由金鐘站轉車,行3分鍾左右就去到,之後車程2分鐘左右,落左車行5分鐘就到,講真比起巴士方便好多!特別係有BB車既,唔洗摺車。
一入到去見到佢?!
聽完個哥哥介紹下,然後合照果陣發現:呢隻貓頭鷹唔鍾意望鏡頭囉...
跟住就去左玩水喇(就係玩水篇既內容,呢度唔重覆喇)
玩完水食野,是說熊貓餐廳個海南雞飯真心好食,可惜食之前冇影到相...(太肚餓喇)食完就去左門口水都餅店食仔仔一入黎就睇中左既鴨仔布丁。
個人覺得最神奇既係布丁都可以整到佢企o係度,再一次可惜,隻鴨一拎埋去,仔仔心急食,未影相已經一野"筆"走左個鴨仔頭...唯有影呢度啦
佢呢度有3款甜品係鴨仔主題,試左個布丁,幾滑唔錯,而其他果d睇fb朋友講味道都OK。
食完野就去玩水區隔黎果個迷宮,再一次感嘆海馬公園做得好,因為,有頂架!!!!!
見唔見到?一d都唔晒!真係好正!本身幫左仔仔著防晒衣,結果根本唔洗用囉其實,同埋呢佢都係分左3個高度3條隊玩既,好可惜,佢有高度限制,身高要120cm以上先玩到,仔仔唔夠高玩...
下一站:威威天地,
入到去,鴨仔依然無處不在
咁多位,記住呢張相,因為入便係鴨仔專門店,冇計劃買野既千其千其唔好入去,因為小朋友係會唔肯走架!
鋪仔細細不過勁多鴨仔
跟住行到去...好想唱:鴨~全部都係鴨~
呢度係自拍位,不過留意喇,呢度冇得落水既,不過d哥哥會比我地1人拎住1隻影相囉
佢有水流,見到d鴨仔游下游下咁架
跟住就係隔離果個跳彈床喇
呢個又係用身高分左3條隊架,我見有個2歲幾BB自己一個玩,玩親都係差唔多大既小朋友,感覺安全好多。
玩完威威天地,就諗住去坐欖車喇,經過老大街,再一次唱:鴨~全部都係鴨~
終於,頂唔住仔仔,玩左一次,
點知...差小小羸到珍寶獎呀!真係差小小咋!激死人呀!
well...望都冇用啦...同佢擦身而過...
跟住,又一間鴨仔:
都係果句,認住呢間鋪,小心小朋友唔肯走呀。
呢個就係傳說中既自訂版鴨仔,可以o係鴨仔上便印自己鍾意既字咁,黎之前fb係咁比佢洗版。
仔仔最鍾意都係呢d模型,同我老公一樣。
電車都有鴨仔搶鏡...
埋左站喇,快d上車啦
你地上唔上車架?
好,收工(?)
本身諗住坐欖車,點知佢要行好長斜路上,同埋見到好多人排隊,於是諗住去坐列車好d。
點知,路經玩水區,仔仔再一次要求玩水>玩泡>玩沙無限loop,加上頭先玩完老公應承左佢話一陣再玩,所以淨係抹左身,擰乾左件防晒衣又著返,冇換到衫,所以...就冇然後喇...最後仔仔又入左去無限loop到天黑,我用過山車同睇企鵝引佢都冇用...
旅程去到呢度就完喇。
今次玩夏水禮感覺好arm仔仔玩,而且佢安排得好好,咁當然啦,如果個玩水區再大d再多野d更好啦(雖然其實掛住玩水,都冇咩點玩其他野)。