跳至

首頁
12

尾頁
   0


民房

積分: 84


發表於 08-12-2 14:30 |顯示全部帖子
b仔仲未識講嘢,只講bb話.但大人同佢講嘢/叫佢做嘢就全部都識.
親朋好友成日問 "bb仲未識講嘢" 有冇問題?
好擔心,2歲又要返健康院,可以点算?


子爵府

積分: 14678


發表於 08-12-2 14:55 |顯示全部帖子
都快 2 歲, 可以等返健康院 chk.

我大仔當年 2 歲, 自己主動講唔夠 6 個生字, 都要 2歲半再 chk.
2 歲半 past 左, 但相對 ....... 佢到而家 3 歲, 都係唔太多講野.
佢都有講的, 但少 d 囉

原文章由 andy1969629 於 08-12-2 14:30 發表
b仔仲未識講嘢,只講bb話.但大人同佢講嘢/叫佢做嘢就全部都識.
親朋好友成日問 "bb仲未識講嘢" 有冇問題?
好擔心,2歲又要返健康院,可以点算?


大宅

積分: 1221


發表於 08-12-2 15:40 |顯示全部帖子
我個仔都係識講好少野咋!只係少少單字,但都算進步左好多,以前佢連媽媽都唔識叫,而家起碼會叫,(都係最近le個月先叫咋! )同埋都會跟我地講啲單字囉!同埋都係明白我地既說話既,但我諗多數都要兩步再check,因為正常而家應該可以講啲短句架喇!不過我見佢而家都叫做肯學下我地講野都無咁擔心,因為以前佢好少望我地,同好少同我地講野架!而家有左啲進步!希望一切正常啦!


男爵府

積分: 8170

2019勳章


發表於 08-12-3 01:45 |顯示全部帖子
茵茵都唔肯講野呀 佢都係近呢幾日先開始肯叫我媽媽....佢基本上都唔係識發好多音,通常都係呀呀聲.....連BB話都無呀.....我本身都唔太MIND....但身邊D人就係咁話呀女有問題 mouth:


禁止訪問

積分: 20403


發表於 08-12-3 18:56 |顯示全部帖子
提示: 作者被禁止或刪除 內容自動屏蔽


大宅

積分: 1993


發表於 08-12-3 19:55 |顯示全部帖子
我個囝都係只識BB話,身邊d人又係話佢有問題,早排見過私人執業的言語治療師&臨床心理學家,佢地都話男仔係比女仔遲,有吾少都會係兩歲後先識講野.但家長吾需要擔心以為咁樣代表IQ低,又或者以為佢學野會比人慢左,其實遲講野的小朋友係比早講野的小朋友聰明,因為佢地早期集中左係腦部發展,喜歡思考或觀察.(佢地無講錯....我個囝真係觀察&思考型.)當然有言語障礙的小朋友係例外la.

原文章由 andy1969629 於 08-12-2 14:30 發表
b仔仲未識講嘢,只講bb話.但大人同佢講嘢/叫佢做嘢就全部都識.
親朋好友成日問 "bb仲未識講嘢" 有冇問題?
好擔心,2歲又要返健康院,可以点算?


複式洋房

積分: 319


發表於 08-12-3 21:39 |顯示全部帖子
我個囝都系咁樣,只系識講D簡單嘅單字,譬如“奶奶”“包包”“貓貓”之類,不過你同佢講乜嘢都會明白你嘅意思,但始終唔肯開口叫媽咪,周圍D人都成日問佢點解唔肯開口講嘢,我就唔太擔心。


大宅

積分: 2107


發表於 08-12-3 23:41 |顯示全部帖子
我想講唔洗太擔心, 我個仔前之都係成日得個諗樣, 唔多講野, 但好似好多野諗咁, 不過突然有一日佢好似開左曉咁, 講好多野, 我估係bb 一到左語言爆發期就想佢靜d 都難


子爵府

積分: 10828

2019勳章


發表於 08-12-4 12:42 |顯示全部帖子
我囝都係唔多講野
但又係我叫佢做既野
大部份都明,及去做
有時我做一次既野,佢望到實
之後我行走,佢即可以做返出來
我覺得佢都好叻仔架
咪等2歲返去健康院CHECK下囉


大宅

積分: 1308


發表於 08-12-5 16:03 |顯示全部帖子
我仔而家成日都好嘈, 好多野講, 但絕大部份係bb話. 佢都好鍾意跟人講野, a a apple, b b ball 果d 會跟住講, 仲成日唱兒歌. 有日俾我偷聽到佢自己跟住隻點虫虫dvd, 唱晒成首點虫虫出來 (d 音當然唔係完全準晒, 但都好接近的).

但當我地問佢野, 佢又唔會答 (or 答bb話). 佢會叫我地做野, 就指指貢或者拖我地去, 唔會properly 講出來.

有時我都好confuse 佢到底係唔想講, 定係佢唔明白佢模仿的音係點解, 所以唔會有意思地講番出來. 而家見佢有時都幾忟憎, 唔知係咪因為verbally 表達唔到, 我地唔明佢, 佢就發脾四...


公爵府

積分: 26640

好媽媽勳章


發表於 08-12-6 02:51 |顯示全部帖子
維尼都未講野
媽媽都冇叫過
一日就只係"爹爹爹爹爹"
激死~

至於話思考型.....又講得幾啱
佢成日眼定定諗野, 一係就憂國憂民咁樣.....


大宅

積分: 3402


發表於 08-12-6 14:32 |顯示全部帖子
我個仔都唔多講, 我成日問佢我係邊個, 佢心情好就答"媽媽", 可能佢屬思考型, 佢有時要拿東西, 明知我唔會比佢, 佢自己用佢既方法 - 自己擔矮凳再企上去拿
稀仔係一個為食b, 乜都要試下, 而家24磅!!


侯爵府

積分: 23560

2011至尊種植勳章 畀面勳章


發表於 08-12-7 03:35 |顯示全部帖子
其實點先算識講呀?
真係唔知點界定
ivo都係識講媽咪daddy
wo wo ,貓貓,車車,波波之類疊字
或者少量短句好似
我飲呀,你飲呀咁樣
有d人就話算識講野
有人就話唔算係識講野
要講大人對答咁先算
即係點呀


禁止訪問

積分: 20403


發表於 08-12-7 17:46 |顯示全部帖子
提示: 作者被禁止或刪除 內容自動屏蔽


大宅

積分: 1993


發表於 08-12-7 23:52 |顯示全部帖子
我個囝係連爸爸媽媽都未識叫,健康院話佢有問題,但囝囝的姑媽係健康院的中心主任,佢又吾覺得有咩問題,當然我一向都覺得囝囝的姑媽係同健康院d姑娘一樣好吾專業,(政府成日將d姑娘調黎調去,比d課程訓練佢地就叫佢地係健康院做. )但囝囝始終係自己的,所以決定自己附$找專業人士做測試.得返黎的結果係囝囝無問題.



原文章由 雪~bb 於 08-12-7 03:35 發表
其實點先算識講呀?
真係唔知點界定
ivo都係識講媽咪daddy
wo wo ,貓貓,車車,波波之類疊字
或者少量短句好似
我飲呀,你飲呀咁樣
有d人就話算識講野
有人就話唔算係識講野
要講大人對答咁先算
即 ...


別墅

積分: 669


發表於 08-12-8 11:43 |顯示全部帖子
是否真的?遲說話聰明d?好開心!阿b成日唔講嘢,但我地不知他想點他就發脾四,仲頭撞地。唉!
原文章由 as_sheep 於 08-12-3 19:55 發表
我個囝都係只識BB話,身邊d人又係話佢有問題,早排見過私人執業的言語治療師&臨床心理學家,佢地都話男仔係比女仔遲,有吾少都會係兩歲後先識講野.但家長吾需要擔心以為咁樣代表IQ低,又或者以為佢學野會比人慢左,其實遲 ...


大宅

積分: 1993


發表於 08-12-9 01:36 |顯示全部帖子
你個BB係吾咪因為自己吾識講野,吾開心,覺得自己好失敗&好大壓力呀?佢係吾咪feel到你地好緊張佢吾識講野的問題呀?

講開又講....自己個囝有無問題,作為父母會觀察得到law.係歲半的時候,健康院姑娘話我個囝吾識用手指野就係有問題,我同我先生都吾認同law,我地認為佢吾指,吾代表佢吾識,可能係佢無機會,佢d玩具隨手拎到,就吾會指住要求大人拎比佢.但我個囝想食雞翼的時間會拎起筷子,用筷子指住隻雞翼law.我地解釋比健康院姑娘聽,佢地係吾聽,佢地只係問卷機器,認為一定要用手指指住先叫識表達,仲要堅持要我地要約見醫生,我地同囝囝的姑媽傾過,佢都覺得果個姑娘係執著左.而臨床心理學家就話,我個囝係好聰明,佢吾用手指指隻雞翼,有可能佢腦裡面的思考,已吾係單字,佢係想表達:"請用筷子夾隻雞翼比我食"之類law.

仲有....我屋企有個載有十八個圖形配對的玩具,我從來無教過個囝玩圖形配對,但五個月前有一日,我突然見到佢拎出黎自己玩,而且全部入岩晒.我吾認為佢係資優,我知道呢個年紀係開始識玩呢d野,但我肯定佢IQ無問題law.

我同大家一樣都感到做父母真係好大壓力,尤其是身邊的話自己個孩子有問題,而眼見人地果d好似好叻,識好多野的時候.

放鬆d呀~!

由健康院話我個囝有問題開始(吾識用手指指野,吾識講爸爸媽媽,又話要見醫生,到我地最終都決定吾返健康院去見醫生&覆診),我同自己講,作為父母,就算自己的孩子將來都吾識講野,我都吾會因為佢有缺陷而厭棄佢,都會係好鍚佢law.咁樣諗,大家會開心d架,而孩子亦吾會有壓力law.


原文章由 irenepok 於 08-12-8 11:43 發表
是否真的?遲說話聰明d?好開心!阿b成日唔講嘢,但我地不知他想點他就發脾四,仲頭撞地。唉!

[ 本文章最後由 as_sheep 於 08-12-9 02:27 編輯 ]


複式洋房

積分: 151


發表於 08-12-9 09:52 |顯示全部帖子
as_sheep 你講得好好呀, 我咪又係比健康院姑娘叫"要留意下個小朋友, 怕佢xxx"o既家長law....再加上身邊d朋友(當然係唔太熟果d), 你一言我一語, 有d仲話覺得我個仔唔睬人, 係自x, 救命呀,想 嚇死我咩...


男爵府

積分: 9250


發表於 08-12-9 10:16 |顯示全部帖子
我個仔係三月bb都係未識講野呀!可能鏗鏗好似as_sheep律律咁係"思考型"啦


男爵府

積分: 7116

好媽媽勳章


發表於 08-12-9 10:18 |顯示全部帖子
好同意呀~有d健康院姑娘好唔pro,只係問卷機器mouth:
細仔歲半返健康院,姑娘話唔好再用奶樽飲奶,要試下用杯飲,我答佢識用杯架喇,不過佢鍾意飲奶時用奶樽我咪由佢囉(講真我真係覺得it's not a big deal!),跟住佢係咁同我拗,最後好晦氣咁講"隨便妳啦"
其實妳地冇需太擔心囉,2歲都未識講野都好common啫,我大仔當年就係咁.......而家都不知幾多野講!

原文章由 as_sheep 於 08-12-9 01:36 發表
你個BB係吾咪因為自己吾識講野,吾開心,覺得自己好失敗&好大壓力呀?佢係吾咪feel到你地好緊張佢吾識講野的問題呀?

講開又講....自己個囝有無問題,作為父母會觀察得到law.係歲半的時候,健康院姑娘話我個囝吾識用手指 ...

首頁
12

尾頁

跳至