, 政府仲做得密過私生; 我頂多book左一月去私家照4d喳!

但我記得你自己skip左政府d booking唔去呢, 好似兩次之後就唔會再安排時間比你, 要當你新症咁睇喎…問清楚好d...始終有多個back up嘛.

首頁
1

尾頁

跳至