興趣嗜好

跳至

首頁
12345...32

尾頁
   6


大宅

積分: 1958


發表於 17-3-6 19:13 |顯示全部帖子
本帖最後由 cforchat 於 17-3-6 19:39 編輯
cforchat 發表於 17-3-6 19:09
原以為周圍會濕𣳦𣳦, 又唔覺喎, 早知就唔駛趕頭趕命洗洗洗啦.

吓!? 攪乜鬼出唔到字, 要以數目字代替嘅?


大宅

積分: 1958


發表於 17-3-6 19:15 |顯示全部帖子
回覆 c9c99 的帖子

老人家話都關事喎, 我都周身腰痠骨痛.
春有百花秋有月, 夏有涼風冬有雪, 若無煩事掛心頭, 便是人間好時節.


伯爵府

積分: 15087

2019新春慶豚圓 2018復活節勳章


發表於 17-3-6 20:56 |顯示全部帖子
cforchat 發表於 17-3-6 19:15
回覆 c9c99 的帖子

老人家話都關事喎, 我都周身腰痠骨痛.

我好怕潮濕天氣,膝頭哥又痛返,好煩


大宅

積分: 1958


發表於 17-3-7 16:28 |顯示全部帖子
狗狗到來我家已有十多個年頭, 在人類歲數裡, 算係老人家了, 通常老人家普遍都會有病痛, 所以我特別注意佢身體狀況.

昨日傍晚, 忽然見佢不時fing頭, 每隔幾分鐘就fing一次, 唔fing嘅時候就側埋一邊頭, 嚇死我嘞.

照估計, 應該係耳仔痕, 人就識得用手去抓痕啫, 佢唔識㗎嘛, 所以就藉著fing嚟驅趕痕癢感覺.

我已嘗試用紙巾伸入耳內幫佢, 可惜冇乜作為, 話唔定仲令佢更加痕㖭. 我意圖用電筒照佢耳內, 想睇吓是否有何異物入侵, 可是電筒光都未照到, 佢就基於自我防衛意識下即刻鬆人, 仲不斷對住我吠, 以示抗議.

無計可施下, 唯有密切留意佢, 心諗假如情況冇好轉, 都要預約定診所.

好在晚上已回復正常, 只係好間中先至fing一下半下, 謝天謝地!!



春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-7 17:54 |顯示全部帖子
年前, 雙膝忽然好痛, 尤其是坐低起身嘅時候, 有時痛到伸唔直.

一次喺書局無意中翻開嚴浩嘅一本書, 裡面有一段提到治膝痛嘅方法.

我依法跟住做, 書中話三個月/半年後? (唔見得)可見效, 唔知係咪我唔算嚴重呢, 唔駛一個月就慢慢痊癒.

由於我冇買到本書, 只係靠記, 所以文字不盡相同, 只係咁上下意思.

方法如下 : 坐在椅上, 將兩腳向前拍齊伸直 (側看如L), 兩隻腳嘅拇指互相碰二百下, 如果拇指對下處有嚿骨突起而阻住拇指對碰, 可稍為彎彎拱起才互碰.

我懶, 冇刻意坐喺度做, 通常都係趁上床瞓覺時順便做埋, 書中話有人都係瞓住做.

我唔知自己係唔係風濕而引致膝頭痛, 反正而家唔再覺痛就已經心滿意足.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-8 14:49 |顯示全部帖子
本帖最後由 cforchat 於 17-3-8 14:52 編輯

尋晚夢境 :



唔記得幾時向某機構申請將狗狗送畀人, 而家通知已獲批, 有人會領養狗狗.
得悉消息後自責不已, 為何會將狗狗送畀人呢, 追索原因只為當初怕佢整日獨自在家會苦悶, 希望新家庭能讓佢較有安全感. 但而家我冇做嘢, 可以成日陪住佢喎, 冇辦法, 申請咗就唔可以反悔. 腦海不斷浮現狗狗在身邊嘅片段, 以後狗狗嘅片段就屬於新主人了. 唯有希望新主人領養後好快就放棄, 到時我就可以同狗狗再聚, 又或者問吓人哋可唔可以畀我日日去見吓狗狗, 同佢散吓步, 我諗狗狗都想再見到我啩.



依依不捨地為狗狗打點行裝, 耳畔傳來舔毛嘅聲音.....


回到現實, 聽到舔到嗒嗒聲嘅熟悉聲音, 知道剛才只是夢, 當堂放下心頭大石.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-8 15:38 |顯示全部帖子
到凍肉店正在㨂選凍肉, 隔離有一位大姐剛啱亦在揀, 佢問我啲肉靚唔靚, 我梗係話靚啦, 我都買緊㗎嘛, 跟住佢話唔識點揀, 隨口叫我幫佢揀.

吓!? 我又唔係你, 點知你鍾意肥定瘦厚定薄呀. 好, 既然叫到就幫佢揀兩塊啦. 見佢自己都在揀, 我就收咗手, 話晒係人哋食, 冇理由我揀晒㗎嘛, 費事唔啱佢屋企人食累佢被責備啦.

於是我繼續揀我自己嘅, 當我每揀啱一件放入袋中時, 佢嘅反應以為我揀畀佢, 張開袋口準備接. 期間佢仍然自言自語話唔知點揀好, 我都冇理佢. 大姐呀, 真係唔知點揀咪參考我揀嗰兩塊囉.

最後佢總共買咗三塊, 其中兩塊係我揀嘅, 另一塊係佢左揀右揀極度猶豫之下才完成任務.

而家諗起會怪責自己, 人哋咁徬徨, 點解唔幫吓佢呢, 舉手之勞啫嘛.

唉, 只怪我遲鈍, 一時未會意得切, 對方可能有選擇困難症.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-9 14:25 |顯示全部帖子
本帖最後由 cforchat 於 17-3-12 18:11 編輯

前一排, 吾兒經同學仔介紹, 接咗一份project, 同學仔建議價錢可收一千至千五, 吾兒收一千, 我問佢點解唔收中位數, 佢話工作尚算簡單, 而且又係第一次, 所以收順啲.
比預期早完成, 以為需要再作修改, 對方畀波士睇過後就接受, 並即時攞埋銀行戶口作轉帳之用.

見對方咁爽快, 以為好快會過數, 甚至連慶祝吾兒首次出糧嘅飯都食埋, 點知戶口仲係得個零.

最初幾日, 吾兒都會叫我幫佢查戶口, 睇吓過數未, 可是每次嘅答案都係未. 一兩個星期過去, 我叫佢再問對方, 對方答覆要再過多一兩星期才轉帳. 生意人, 通常講一兩個星期, 即係起碼都要兩星期. 好, 額外畀多一星期又點話吖.

等候期間, 依然每日查戶口, 希望會有驚喜, 可是每每令人失望.

三星期過去, 對方完全冇晒下文.

我叫吾兒再追, 佢話既然對方冇信用, 佢都費事再與之接觸, 甚至豪氣地講, 收唔到就罷啦, 當做義工. 我話 : 雖然係咁講, 但點都要再追追, 畀啲壓力對方都要啦, 同佢講好耐咯喎, 到底幾時畀. 拖下你就唔駛畀, 第日又用咁嘅手法對待第二個. 你而家只係攞你應得嗰份, 又唔係問佢賒問佢借, 唔駛唔好意思喎. 如果你唔識點講, 不如我以你名義留言啦. 再唔係你就同嗰位同學仔講, 等佢幫你追啦, 話晒都係佢介紹.

無論我講到幾義正詞嚴都好, 佢都懶懶閒, 係咁意留言問人幾時畀, 對方就答要問過波士先喎..... 完!

唉, 明明冇錯都唔識據理力爭, 大剌剌一千蚊又視如糞土, 真吹脹!!

我唔知對方係乜公司, 連後生仔嘅一千幾百都要拖/呃, 如果真係周轉不靈或生意不景, 睇怕一千蚊都凍過水, 最壞打算只好當捐款.

春有百花秋有月, 夏有涼風冬有雪, 若無煩事掛心頭, 便是人間好時節.


男爵府

積分: 6494

開心吸收勳章 認識瑞士牛牛第一回 醒目開學勳章 畀面勳章 BK Milk勳章 hashtag影視迷勳章


發表於 17-3-9 14:32 |顯示全部帖子
cforchat 發表於 17-3-5 15:16
天氣預告話未來幾日將會潮濕, 所以呢兩日搏晒命將污衣床單被單枕頭套全部交畀洗衣達人(即係洗衣機), 希望佢 ...

今日抽濕機已開工,但個人已濕濕重重唔願郁。。想瞓覺


男爵府

積分: 6494

開心吸收勳章 認識瑞士牛牛第一回 醒目開學勳章 畀面勳章 BK Milk勳章 hashtag影視迷勳章


發表於 17-3-9 14:38 |顯示全部帖子
cforchat 發表於 17-3-9 14:25
前一排, 吾兒經同學仔介紹, 接咗一份project, 同學仔建議價錢可收一千至千五, 吾兒收一千, 我問佢點解唔收 ...

今次當買經驗,日後必會有所悟,後生仔就比佢用自己方法處理,
雖然做媽媽的會不憤同替他不值,


大宅

積分: 1958


發表於 17-3-9 14:55 |顯示全部帖子
回覆 chili_phoebe 的帖子

謝謝你安慰.
你講得啱, 佢嘅事, 最終都係佢自己處理, 見到佢唔緊唔要, 我能做嘅只得乾著急.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-10 09:52 |顯示全部帖子
本帖最後由 cforchat 於 17-3-10 09:52 編輯

成日收到一間次次都聽唔真叫乜乜beauty嘅廣告來電, 每次聽完都封鎖, 唔明何以還成日接到, 煩到死!

到底係佢可自行解除封鎖, 抑或係擁有一千幾百個號碼, 今次呢個被封鎖, 下次就用另一個.

下次封鎖前要記低號碼, 睇吓係唔係每次都唔同.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-10 10:17 |顯示全部帖子
想帶狗狗落街散步, 打開窗睇吓有冇雨.

雨就冇, 不過好大風, 都係唔好嘞, 我就話可著多件衫保暖啫, 狗狗得層皮毛, 費事凍親佢.

佢都有好幾日冇落街, 難怪悶到成日瞓.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-11 12:41 |顯示全部帖子
天文台又話今日會有陽光, 等我諗住尋日唔同狗狗行街, 今日至帶佢出外晒太陽, 點知今日仲差過昨日, 除咗凍仲有毛毛雨.

再唔郁動吓, 佢就快變肥仔.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-11 13:20 |顯示全部帖子
一向將自己在家嘅地位排在最後.....

二人世界時我排第二

吾兒出世後我排第三

狗狗來臨後我排第四

以食嘢為例, 總會將好嘢全部留畀佢哋, 我就食少啲, 甚至有時冇得食.

好似尋晚晚餐係冬菇肉絲茄子飯, 所有材料都係切條. 肉絲共約三四十條, 冬菇約有四五十條, 茄子約五六十條.

唯恐佢哋唔夠, 我總會先盛畀佢哋, 最後才輪到自己.

一如以往, 每次開餐狗狗都會黐住我, 因為我一定會同佢分甘同享, 如有肉類, 多數八二分, 狗狗八我二.

如常想揀出肉類畀佢, 才發現原來只得一條肉絲, 其餘則各有幾條. 弊傢伙! 盛重手咗畀佢哋㖭, 都食晒咁滯, 唔通叫佢哋反芻出嚟畀狗狗咩.

可憐! 全日唯一嘅肉類就係呢條肉絲, 仲要同狗狗八二分帳, 希望我身體唔好投訴我大細超啦.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-11 14:10 |顯示全部帖子
本帖最後由 cforchat 於 17-3-12 18:16 編輯

早排至諗起伊健嘅檸檬茶廣告, 唔知個女仔現在點呢, 估唔到今日就見到有關佢嘅報導.

今日嘅樣貎依然美麗, 不過好難想像與當年廣告中帶著baby fat 嘅女孩係同一人.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-12 17:40 |顯示全部帖子
都有好幾日冇午睡, 今日唔知做乜飯氣攻心, 午飯冇耐睡魔急召, 搞到頂住個胃瞓咗兩粒鐘.

好似有專家講過, 坐喺床上工作會較易想睡, 可能就係因為今午喺床上睇書, 所以至咁睏.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1082


發表於 17-3-12 17:42 |顯示全部帖子
希望唔好咁快濕住


寶石宮

積分: 346469

2019新春慶豚圓 2019勳章 HiPP勳章(2) HiPP勳章(1) 2018父親節勳章 2018母親節勳章 2018復活節勳章 畀面勳章 開心吸收勳章


發表於 17-3-12 17:45 |顯示全部帖子
IamKitty 發表於 17-3-5 17:23
討厭濕度



水晶宮

積分: 58758

2019新春慶豚圓


發表於 17-3-12 18:04 |顯示全部帖子

回覆:閒來無事說些事.....

最怕D衫有up味




首頁
12345...32

尾頁

跳至
你需要登錄後才可以回帖 登入 | 註冊