吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 引產後，唔知點面對其他人

懷孕前後今日: 0|主題: 329684

收藏本版

發帖

返回列表

跳至頁

查看: 10224 | 回覆: 34

引產後，唔知點面對其他人 [複製鏈接]

Yup88

大宅

積分: 1325

1^#

發表於 17-5-20 23:57 |只看該作者 |倒序瀏覽 |打印

引產後休息左3個星期有多，到依家仲未返工，我懷孕4個半月，除左真係好fd既朋友同家人之外，一直都無同人講我有左，因為係網到見得太多留唔住bb既case.我深深知道要生一個bb出黎一點都唔容易，整個懷孕過程都好擔心，我諗住pass晒所有野照埋結構無問題先公佈，可惜先生忍唔住係fb公佈左，當全世界恭喜你時，無耐照到bb唔健康要引產！再開朗都會有唔知點面對既時候，咁岩老公玩開啲朋友個老婆又有左遲我一個月，我老公仲叫我去佢屋企打牌而其他人仲未知我咩事，到底佢有無諗過我感受？叫我點去面對其他人？我見到佢老婆大肚又會係度諗如果個女仲係度個肚應該大過佢。好難過好難過！

0 0 0

私人傳訊

minipinky017

大宅

積分: 1712

2^#

發表於 17-5-21 00:53 |只看該作者

Yup88 發表於 17-5-20 23:57
引產後休息左3個星期有多，到依家仲未返工，我懷孕4個半月，除左真係好fd既朋友同家人之外，一直都無同人講 ...

男人好多時都少條根，佢或者係想你有d其他野做下分散下情緒，你直接話俾佢知你唔想去，點解唔想去，佢會明白你架

私人傳訊

Yup88

大宅

積分: 1325

3^#

發表於 17-5-21 01:46 |只看該作者

minipinky017 發表於 17-5-21 00:53
男人好多時都少條根，佢或者係想你有d其他野做下分散下情緒，你直接話俾佢知你唔想去，點解唔想去，佢會明 ...

我以為呢3個星期令我放低左件事，但今日見到之前買落既bb鞋又好似情緒失控咁，好傷心，見到人地大肚或者街度啲bb就好唔開心，好掛住自己個b。我想老公多啲陪我，但又唔想管佢咁多，唔知點解佢今晚講完想去朋友度之後我心好痛，眼淚係咁流，好想逃避唔想面對任何人甚至有一刻好厭世，但99係度我唔想嚇親佢

私人傳訊

skac

子爵府

積分: 11389

4^#

發表於 17-5-21 02:01 |只看該作者

加油呀，祝福你

私人傳訊

nman0802

大宅

積分: 2437

5^#

發表於 17-5-21 02:41 |只看該作者

樓主唔好唔開心啦！
其實唔使擔心面對其他人，你又無做錯事，其他人就算知道你既故事，都只會替你傷心同痛。
至於你老公，我諗佢只係想你有其他活動，唔好將focus再放係唔開心既事，盡快忘記傷痛，你唔好嬲佢啦。

私人傳訊

Yup88

大宅

積分: 1325

6^#

發表於 17-5-21 02:46 |只看該作者

nman0802 發表於 17-5-21 02:41
樓主唔好唔開心啦！
其實唔使擔心面對其他人，你又無做錯事，其他人就算知道你既故事，都只會替你傷心同痛 ...

佢唔係想我有其他活動，佢係岩岩考完試想relex就諗住同班fd打牌，佢唔想掉低我就叫我去，我想佢陪我但又唔想管佢既活動，更加唔想見到其他人令我諗起唔開心！

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

7^#

發表於 17-5-21 04:38 |只看該作者

你要同你老公講, 有時男人唔會明女人對小產既傷痛.

同人講某程度上都係舒解情緒方法之一.

我小產後, 由於忙住湊大仔, 又知小產唔係人可控制既事, 所以一直冇乜 hard feeing, 出左醫院同99 同阿媽講. 小產後2星期我返香港, 隔日一個朋友飯局, 每個飯局一定有朋友問我幾時追多個, 我照直講啱啱小產完, 抖下先. 第一次講唔知做乜講到我眼濕濕, 之後再有人問我都係咁答, 但冇hard feeling. 果陣我覺得第一次同人講左, 反而對我更好, 會更堅強去再提番件事. 同年同家人講開, 原來我阿嫂小產過兩次, 佢講到好似閒話家常咁, 好明顯佢都放低左.... 早幾年我去朋友飯局, 有2個朋友都提及佢地剛小產等經歷....

我小產時, 老公朋友個老婆, 同埋我都有朋友有bb. 初初我都會比較, 但慢慢都放開左唔去比較. 所有事都係冇 "如果xxx". 我冇個b 係事實.

既然我個b 係唔健康, 我都寧願佢走亦尊重bb 決定, 分離一定係傷痛, 但我相信呢樣比強留bb 更好.

小產, 引產等唔係唔見光既事, 唔駛封閉自己, 亦唔需要迫自己去同人交代, 你一定會搵到你覺得最舒服既方法去處理.

加油.

點評

kimmama

發表於 17-7-7 03:22

私人傳訊

Yup88

大宅

積分: 1325

8^#

發表於 17-5-21 05:01 |只看該作者

bosch 發表於 17-5-21 04:38
你要同你老公講, 有時男人唔會明女人對小產既傷痛.

同人講某程度上都係舒解情緒方法之一.

好多謝你咁有心既回覆，其實之前都有小產過，但個時幾週所以hard feeling 唔太耐。由於今次經歷既野實在太多太深刻，我呢一世都唔會忘記！對左bb幾個月，由見到佢腳仔郁郁到離開我每一刻我都歷歷在目！經歷十級陣痛，之後又發炎要刮宮，谷奶谷到食止痛藥都訓唔到！再痛都唔緊要，只可惜bb唔係身邊，我只係想有個人可以陪我捱過呢段時間，但原來無人明白

私人傳訊

rainy01

大宅

積分: 2188

9^#

發表於 17-5-21 08:51 |只看該作者

Yup88 發表於 17-5-21 05:01
好多謝你咁有心既回覆，其實之前都有小產過，但個時幾週所以hard feeling 唔太耐。由於今次經歷既野實在太 ...

小產係無人會明白，只有過來人先會有所感受！我也小產過兩次了，現在已係兩個小朋友既媽媽！你都加油呀！唔開心一定有，時間會幫你治療傷口，慢慢嚟吧！

私人傳訊

piggip77

子爵府

積分: 11232

10^#

發表於 17-5-21 10:22 |只看該作者

我完全明白你感受. 當日我係健康院撞到我親戚, 好開心, 一齊有左. 預產期只差一星期.
不幸地, 我B 離我而去. 好辛苦去放地呢件事. 當我放底時, 又到新年拜年, 我與親戚又相見. 她的仔仔已經出了世, 而我又再一次傷心.

不過再過多約大半年, 我再度懷孕, 所以不要灰心.

私人傳訊

che13

男爵府

積分: 8099

11^#

發表於 17-5-21 12:06 |只看該作者

Yup88 發表於 17-5-20 23:57
引產後休息左3個星期有多，到依家仲未返工，我懷孕4個半月，除左真係好fd既朋友同家人之外，一直都無同人講 ...

我都係，當時我引產完無耐，我老公又叫我去食飯，佢家姐又大肚！日喊夜喊...個心真係好難過！

但我再過幾個月再有bb...個時真係好驚又過唔到...好采一關又一關過到...時間可以沖淡...加油呀！

Make a pregnancy ticker

私人傳訊

kikima0210

大宅

積分: 3086

12^#

發表於 17-5-21 18:23 |只看該作者

心境要放開，無讓自己停留在傷痛的日子，過去了的就讓時間沖淡吧.時間會讓人淡化一切的，加油.這個時候個人會對一切比較敏感，而且男人的心思或者唔會顧及到我們比較敏感脆弱的心，但不要往不好的方面去想，一切都會過去.

私人傳訊

SiuTwinStars

大宅

積分: 1084

開心吸收勳章 15週年勳章親子王國15週年勳章

13^#

發表於 17-5-22 07:07 |只看該作者

加油呀
我因為工作關係迫不得已一早就同左公司啲人講
過左三個月就響公司正式宣布左一次
既然公司啲人知又冇理由唔同啲熟既人講⋯⋯

而家放緊病假⋯⋯ 回去就要面對佢地
關心又好口賤的又好
其實好希望佢地 leave me alone

我老公反而冇乜嘢
明明原本係佢想生多啲

私人傳訊

lokheibaby

大宅

積分: 4764

14^#

發表於 17-5-22 10:30 |只看該作者

Yup88 發表於 17-5-20 23:57
引產後休息左3個星期有多，到依家仲未返工，我懷孕4個半月，除左真係好fd既朋友同家人之外，一直都無同人講 ...

我係28w早產，bb出世後三天要返回天家，好明白你感受，我個時有人恭喜我生左時，我照直講bb走左那後，自己心（林）好快又會返黎，仲要健健康康既，講多幾次就慣，不過有時返風落雨就會流馬尿，我都希望盡快走出傷痛陰霾，振作起來重新出發，最重要保持心境放鬆，隨遇而安，想細訴舒發可多上bk，好多jm同你分擔聆聽，加加油

私人傳訊

Yup88

大宅

積分: 1325

15^#

發表於 17-5-22 14:33 |只看該作者

lokheibaby 發表於 17-5-22 10:30
我係28w早產，bb出世後三天要返回天家，好明白你感受，我個時有人恭喜我生左時，我照直講bb走左那後，自己 ...

其實我平時係正常的。仲會同老公講下笑出去飲下茶買下野，但唔知點解一句說話或者一個行為就會刺激到我係咁喊或者情緒失控，老公又好似唔係好識安慰人，見我喊緊佢都唔會攬下我，佢話我推開佢所以佢唔攬，仲係度講道理話我諗埋一邊，其實我唔想聽咩道理我只係想有人安慰下攬下我叫我唔好喊！道理可以安慰左我情緒冷靜左先講。男人就係咁，唔通個賊推開你唔俾你捉你就唔捉咩？

私人傳訊

SiuTwinStars