吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 我的IUI, IVF, 大出血早期穿水早產B經歷

想生BB 今日: 0|主題: 109051

收藏本版

發帖

返回列表

跳至頁

查看: 9077 | 回覆: 46

我的IUI, IVF, 大出血早期穿水早產B經歷

[複製鏈接]

12 3

GGD

大宅

積分: 1593

1^#

發表於 17-7-6 14:05 |只看該作者 |倒序瀏覽 |打印

我32.5歲結婚,婚前兩公婆有做婚前檢查.一切正常, 不過我M不準,有時個幾月先有

婚後開始做人,有睇中医同西医,照輸卵管正常,食排卵葯唔得,就去IUI, 第一次做老公精子活躍度得2%, 正常要4%, 結果失敗, 医生話無野可改善活躍度,不過次次都唔同,可能下次好D, 我地乜都無做,就再iui, 今次活躍度得1%, 打定輸數,反而成功,生左第一個B, 生時35歲

之後想再生,試左幾次唔得就去iui, 我生完大B後M好準時, 30-32日, 老公精子全部合格, 但我地失敗左3次, 就轉去ivf, 我當時37.5歲

過程比我想象好, 我day 3打長效針, 之後day8再返去診所打, 打5針左右有D要自己打,都ok, 最後一日去医院打3針破卵針,第2日去lab取卵. 打麻醉針所以唔痛.係個肚好聚,但即日已行得走得

我取卵好成功,有24粒卵,12粒胚胎,但第1次放1粒day3失敗左, 之後放2粒有1粒成功, 我記得放胎後約8日feel到3角位有幾下扯着

我以為失敗,因放卵後14日來M, 和正常M一樣第2,3日多D,4,5日少D,但5日後仲流血,量少,好似最後1日M一樣少,流多9,10日,我去看医生,1照就話我有左,不過CHI唔實,打安胎針同塞小白球,流多2星期就停左

bb3個月又見紅,請病假卧床,流左2星期又停

17週幾返返下工一企起身大出血,成褲濕哂,去廁所除褲成地都係血, 即打999,入医院,第2日都流血不過少D,医生話无野可做,BB照過1切正常,話我可返屋企,我留多1日第3日走

之後4日後半夜去廁所,成個馬桶都係血,上床,隔一陣好多血同血塊湧出來,又打999

待續.............

0 0 0

私人傳訊

Babypru168

別墅

積分: 988

2^#

發表於 17-7-6 15:47 |只看該作者

GGD 發表於 17-7-6 14:05
我32.5歲結婚,婚前兩公婆有做婚前檢查.一切正常, 不過我M不準,有時個幾月先有

婚後開始做人,有睇中医同西 ...

追看

私人傳訊

phylliskwc

大宅

積分: 2687

3^#

發表於 17-7-6 15:58 |只看該作者

排

私人傳訊

chloechan831

別墅

積分: 546

4^#

發表於 17-7-6 16:20 |只看該作者

回覆樓主

追看

私人傳訊

5520

大宅

積分: 3023

5^#

發表於 17-7-7 00:59 |只看該作者

回覆樓主

追

私人傳訊

bobolily

大宅

積分: 4021

畀面勳章

6^#

發表於 17-7-9 00:09 |只看該作者

GGD 發表於 17-7-6 14:05
我32.5歲結婚,婚前兩公婆有做婚前檢查.一切正常, 不過我M不準,有時個幾月先有

婚後開始做人,有睇中医同西 ...

追看(emoji)

私人傳訊

Tinny

伯爵府

積分: 18536

7^#

發表於 17-7-9 18:02 |只看該作者

回覆樓主

私人傳訊

GGD

大宅

積分: 1593

8^#

發表於 17-7-10 13:35 |只看該作者

繼續

入到醫院，姑娘問緊症，我都仲有好多血同血塊湧出來，比平時m多好多，不是沁出來係湧出來，用左夜用m巾都沿著隻腳流落地。

夜晚都仲有流血，第二日就停左。醫生話原因不明，醫學上無野可做。仲話如果第三日都無流血就走得。結果我兩日無流血，醫生簽名比我走。嗰日老公來接我，我一起身唸著去換衫就流血，即時同姑娘講，醫生來到，都係話無野可做，驚就住多一日，最後我都決定返家。

返家第二日繼續流，今次又有D唔同，無血塊，係D好稀的血水，坐半個鍾會有幾次feel到下面有水流出來，去廁所見到有D血水好似小便咁流出來，終於出院後第三日又入返去醫院，係我兩星期內第三次入院，今次唯一唔同嘅係，再無人話我可以出院......

私人傳訊

piggip77

子爵府

積分: 11234

9^#

發表於 17-7-10 18:57 |只看該作者

私人傳訊

sunflowers-casa

男爵府

積分: 7427

10^#

發表於 17-7-11 01:46 |只看該作者

回覆樓主:

追

私人傳訊

不可思議

別墅

積分: 853

11^#

發表於 17-7-11 12:25 |只看該作者

回覆樓主:

追。。

私人傳訊

GGD

大宅

積分: 1593

12^#

發表於 17-7-11 14:14 |只看該作者

流的血水好稀，夜用M巾或產婦衛生巾都吸唔到，喺醫院瞓喺度，D血一流就沿著屁股流落張床度，好似失禁咁，好快件衫就濕哂，初時都有換衫，之後就算啦，任佢濕。感覺很難受，好似連做人的尊嚴也沒有。

之後見到隔離床個阿婆用成人尿片，我又跟著用，試過一個早上換了三次成人尿片，三條都非常濕同重。

醫生以為我穿水，驗左又唔係，又係無野可做。

之後我經歷大大小小的流血同噴血，多數噴血發生於半夜，通常一兩點醒左，突然下面好多血同血塊湧出來，我就按救命鐘，姑娘入來，除褲睇，叫我有心理準備，用輪椅推我去第二間房，醫生來開鉗放血，伸手入去睇子宮頸開未，然後話未開，BB心跳正常。過程很驚同痛。我每晚都將救命鐘放枕頭底，唔掛牆。有一次開鉗，醫生話D血噴到佢成件衫都係。

又有無數次，一起身或去廁所有好多血塊湧出來，一個血塊有掌心唔計手指咁大，條underwear 有三個，再聽到有幾個血塊跌左D入座廁，形狀有D似大磨姑。我一度以為BB分開左幾份跌左出來，其實又唔係。

最差一次，我食完午飯同老公講電話，feel到下面好似拍戲大動脈斷左咁，D血水噴出來，立即去廁所，一企起身就頭暈，企唔到，即刻坐底㩒救命鐘，姑娘用輪椅推我埋床，一度血壓得番40幾同70幾，平時我有70幾同100幾，醫生話我流血流到有生命危險，要即刻輸兩包血，吊鹽水，插尿喉，我唔郁得，係我人生最差的一天。不過姑娘好好，比我老公過左探病時間都留低陪我。

我於兩個多星期共輸左十包血，第一日驗血，血色素低，輸血，第二日無事，第三日又唔夠，再輸，不停的循環，血色素11可捐血，我最差只有6點幾。我身體60%的血都係別人的。

之後有個顧問醫生睇我，話我有條血管爆左，子宮內有個大血塊8cm x8cm, 佢都未見過咁大，如果細的，有機會比身體吸左，呢個就唔知，因為血塊太大，逼到有少少胎盤剝落，BB仲頂得著，心跳大小正常，怕我頂唔住啫。

醫生仲下令抽我十支血睇下我肝呀凝血功能得唔得，又話如果我再大流血就打止血針，咁D血會凝固D，但有機會D血傑得滯上唔到肺。我之後大流血都同姑娘講，佢地好緊張，要睇我M巾或小便真係好多血先幫我打。我共打左三次止血針，打緊入鹽水豆時條脷都麻左，枝針應該好勁。

我嗰時實左好辛苦，成日爆血，每3日打一次鹽水豆，成日輸血，夜晚根本瞓唔到，個個醫生護士都叫我有心理準備，我開始問醫生可唔可以終止懷孕，最初醫生話佢地唔會做除非我或BB有生命危險，但私家醫生肯幫我做。

我連續兩晚爆血，我就同BB講，媽媽好辛苦，唔想頂，如果你都辛苦，你今晚亂踢，爆多晚，我地就解脫啦，如果你想頂，我就陪你頂到尾。嗰晚，真係無爆血，雖然第二晚又嚟過。

第二日，我覺得係神的安排，有一個BB有唐氏綜合症的媽媽來墮胎，佢不停講好唔捨得，我睇住成個過程，好痛苦，仲話BB排出來嗰下臍帶郁左一郁，我聽到喊左，我BB無事無干唔可以為左自己唔辛苦就放棄，我一定要頂落去。又諗起德蘭修女話連自己BB都殺點停止戰爭，she said, if u don't want your baby, give me.

私人傳訊