產前產後

跳至

首頁
23456...15

尾頁
   853


大宅

積分: 2899


發表於 17-3-14 17:53 |顯示全部帖子
番外篇:湊初生b技巧

一, 沖涼

雖然有好多陪月會suggest你中午時分幫bb沖涼,不過既然無請陪月,而天氣到現在又開始溫暖,所以我還是建議坐月婦唔好自己一個下午和b沖涼了,等家人放工幫手沖吧!沖涼時間最好是奶與奶之間,或下餐奶前一小時進行,沖完涼的b休息一陣,就可以餵下餐奶了。剛食完奶切勿急住沖涼,會嘔奶,不適的。

另,初生b極少出街,身上大部分是天然油脂,可幫助保護皮膚,所以沖涼不要選潔力太強的沐浴露,可以單用清水,或我用「愛麗他」沐浴油,以滋潤為主,洗得皮膚太乾會容易誘發bb濕疹啊!!而初生首一至兩星期,bb會自己脫皮、換皮的,不關塗不塗lotion事,不用擔心。

另,沖涼時,一開片,一下水,因為溫差問題,初生嬰亦很常會沖涼時尿尿或屎屎,不用亂陣腳,搵多個人到時換盆水就可以了。滿了月,此類情況會越來越少發生的。



複式洋房

積分: 167


發表於 17-3-14 21:16 |顯示全部帖子
多謝分享!學到好多野!


大宅

積分: 2899


發表於 17-3-15 10:56 |顯示全部帖子
mcesther 發表於 17-3-14 17:53
番外篇:湊初生b技巧

一, 沖涼
繼續湊初生b分享.....

二,睡覺


初生b睡眠時間一天加起來好長,但就每次瞓好短(2-3小時),因為習慣了子宮內又緊又窄的生活,剛出生會不習慣,彷彿去了無重力的太空,而又因為神經系統未發育完善,會常常出現驚跳、驚嚇的反應,稱為Moro reflex(莫洛反應)。如果要令初生嬰睡得熟些,不用常常抱睡,令坐月婦可以「b瞓,媽又瞓」,首個月最好用包巾包緊,仿照子宮內的包緊環境,讓bb有安全感。



不過市面上sell的多是包被,別人都是送包被居多,但包不緊的包被,只有保暖和方便抱出街的作用,但對莫洛反應的情況是沒有甚麼大用的。多得一位美國朋友推薦,我發現棉紗製的包巾是最好用,包得最貼,最透氣,而又唔駛擔心會紮壞bb的,尤其推薦美國牌子[url=https://www.adenandanais.com/]aden&anais[/url] 的四層紗包巾,可以緊貼bb包裹,令bb睡得安穩。


我亦是靠這招間接令我仔懂得分辨日夜,剛滿月就自己能睡過夜,不用吃夜奶了。
方法是,2-3wk開始,早上,下午放他在有日光,近窗的位置(但不要太曬,太熱啊!)開始有時不用包巾包緊。但到晚上10:00/11:00左右的吃奶後,掃好風,側睡一會(防嘔奶濁親窒息)然後包緊包巾,讓他能好好安睡。過一段時間,bb就能分辨早上無包緊是日,晚上包緊是夜,慢慢晚上就能睡久一點,慢慢就能睡過夜,不用喝夜奶了。


但必須要留意,新生兒黃疸會令bb昏睡,忘了吃奶,這不是等於戒了夜奶啊!!初生兒是靠多吃奶,排出多餘的疸紅素來退黃的。未退曬黃,都不適宜戒夜奶,就算bb昏睡,都要按時抱起整醒餵奶的。待退黃理想,就可以試用此招幫他分辨日夜,讓他自然戒夜奶。


但滿了月的bb,我就建議可減少包裹,讓他多些自由時間,伸伸手,探索一下世界,甚至尋找自己的手指啜(好攪笑,你會發現開頭佢想放手指入口,會放錯落鼻的)。包巾可當一般薄被使用,又不用怕蓋住面焗親。


aden&anais包巾使用示範





莫洛反應  小寶常常有不自主的手腳抖動、睡眠很淺、隨意就會驚醒、出現驚嚇反應





珍珠宮

積分: 36008

2020勳章


發表於 17-3-15 13:02 |顯示全部帖子
mcesther 發表於 17-3-15 10:56
繼續湊初生b分享.....

二,睡覺
呢招我第一胎時都好有用,唔知點解香港好似唔太興? 我地夜晚用薄紗包巾,再播放white noise,BB好快開始自己戒夜奶。


複式洋房

積分: 390


發表於 17-3-15 13:29 |顯示全部帖子
多謝分享! 好有用!


複式洋房

積分: 333


發表於 17-3-15 16:41 |顯示全部帖子
好有用的分享啊..
係從中真係獲益良多...學到好多野..
多謝無私分享.


大宅

積分: 2899


發表於 17-3-15 17:42 |顯示全部帖子
mcesther 發表於 17-3-15 10:56
繼續湊初生b分享.....

二,睡覺
繼續新生兒照顧...........
三, 穿衣

一定好多人叫你買定好多和尚袍,蝴蝶衣比初生嬰穿著,我第一胎時都準備左好多,但到真正使用時卻發現那些綁帶實在太煩人,冬天幫bb沖完涼,已好怕他著涼,急急著衫,但越綁卻越亂,越綁就越心急。呢個都不是最大問題,最大的問題是和尚袍、蝴蝶衣通常都不貼身,保暖能力有限,bb踢幾踢,肚仔就容易露出來。剛好有位護士朋友上來探坐月中的我,佢搶了我仔,拿起一件連身衣快手幫他穿上,哈~~原來就這麼簡單、快捷,還非常貼身,不會露出肚仔。從此,我將所有和尚袍都收埋曬,全改為穿連身衣做底衫。

之後睇片,更發現連身衣應該由底穿上去,保證不會弄傷初生嬰的頸,在此分享給大家學學~
大家就不用再受和尚袍的綁帶之苦了。

連身包屁衣穿法


大宅

積分: 2899


發表於 17-3-15 17:54 |顯示全部帖子
回覆 EstrellaDamm 的帖子

係啊~香港好少地方買到靚料薄紗包巾,商場最多的是包被,但其實是無咩用的。我都係托美國的親友買左幾條用,
或者,大家想平,我響淘寶都搵到呢個牌子的外貿尾單賣,
我都買左幾條沖涼抹身用,質料和正貨差不多,當然圖案和勾線方面,
就有少量瑕疵,但就平美國正貨十幾倍囉





大宅

積分: 2899


發表於 17-3-15 17:58 |顯示全部帖子
回覆 靚Win 的帖子

分享呢樣野,最緊要有人睇同有人覺得有幫助,對於我自己,我就快生第二胎,但有d記憶開始模糊,
所以開個post分享,其實都係幫緊自己整理緊記憶,
準備好所有野,迎接第二位baby的


珍珠宮

積分: 36008

2020勳章


發表於 17-3-15 23:18 |顯示全部帖子
mcesther 發表於 17-3-15 17:54
回覆 EstrellaDamm 的帖子

係啊~香港好少地方買到靚料薄紗包巾,商場最多的是包被,但其實是無咩用的。我 ...
我去較多外籍人士客人嘅嬰兒用品店如Bumps to Babes,薄紗包巾嘅款比較多,雖然價錢唔平,但可睇實物,而其實呢類薄巾一物多用,可以用到好耐(我諗我第一胎嘅可以第二胎再用),其實都值㗎。畀其他媽媽參考一下。


複式洋房

積分: 333


發表於 17-3-16 13:40 |顯示全部帖子
回覆 mcesther 的帖子

可以PM share 淘寶 薄紗包巾的LINK 嗎??
THX


別墅

積分: 979


發表於 17-3-17 02:57 |顯示全部帖子
再次感謝你的分享,對於我這些第一胎的媽媽來說,真的很有用


複式洋房

積分: 450


發表於 17-3-17 10:07 |顯示全部帖子
回覆 mcesther 的帖子

Hello, 你好啊,好多謝你抽空無私分享咁多有用資訊,我覺得炒米茶包,手套,換片床設計同好多link都好有用,而且好有智慧,可能我太新手,上星期日剛自己確定bingo,即上bk查好多資訊,學到好多嘢,好多時邊睇時邊好感動,做人媽媽真係一件好偉大嘅事,大家都要加油


大宅

積分: 2899


發表於 17-3-18 12:42 |顯示全部帖子
EstrellaDamm 發表於 17-3-15 23:18
我去較多外籍人士客人嘅嬰兒用品店如Bumps to Babes,薄紗包巾嘅款比較多,雖然價錢唔平,但可睇實物,而其 ...
多謝資訊,間店響邊區?近的話,可以去睇下呢子


大宅

積分: 2899


發表於 17-3-18 12:45 |顯示全部帖子
hiutsit0727 發表於 17-3-17 10:07
回覆 mcesther 的帖子

Hello, 你好啊,好多謝你抽空無私分享咁多有用資訊,我覺得炒米茶包,手套,換片床設計 ...
恭喜曬你呢!懷柔初期身體特別累,要多啲休息啊!
早些做定功課,到時就更得心應手了。
仲有些餵人奶的準備資料想分享,
不過最近較忙,要遲少少先有空打出黎


珍珠宮

積分: 36008

2020勳章


發表於 17-3-18 13:29 |顯示全部帖子
mcesther 發表於 17-3-18 12:42
多謝資訊,間店響邊區?近的話,可以去睇下呢子
喺中環、海怡工業區、赤柱、西貢、愉景新城有。
http://www.bumpstobabes.com/index.php/Content/contact_us


複式洋房

積分: 450


發表於 17-3-18 14:21 |顯示全部帖子
mcesther 發表於 17-3-18 12:45
恭喜曬你呢!懷柔初期身體特別累,要多啲休息啊!
早些做定功課,到時就更得心應手了。
仲有些餵人奶的準備 ...
好多謝你,我會繼續追看


洋房

積分: 51


發表於 17-3-19 16:54 |顯示全部帖子
好多謝分享,好有用


水晶宮

積分: 70835

2020勳章 開心吸收勳章 認識瑞士牛牛第一回 陪月勳章


發表於 17-3-19 20:53 |顯示全部帖子
謝謝樓主分享!


大宅

積分: 2899


發表於 17-3-20 13:21 |顯示全部帖子
Tomyumyum 發表於 17-3-17 02:57
再次感謝你的分享,對於我這些第一胎的媽媽來說,真的很有用
推薦大家一個網,講每星期孕媽媽和胎兒的變化,之後仲有初生兒每星期的生長變化,
係我搵咁多個類似網站中,講得最好,最詳細的。


https://www.johnsonsbaby.com.hk/stagebased/pregnancy/pregnancy-week-25

首頁
23456...15

尾頁

跳至
你需要登錄後才可以回帖 登入 | 註冊