夫婦情感

跳至

首頁

尾頁
   4


大宅

積分: 1325


發表於 17-5-21 03:54 |顯示全部帖子
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公!直到今日,佢話考完試想去relex同班朋友打牌仲叫埋我去,我唔想去係因為我唔知點面對佢地,同埋佢個fd老婆又遲我一個月有左,我怕我見到會好傷心。所以我推左佢亦都話唔想佢去!我好想知佢諗咩所以第一次睇左佢啲信息,我見到佢話佢好似坐左23日監咁,又話早知講去返工!呢一刻我心如刀割,我無諗過佢陪我坐月係覺得坐監,我仲係度諗,雖然今次要經歷十級陣痛引產,之後仲要發炎刮宮,谷奶谷到食止痛藥都訓唔到。要我受幾多苦都唔緊要,只要可以為佢生個健健康康既bb要我點都可以!但當我見到果句說話之後個心痛到好似打我入18層地獄咁!我心好痛好痛,仲要加多句'早知話返工好過'。我唔知我應該點做,我仲應唔應該再信佢講既野?


大宅

積分: 3376


發表於 17-5-21 08:33 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...

樓主,首先我好明白你小產既心情,我上個月都岩岩坐完小月,我都有同樣感覺好似坐監咁,街又唔出得,沖涼又唔可以用花灑沖。

你c6想帶你去朋友屋企玩,如果你怕心情唔好你直接同佢講你唔想去,唔好到時去左,心情唔好俾佢朋友見到就會嚇襯朋友。
不過我就建議你去玩下放鬆下,我都坐左成個月小月,困屋企真係心情會好差,坐完月第一日我已經約朋友出街,食飯玩,就算見到街上面有大肚婆,我都無再唔開心。
至於你c6 同佢朋友講好似坐監咁,其實佢都係同朋友講下笑啫,你偷睇左佢電話係你唔岩,所以你無得唔開心架喎,放鬆心情啦...做得兩公婆唔洗為左呢d 說話而講到以後信唔信佢咁嚴重啦~~


別墅

積分: 663


發表於 17-5-21 08:39 |顯示全部帖子
陪住一個負能量咁重嘅人真係好辛苦
講又唔聽,安慰又安慰唔到
真係除左就咁企係度都唔知可以做咩
有時無心一句只係佢都想宣洩下
未必真係咁諗
有無必要咬住呢句唔放
將一句無心的說話無限放大去傷害自己?
呢刻係有千千百百理由去傷心
但始終痛在你身傷左你心
你好難要另一半完全感受到理解到
佢同樣都無左個bb
佢都可能用自己方法接受緊
無表現出黎唔代表佢ok
可能佢壓力大想見下朋友
兩夫妻互相體諒下
雖然自己好唔開心
都試下講自己感受比對方聽
更重要問埋對方感受
傾傾下可能你都有所得著


子爵府

積分: 10155


發表於 17-5-21 08:47 |顯示全部帖子
佢發牙痕吹下水

如果只因一句就抹殺佢用心付出,唔公平

好多產婦都將坐月稱為坐監,咁係咪唔愛仔女?子女係咪覺得,枉我咁辛苦投胎做你仔女,原來照顧我30日係累你坐監。

唔會架嘛,媽媽永遠愛仔女架。

BB走左,力都唔希望見到你同爸爸感情變差,佢仲等梗你地重拾恩愛,再做你子女

點評

maili    發表於 17-5-23 04:32


瑪瑙宮

積分: 127467


發表於 17-5-21 09:41 |顯示全部帖子
本帖最後由 Nancy20090615 於 17-5-21 10:25 編輯

咁事实係困身,但困身佢為左你都完成到,佢只係呻下,你5好太認真。

我自己有時都話湊囝情願番工, 唔通囝聽到就話我唔愛佢嗎? 都係呻下, 呻係講尼 d 野架喇.

你可能有情緒/抑鬱, 亦或者你本人性格係咁, 不如覆診你同醫生講, 睇下輔導.


侯爵府

積分: 22211

畀面勳章


發表於 17-5-21 09:49 |顯示全部帖子
不要想太多,既然你C6之前已陪伴左你咁耐,叫你C6自己去玩下,自己留屋企休息。每人經歷傷痛的宣洩途徑不一樣,你可能是想靜靜休息,你C6可能是想朋友陪伴出去relax下,只要大家有共識便可。一般爸爸冇媽媽感受咁深,明白你的傷痛,你C6講果句雖然殘忍但亦是佢真實感受,和你C6傾下,講出自己感受,亦關心下佢,失去孩子的不是你一個,而是"你們",如果傷心就發洩出來,如果仲需要時間就比多D時間自己,其實出去行下分散下注意力都不是有害,隨心去做啦,希望你可快快走出傷痛。


大宅

積分: 4224


發表於 17-5-21 10:11 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...

本帖最後由 dativebond 於 17-5-21 10:35 編輯

我係男人。

有時男人同朋友講野唔好當真,有時我唔想出街想係屋企陪老婆仔女,都會話老婆唔比,攞唔到行街紙。但其實唔係老婆唔比,只係我唔想出想陪老婆仔女。我都會同老婆講無辦法,男人唔赖落老婆度,朋友唔會收貨,因為只有呢樣係男人控制唔到,男人應該知我講乜,最無得拗既原因就係老婆,咁講即係話我最尊重老婆,你明唔明?

坐監只係一個好普遍既講法,女人大住個肚會話坐監,男人結左婚都會話自己坐監。其實大肚結婚係好幸福的事,點解要講反話,話係坐監?邊有人日日同朋友講自己好幸福架?個個都用坐監黎掩飾自己幸福的事實,唔係咁講,咪好肉麻?

所以,成日叫女人咪鬼睇訊息,睇左你又諗唔通。佢真心點諗,你唔知,可以問,但你偷睇番黎既訊息又問唔到,搞到自己估估下,屈住屈住,連你感激佢陪你23日的付出一概都抹殺,何苦?

佢陪你係真心定假意,你感覺唔到咩?比一個訊息,仲要係和朋友吹水的訊息摧毀真係好無聊。邊樣係真邊個係假,你都唔識分。

不過題外話,你小産左係唔開心,容易亂諗野,係正常。不過,如果有時你老公想去放鬆下,你由佢去啦。偶然一日半日比佢去玩對佢都係好事,雖然佢無你咁唔開心,但其實男人無左個BB都會唔開心,可能你睇唔出。我都試過,第一次我同老婆都心如刀割,兩個都喊到豬頭。但第二次就會控制到情緒,因為係明白到自然結果,無人需要負責任,兩個仲即刻去旅行散下心。與其兩個唔開心既人日日屈住,不如偶然大家都出街放鬆下,社交生活正常番,對你倆平復心情都有好處。

你唔開心,佢都唔開心,有社交生活先會令情緒好番,你睇幾多抑鬱症病人唔中意社交就知,如果你過多一兩個月仲唔想社交,你都要去尋求幫助,睇下自己有無抑鬱,唔好呃自己,唔開心唔想見人多過三個月係唔正常架。唔好阻止佢出街啦,佢都算好男人,唔係日日出,一個月出兩三次其實要求合理,你唔比,同迫佢去呃你無分別。點解要迫佢呃你?呃完又上綱上線到信任問題?係咪搵自己笨?

點評

whatdouwant456    發表於 17-5-22 16:33
gtg435i    發表於 17-5-22 08:51


琥珀宮

積分: 158494


發表於 17-5-21 10:17 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...

本帖最後由 木土土 於 17-5-21 10:19 編輯

你應該放佢監。

你有情緒,但也要顧下老公感受,你自己唔想見人無需勉強,但也應該比老公出去抖下氣見下朋友,你自己唔去又出聲話唔想佢去,好自私。

唔好再唸係咪要信佢,下次佢話要出去咪比佢出law,佢就算講大話也是善意唔想你唔開心。


侯爵府

積分: 24385


發表於 17-5-21 12:41 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...

每個人有情緒需要發洩,發信息呢D咪當真,要睇真實,佢用行動對你的好,別想太多,好好養身體,有健康的身體才可以做任何事


大宅

積分: 1214


發表於 17-5-21 14:06 |顯示全部帖子
dativebond 發表於 17-5-21 10:11
本帖最後由 dativebond 於 17-5-21 10:35 編輯

我係男人。

你真係回覆得好好!雖然唔關我事,但睇完覺得更了解男人喇!


男爵府

積分: 7295


發表於 17-5-21 14:17 |顯示全部帖子


大宅

積分: 4694


發表於 17-5-21 17:42 |顯示全部帖子
Meir079 發表於 17-5-21 12:41
每個人有情緒需要發洩,發信息呢D咪當真,要睇真實,佢用行動對你的好,別想太多,好好養身體,有健康的身 ...

好同意。佢呻下姐~


珍珠宮

積分: 32613

2018復活節勳章 好媽媽勳章 醒目開學勳章


發表於 17-5-21 18:21 |顯示全部帖子
dativebond 發表於 17-5-21 10:11
本帖最後由 dativebond 於 17-5-21 10:35 編輯

我係男人。

真理明言


禁止訪問

積分: 9141


發表於 17-5-21 18:34 |顯示全部帖子
提示: 作者被禁止或刪除 內容自動屏蔽


別墅

積分: 642


發表於 17-5-21 19:54 |顯示全部帖子
其實佢悶話似坐監都好正常啦。同d朋友講你好煩好克人憎就話姐。睇開d啦佢肯陪足你23日你係好好老公來!


瑪瑙宮

積分: 127467


發表於 17-5-21 19:56 |顯示全部帖子
勸你唔好睇佢信息成習慣


男爵府

積分: 9847


發表於 17-5-21 21:44 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...
我覺得心唔係咁諗亦想盡量陪你,你情緒唔好係正常,唔好諗埋一邊,好多時同朋友講下啫,我願意陪你但都唔係會覺得好正,成日係屋企悲傷都無用,養好身體,bb準備好就會黎


男爵府

積分: 8521


發表於 17-5-21 23:19 |顯示全部帖子
Yup88 發表於 17-5-21 03:54
自從引產左之後身體同情緒都唔好,老公一直照顧我請假陪我,我真係好感激佢,個刻真係覺得自己無嫁錯老公! ...

雖然你經歷咗d唔開心嘅事,你老公都陪你一齊面對,已經好難得啦!你都要學會走出傷痛,學習放下!你哋往後日子一定更美好!


男爵府

積分: 7167


發表於 17-5-22 01:43 |顯示全部帖子
老公沒有錯 !


珍珠宮

積分: 35988

畀面勳章 BK Milk勳章


發表於 17-5-22 06:46 |顯示全部帖子
同朋友呻吓都有罪?

首頁

尾頁

跳至