我阿媽頭先同我講.....
真係好嬲好嬲, 雖然知佢唔想我使錢, 但係我仍然嬲到想星佢一巴.
我阿媽份人把口好衰, 雖然佢講 d 野真係為我著想, 但係一經佢把口講出黎, 我就黝到煙都出埋. 好似頭先咁, 我諗住約阿爸中午 lunch, 問阿媽佢幾點放工, 我阿媽話: 你錢都唔多個, 食咩飯呀!! 我自問環境都唔係好差, 俾佢一講, 攪到我好似就黎乞食咁, 我從未俾人咁樣睇小過. 好嬲好嬲.....
好啦, 過年過節買少少野俾佢, 佢又推三推四, 次次要我發爛喳佢先收, 送親野俾佢都要谷到一肚氣. 上次我同老公想請佢同阿爸食餐飯, 佢又話: 你地環境又唔好, 我唔洗你地請. 大佬呀! 就算我地真係窮, 你都唔洗當住面話完一次又一次啦! 我已經忍到就黎爆.
一陣間對住佢, 希望佢唔好又講 d 野出黎激起我把火, 我諗如果我死左都係因為俾佢激死. :evil: :evil: :evil:
枯藤老樹昏鴉, 小橋流水人家,
夕陽西下, 斷腸人在天涯.