想生BB 今日: 1|主題: 109051

收藏本版

發帖

返回列表

跳至頁

樓主: 20170101

波折重重的孕路分享(回應)(小X,抗體,促排,IUI,IVF PGS..)

[複製鏈接]

1 234 5

y2004y

大宅

積分: 1065

41^#

發表於 17-6-12 15:56 |只看該作者

回覆樓主

追～

私人傳訊

20170101

男爵府

積分: 5467

42^#

發表於 17-6-14 21:40 |只看該作者

本帖最後由 20170101 於 17-6-14 21:40 編輯

回覆 20170101 的帖子

放胎
又休息了兩個月, 中間繼續食中藥針灸, 係時候要放胎了。
我配合教授用人工週期放胎, 塞藥和食藥，子宮內膜生長到理想厚度先放胎，期間KEEP 住中藥同針灸。
經過PGS 篩選後，我只有3個胚胎, 所以最後我決定只植入一粒。為左做最好準備, 我事前一早請好2星期大假準備放胎後就一直休息。放胎當日忍小便忍到爆炸, 教授都搞左好耐先順利擺胎, 放胎後即去小便, 然後坐左半個鐘先走。

植入後見紅
放胎後- 噃到屋企後幾個鐘竟然反胃嘔左兩次!

放胎後第二日 - 我再去沈醫師那裡針灸, 沒有加電, 針既時間亦較短, 幫助著床。之後就噃屋企休養等開估, 其間繼續中藥安胎 + 西藥食藥　＆塞藥。身體冇特別反應唔舒服。

印象中放胎後第5日 , 去廁所竟然見紅 , 我當堂想暈底, 點解會咁GA!!! D血係粉紅色, 量都幾多下, 唔係幾滴個種..............血一直冇停, 仲越來越多似M，　只是顏色比較淺色.....打噃電話去醫院姑娘話只好繼續塞藥到抽血驗孕等結果。每次見到自己塞藥後手指上D血, 心裡好傷心好嬲好失望...., 咁多血一D都唔似人地講既著床血, 如果BINGO 都驚LA...除左血之外身體完全冇其他感覺，自己已經打定輸數，周圍走冇休息。連我媽都話咁多血, 個胎可能已經屙了出來, 佢見我之前打咁多針都唔想我再受苦, 叫我放棄過二人世界算了。我自己亦不停催眠自己放棄生B的希望。

到抽血驗孕個日, 我有種解放感覺，　血冇停亦冇少，自己亦已經完全放棄，心諗等到正式收到電話通知失敗後就去大吃大喝食生冷！

私人傳訊

rec

大宅

積分: 2760

43^#

發表於 17-6-16 01:08 |只看該作者

回覆樓主

樓主好利害
堅持左咁耐同試左唔同方法

私人傳訊

20170101

男爵府

積分: 5467

44^#

發表於 17-7-7 17:10 |只看該作者

回覆 20170101 的帖子

ＢＩＮＧＯ　！

隔左一日，　接到醫院電話，　姑娘第一句就恭喜我。我暈一暈，　佢話我懷孕，叫我２星期後再來照超聲波，「但我一直流血ＷＯＲ，　好似Ｍ咁。。。咁點呀姑娘」。我隔日隔日再抽血合共2次, 結果孕指數有翻倍, 實在難以至信。
教授話我胎有長, 出血好大機會係著床時碰到子宮內膜的血管壁引起, 但宜家未可照照聲波, 所以只好耐心等待。
由於我有黃體不足問題, 加上我流血, 所以教授轉了一隻塞肛門的藥俾我噃去用, 又叫我盡量瞓床休息到第六週。就係咁, 開始我慢長既安胎路。

安胎到生產
血一直冇停, 我一直臥床, 食藥塞藥, 由於一直出血唔敢四處走,沈醫師叫我食阿膠。自己都好懷疑好擔心, 因為除左流血之外, 基本上冇其他感覺 (所以大家都唔好太在意自己有冇症狀感覺, 冇症狀唔代表一切, 之前我有症狀的一次咪又係小產)。

終於到照超聲波日子, 第六週1天....以往有小產經驗, 知道咁早乜都睇唔到係正常, 未入房前已不停安慰自己, 同一時間心裡好驚好驚,好怕見到D唔想見的畫面。腿張開，醫生一放支野入去, 「啊」一聲..........原來佢見到BB 個心跳!!!!!

我當下兩行眼淚不停流, 我從沒想過第六週已經可以見到心跳, 渴望了多年來的心跳竟然出現在我面前, 有個活生生的生命在我子宮內孕育緊! 我捉實老公隻手, 見到閃閃下, 聲到心跳聲, 個種喜悅激動永遠都唔會忘記。

醫生見唔到個胎有出血, 所以叫我唔洗擔心, 我照完之後流血塊, 好似M 咁多。之後我繼續在家休養, 盡量瞓床, 藥照用。不過出血情況一直冇停, 量時多時少, 時紅時啡時血塊, 隔個星期就要噃去照一照, 見到個胎每次都有長大, 心裡開始放鬆D。身體都冇嘔冇胸痛個D反應, 只係覺得易肚餓。

我一直冇噃工留家安胎, 出血情況一直捱到12週先停。之後就冇再用藥安胎。陀BB 期間自己都好小心, 老公唔俾我自己出街, 出入只可坐的士, 因為得來不易, 所以我地都好緊張。當自己見到BB 足月出世, 抱住佢, 百感交雜。

經歷過好多年頭的風雨, 差D已經放棄, 行了幾多灣路，跌倒了幾多次, 心情灰到怕自己會抑鬱症, 要去睇心理輔導。想不到奇蹟發生在自己身上, 我會將我所有力量去愛我的寶貝。我亦希望借我的經歷來鼓勵大家, 祝福大家好孕。