吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我阿媽頭先同我講.....

心聲留言今日: 1|主題: 17311

收藏本版

發帖

返回列表

跳至頁

查看: 2437 | 回覆: 8

我阿媽頭先同我講..... [複製鏈接]

可可2003

別墅

積分: 547

1^#

發表於 04-10-4 11:12 |只看該作者

我阿媽頭先同我講.....

真係好嬲好嬲, 雖然知佢唔想我使錢, 但係我仍然嬲到想星佢一巴.

我阿媽份人把口好衰, 雖然佢講 d 野真係為我著想, 但係一經佢把口講出黎, 我就黝到煙都出埋. 好似頭先咁, 我諗住約阿爸中午 lunch, 問阿媽佢幾點放工, 我阿媽話: 你錢都唔多個, 食咩飯呀!! 我自問環境都唔係好差, 俾佢一講, 攪到我好似就黎乞食咁, 我從未俾人咁樣睇小過. 好嬲好嬲.....

好啦, 過年過節買少少野俾佢, 佢又推三推四, 次次要我發爛喳佢先收, 送親野俾佢都要谷到一肚氣. 上次我同老公想請佢同阿爸食餐飯, 佢又話: 你地環境又唔好, 我唔洗你地請. 大佬呀! 就算我地真係窮, 你都唔洗當住面話完一次又一次啦! 我已經忍到就黎爆.

一陣間對住佢, 希望佢唔好又講 d 野出黎激起我把火, 我諗如果我死左都係因為俾佢激死. :evil: :evil: :evil:

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

Mrs.Chan

公爵府

積分: 26422

2^#

發表於 04-10-4 11:37 |只看該作者

Re: 我阿媽頭先同我講.....

唔使嬲呀 ~
你媽媽好鍚你, 講心唔講錢,
我亞媽都係同我講心唔講錢,
佢又係成日話side錢買野俾佢,
我就答佢: 唔準再咁講, 唔係就記你大過 :mrgreen:

恭賀新禧，迎春接福！

私人傳訊

yammyma

大宅

積分: 4605

3^#

發表於 04-10-4 12:46 |只看該作者

Re: 我阿媽頭先同我講.....

唔好嬲,其實你媽都係錫你先唔想你使錢,好似我咁,而家生活算ok,但每次俾錢我媽,佢次次都話唔駛俾,你又要供樓,又要養細路,留番d錢,將來大把野要駛錢,d媽咪係咁,鍚你先叫你留d錢旁身.

[img align=left]http://www.dchome.net/emote/icon/548.gif[/img]

私人傳訊

emilylin

別墅

積分: 540

4^#

發表於 04-10-4 14:39 |只看該作者

Re: 我阿媽頭先同我講.....

唔洗嬲喎,你呀媽都係錫係唧,只不過佢表達得唔好唧,唔好擺係心度,開心吓啦,我媽咪都係咁,比錢佢佢又要推梨推去,話我又要供樓,bb讀書又要錢,留返個錢旁身啦,買野比佢佢又話"side"錢,同佢食飯飲茶佢就話"你好多錢咩"我就答佢"食飯飲茶食得幾多呀"去到埋單又爭住比錢,係要攪到我發脾氣先收手,個個禮拜去佢地度,佢一定一袋二袋比我攞走,又成日買野比個囡,我老公成日話我"又食又擰",所以話呀媽都係好錫自己d仔女嫁

私人傳訊

calcal

男爵府

積分: 6227

5^#

發表於 04-10-5 07:51 |只看該作者

Re: 我阿媽頭先同我講.....

自己阿爸阿媽咁講，真係唔駛嬲喎~~
好似我老豆咁，我以前每次返去食飯，佢第一句就話：八婆~~有毛有翼識飛啦~~(佢意思係我一個星期先返一次咁少)，我就答佢：識飛o左好耐啦，跟住就我打佢佢打我咁玩，好似玩詠春咁 :mrgreen:
之後到我有o左bb，媽咪叫我返多d去食飯，有湯水咁。咁我老豆見到我第一句就話：八婆~~咁知地方呀~~養埋你好無？叫埋肥仔(我老公)o黎我養埋佢(佢意思o係我成日返去食飯)~~我就話：咁好？一於係咁啦~~ :mrgreen: 之後又一輪我打佢佢打我咁玩~~
有日我老公同我一齊去媽咪度食飯，老公o係大門後面坐緊按摩椅，我老豆放工返o黎，我就問佢：我咩想講呀？當佢想講養埋我老公之類o既說話時，老豆見到我老公，淨識笑又唔敢響我老公面前講，勁攪笑，我就話：你唔駛講啦，我已經帶埋佢o黎黐餐啦~~~哈哈哈！其實聽阿爸阿媽講o野要識聽埋佢o地o既弦外之音

而我媽咪都成日叫我儲多d錢，唔好亂洗，因第日要養b同供樓供double

私人傳訊

可可2003

別墅

積分: 547

6^#

發表於 04-10-5 11:03 |只看該作者

Re: 我阿媽頭先同我講.....

好多謝咁多位開解, 我何嘗唔知我阿媽想我儲多 d 錢呢, 我阿媽份人天生把口得罪人多, 我同我細佬都唔鍾意同佢傾計, 因為只有佢訓話, 冇人會搭嘴. 次次佢一開聲, 唔係話我地 d 衫唔好睇就係講佢 d 陳年舊史, 連食餐飯都要似批鬥大會咁, 真係好煩. 點都好啦, 我都只係想呻下, 阿媽得一個, 點都要忍.....不過做佢新抱果個就慘囉!

枯藤老樹昏鴉, 小橋流水人家, 夕陽西下, 斷腸人在天涯.

私人傳訊