產前產後

跳至

首頁
12345...15

尾頁
   853


珍珠宮

積分: 35603


發表於 17-3-11 19:11 |顯示全部帖子

回覆樓主:

你呢個方法好好,好有條理所有野都諗得好周到,對自己對bb都係好,最重要係唔會拿手唔成世,可惜我住既地方好細,好多時唔能夠買太多野,不過買d乜野焗水飲都可以參考下


別墅

積分: 554


發表於 17-3-11 20:55 |顯示全部帖子
我4月中生喇,,冇請陪月,上胎媽咪請左1個月假幫我手,
但今胎佢請唔到假變左係自己坐月,老公幫我少少手主要睇大仔,
我都好有興趣知食野方面自己點樣整好? 謝謝分享


別墅

積分: 849


發表於 17-3-11 22:24 |顯示全部帖子
樓主好有心機,多謝分享


大宅

積分: 2899


發表於 17-3-12 00:08 |顯示全部帖子
freegirl80 發表於 17-3-11 15:36
太好了,我都預自己坐月。咁飲食方面你點樣處理?或者其他jm可否分享一下?
...
飲食補身方面的資料遲些分享,哈~可能要等星期一返工時才有空閒,因為在家有個仔轉來轉去,仲唔得閒過返工,
所以要打長post,可能在公司更好。

但我都想其他有心得的jm一齊分享下~


複式洋房

積分: 140


發表於 17-3-12 00:09 |顯示全部帖子
好有用 多謝分享 期待補身篇:mother:


大宅

積分: 2899


發表於 17-3-12 01:21 |顯示全部帖子
本帖最後由 mcesther 於 17-3-12 01:29 編輯

今晚呀仔竟然早瞓,而我....竟然唔眼瞓,既然咁樣,就上黎打住一部份分享啦!!

C,補身

1. 一日三餐安排
中醫建議初產,應以溫和飲食為主,不適合大補,要補都要待惡露清左先慢慢食「溫補」的野,到產後滿月,身體穩定才能食少少大補的野。而餵人奶,亦要小心唔好食太多燥熱補品,雞酒這些含酒精類的補品更加要小心,不能過量。我通常食薑醋、燉品,都係即餵完奶,即食,務求在下一餐埋身奶前有兩、三個鐘,等補品都消化曬為止。

好,講番正題,即是剛生產完,未清惡露前,只要食清淡飯餸,飲溫和湯水,避免食寒涼野就得。所以坐月婦的食物多數避免煎、炒、炸,而大部分是烚、蒸、煲為主,而食物多以菜芯、魚、豬肉、雞居多

自己坐月,可以請家人晚上煮飯時幫忙預備食材,洗乾淨、切好、「淹」好蒸餸、打好肉餅,分小碟盛好, 務求坐月婦第二日洗個米,擺入煲,按個掣,就可以有新鮮飯餸食。

而湯, 就係晚上份量煲多d,等坐月婦一整日都有得飲啦!!

注意:餵人奶最緊要湯水足,唔夠湯飲都要飲足夠的炒米茶,才有足夠豐富的奶量。但要記得未上奶前(通常全埋身密密啜,產後2-5日上奶)千萬不要狂飲上奶湯, 因為咁樣反而會導致塞奶(好痛的啊!!)處理不當甚至乳腺炎, 甚至因為太脹,而出不了奶的。上奶湯/增奶湯是要待上奶穩定些後才開始飲的。而最大、最好的上奶工具是bb的小嘴,坐月首月建議全埋身餵哺,非必要,不用泵奶機,因為乳腺未暢通,亂用/大力用泵奶機會很容易扯傷乳腺的。

好,餵奶的注意事項稍後再補充好了,以免在此處太長氣。

以下是網上找到的坐月食譜,大家自己慢慢研究,因為我不是煮食專家(本人是煮食白痴啦!!)
還望其他jm在食譜上多多分享、指教。

網上產後坐月食譜建議001



網上:通之廚房 坐月建議 不過呢個網建議一開始食薑飯,以我有限的坐月知識,有傷口的,不宜太早食薑,因為會令傷口埋得不好,開刀固然有明顯傷口,但就算是順產,剪會陰,或子宮內都是有傷口的,所以我還是建議坐月婦不要太早食薑飯,或以大量薑蒸煮,或食薑醋(薑醋應該要待清曬惡露後才開始少量進食的!!)



侯爵府

積分: 20683

2020勳章 開心吸收勳章


發表於 17-3-12 09:13 |顯示全部帖子

回覆樓主:

樓主,睇你個 post, 好有用。
諗返自己舊年坐月,就知自己買漏手套,一掂生水,成手麻痺,好慘。
謝謝你點醒,下次自己再坐月,實買定即棄手套


大宅

積分: 1719


發表於 17-3-12 13:29 |顯示全部帖子
Thanks for sharing


大宅

積分: 2899


發表於 17-3-12 18:27 |顯示全部帖子
C,補身

2. 補湯、燉湯處理

產前買定各種常用的煲湯、燉湯配料,以袋或樽分類放好,以我有限的知識,大概有以下這些:淮山、蓮子、南棗、紅棗、杞子、桂元、花生、天麻、黨參............另,人奶媽可買定通草,煲湯時可落一些,幫助通奶。


一般一家都適合飲的湯水,可以請家人晚上煮飯時煲一大煲全家一齊飲,
但若想煲一些補湯、燉湯,因為料貴,火候耐,就最好只煲坐月婦的份量,為節省睇火的心思、操勞,最好買個電燉盅,或最便宜的方法,就是用傳統電飯煲,裡放傳統燉盅隔水燉湯。以耐用、安全起見,我選擇了買PANASONIC的傳統款電飯煲(PANASONIC專門店,任何SIZE都有得揀),因為之後BB 6個月大轉食固體煲粥時都可以用番,唔駛睇火。









大宅

積分: 2899


發表於 17-3-13 08:53 |顯示全部帖子
大戶 發表於 17-3-12 09:13
樓主,睇你個 post, 好有用。
諗返自己舊年坐月,就知自己買漏手套,一掂生水,成手麻痺,好慘。
謝謝你點 ...
呢個都係其他媽咪share比我的智慧,不過有時bb情況太急,都會亂了陣腳,
而忘了戴手套就沖去攪~~
因為係第一胎,特別緊張嘛


大宅

積分: 2899


發表於 17-3-13 09:46 |顯示全部帖子
本帖最後由 mcesther 於 17-3-13 09:52 編輯
mcesther 發表於 17-3-12 18:27
C,補身

2. 補湯、燉湯處理

繼續燉湯post。。。。產前買好燉盅、煲湯材料,欠的就只是新鮮的湯料(例如:瘦肉、烏雞、雞腳、豬手.........)
到坐月時就請家人或自行網上訂購速遞到家,坐月婦可自己放入燉盅,開機煲,較個鬧鐘夠鐘關煲飲湯。

以我經驗
一個一人份的傳統燉盅,放半隻或1/4隻竹絲雞入去,數20-30薄片鹿茸、
適量蓮子、淮山、杞子、棗、一片薑,
隔水用電飯煲燉2-3小時(就來無水,要加水啊!)

基於健康,用雞煲湯的話,就最好買無激素、無基因改造的有機雞,以下是網上找到的資料,
大家自行研究,本人沒有甚麼公司推薦,因為我坐月時是親人每週末幫我去街市相熟的店買的,
家人幫我切好一份份,洗好,放入冰格,等我用時逐份拿出來煲的。

超市常見有機雞大比併



網購嘉美雞公司:康和


網上訂鮮雞




侯爵府

積分: 20683

2020勳章 開心吸收勳章


發表於 17-3-13 12:43 |顯示全部帖子
mcesther 發表於 17-3-13 08:53
呢個都係其他媽咪share比我的智慧,不過有時bb情況太急,都會亂了陣腳,
而忘了戴手套就沖去攪~~
因為 ...

真係痺足個幾月,自己坐月自己做家務,又要洗奶樽烚奶樽。初生 b 一定喊,又食又痾,好忙。生完個人係攰到不得了。。。
下次一定買手套,連奶樽都買即棄,爭取時間瞓多啲養好身體去湊 b好過。
我最成功係。。淘寶淘即棄衛生底褲,惡露嚟都駛洗,污糟就扔,又平,好唔好用就見仁見智啦!我見平又扔得,唔駛洗慳時間最重要


男爵府

積分: 5254


發表於 17-3-13 13:16 |顯示全部帖子
多謝分享
我都生第二胎
上一胎都係殺到埋身先攪
我都唔記得晒
只知自己瘋瘋癲癲過咗一個月


大宅

積分: 2899


發表於 17-3-13 13:24 |顯示全部帖子
大戶 發表於 17-3-13 12:43
真係痺足個幾月,自己坐月自己做家務,又要洗奶樽烚奶樽。初生 b 一定喊,又食又痾,好忙。生完個人係攰到 ...
好明白果種忙和累呢~上胎補唔到,今胎坐月再補番(我奶奶係咁講的)
所以我堅持坐月餵奶全埋身(當然亦有其難處和苦處啦!!)但真係唔駛用奶樽,
唔駛泵奶、洗樽、蒸樽,省左時間,心力。開頭埋身,呀b食得得慢,每次餵得耐都
累的,如果能學識瞓響到餵就又舒服好多。

我果時未清惡露,就著網褲+產婦衛生巾,都係著完一日即棄,唔駛洗。


大宅

積分: 2899


發表於 17-3-13 13:32 |顯示全部帖子
Yokohamaling 發表於 17-3-13 13:16
多謝分享
我都生第二胎
上一胎都係殺到埋身先攪
哈哈~~其實係因為我上一胎陀b時不用工作,所以好多時間可以睇書、上網,
搵資料,做定功課點樣湊b、餵人奶.........
而又因為無做野,無人工,所以亦唔想洗錢請陪月,唯有做足準備,自己坐月。


侯爵府

積分: 20683

2020勳章 開心吸收勳章


發表於 17-3-13 14:27 |顯示全部帖子
mcesther 發表於 17-3-13 13:24
好明白果種忙和累呢~上胎補唔到,今胎坐月再補番(我奶奶係咁講的)
所以我堅持坐月餵奶全埋身(當然亦有其難 ...

我太攰,攰到唔想餵。想問下點瞓係度餵又安全啲呀?可以教我嗎?
我就係醫院餵人奶餵餵下瞓著左,差啲甩手,俾姑娘路過見到,即刻炳左鑊,出院後忙到更加餵唔到,就索性餵奶粉。希望下胎可以再試人奶。
順祝你同 bb 出世順順利利,母子安康,bb 快高長大,生活愉快!


大宅

積分: 2899


發表於 17-3-13 15:01 |顯示全部帖子
大戶 發表於 17-3-13 14:27
我太攰,攰到唔想餵。想問下點瞓係度餵又安全啲呀?可以教我嗎?
我就係醫院餵人奶餵餵下瞓著左, ...
瞓住餵,係媽媽躺下側餵,不能抱住瞓著餵啊!等我睇下搵唔搵到影片教先~找到了

埋身餵奶幾個方法



側餵母乳片

點評

dorothybobo    發表於 17-5-5 22:40
gfsying    發表於 17-3-14 17:20


別墅

積分: 945

2020勳章


發表於 17-3-14 12:37 |顯示全部帖子
多謝你分享,我第一胎,咩都唔識
6月就生了,好緊張,希望到時一切順利


大宅

積分: 2899


發表於 17-3-14 12:56 |顯示全部帖子
XXMrsWong 發表於 17-3-14 12:37
多謝你分享,我第一胎,咩都唔識
6月就生了,好緊張,希望到時一切順利
一定會順利的,祝福你


大宅

積分: 1351

MommyPanel勳章 開心吸收勳章


發表於 17-3-14 17:21 |顯示全部帖子
好有用呀!!! 多謝分享^^

首頁
12345...15

尾頁

跳至
你需要登錄後才可以回帖 登入 | 註冊