你都係有肌線症呀?我同你感受一樣,聽完prof li 講覺得有番希望。真係冇喺香港遇過醫生對手術有信心,只會叫人唔係切就懷孕。咁有問題又點咁易懷孕?雞先定蛋先呀?仲要我浪費幾多時間同人工受孕嘅錢呀?
我amh 約1㗎咋,我蛋又少又質素低。要遇粒好卵都要睇彩數
因為prof li 同我睇開嘅ivf 醫生都覺得唔係免疫問題,係我子宮結構問題,所以我唸要認真處理呢個問題先會好啲。就算唔懷孕,可以有番生活品質,都值啦。但上次prof li 冇好仔細介紹個手術係點,所以我下次仲要詳細傾。本來佢係propose先做停經treatment 試ivf懷孕,唔得先手術。但我先生都覺得應徹底啲去用手術解決會好啲。當然大家都知肌腺好難100%去除,亦會翻發。同埋prof li 用3d 超聲波㗎,會睇子宮結構清楚啲。