hugoma2015 發表於 19-1-4 10:55 
而家好多編劇導演都“大貪”，夾硬權謀劇，職場劇入面加談情，或者言情劇加權謀，以為可以吸引更多觀眾。 ...
由小說變劇而要作改動在所難免，金庸劇拍咗咁多次，都冇一次可以跟足原著，有D嘢係拍唔出，仲有D編劇同導演係冇能力駕馭到小說內容，因為佢地根本唔明白，加上演員詮釋角色都可能會有差異，例如好易典型化，未必可以還原100％原著精緒。
知否果個導演就台詞語病被鬧接受訪問，佢認晒自己衰，前期疏忽咗，話後面劇情會有改善。佢係咁讚三個主要演員，趙麗穎我覺得暫時係可以演出女主嘅情懷，佢個角色唔容易，書可以有好多內心獨白，劇裡面冇，而且穿越女同原生女唔一樣，要有好多心理描寫同用劇情細節去完整番前文後理，呢樣再再睇後面一定。馮紹峰個角色係難演，因為前期角色唔討好，就好似如懿傳入面霍建華咁，佢係演渣男，佢演到，觀眾又唔高興，係咁鬧，咁想點先？演活一個渣男又要俾人話角色乞人憎，佢冇計架喎，觀眾要去同作者算賬，唔係演員囉。朱一龍我只係話暫時稱職，但佢D盲粉就吹到上天，唔知以為佢係男主角，直情講到幾乎由佢撐起套劇。
我覺得最有問題係個導演話佢由得演員發揮，有時甚至唔理佢地排位企位，俾佢地就住角色去改動，甚至加台詞，呢樣係好危險嘅事，唔一定係好，如果演員詮釋錯咗，導演又唔理的話，套劇會變成點？個個爭表演爭出位？所以而家好多場都覺得有演員演得over，幾礙眼吓。
花旗太太生活在花旗國，留意時差，你問我未必即時答到。
發表於 
返回列表
