虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章畀面勳章大廚勳章 BK猜猜猜慶中秋春季勳章炎夏勳章 BK Milk勳章 hashtag旅遊勳章 hashtag影視迷勳章 DHA勳章貓狗褓姆育兒性格勳章認識瑞士牛牛第二回認識瑞士牛牛第三回 +5熱血勳章最關心BB問題熱投勳章 Xmas吸收勳章美好大世界2017勳章開心吸收勳章食得好勳章瞓得好勳章笑得好勳章 Poo得好勳章 HiPP勳章(1) HiPP勳章(2)

發表於 17-8-28 17:48 |顯示全部帖子

本帖最後由 stepchk 於 17-8-29 10:35 編輯

今次係全自駕遊,加埋同老人家一齊去,所以我比平時做功課更勤力,嘗試係度分享一下行程
頭四日係墨爾本,第一站就係去墨爾本舊監獄 Old Melbourne Gaol
入場費: AUD$45 family ticket, AUD$25 ADULT
佢有二個館,第一個係就咁參觀,咁第二個係有限定時間入場,差唔多半個鐘就會有一場,佢會好似有少少角色扮演咁,等你嘗試坐監既感覺,我就覺得好特別,但細女就有少少嚇親,因為個官扮得好似,幾惡下

私人傳訊

stepchk

珊瑚宮

積分: 107404

發表於 17-8-28 17:51 |顯示全部帖子

本帖最後由 stepchk 於 17-8-28 17:54 編輯

第二站就係去墨爾本圖書館唔好以為呢D就咁係擺設咁簡單,你見到有人企係側邊,其實係D學生係度捉緊棋。成個圖書館其實仲有好多畫,感覺好似入咗藝術館咁

私人傳訊

stepchk

珊瑚宮

積分: 107404

發表於 17-8-28 17:55 |顯示全部帖子

St Patrick's Church

私人傳訊

stepchk

珊瑚宮

積分: 107404

發表於 17-8-29 09:27 |顯示全部帖子

本帖最後由 stepchk 於 17-8-29 11:17 編輯

DAY3
The Brighton bathing boxes去到好大風,都幾凍,係咁e影咗幾張就走喇,但係影出黎係幾靚

之後就去咗PUFFING BILLY,我上網book咗family package AUD$108,搭咗3個站,來回要2個幾鐘,感覺都好特別,個個都係咁坐係條欄度欣賞風景

夜晚去咗睇Penguin Parade,我都係上網訂PACKAGE,揀咗Penguin PLUS 2大2小﹕AUD$118, 佢可以比較近距離睇到企鵝由海邊返黎,小朋友睇到都好開心

私人傳訊

stepchk

珊瑚宮

積分: 107404

發表於 17-8-29 09:35 |顯示全部帖子

本帖最後由 stepchk 於 17-8-29 11:17 編輯

DAY4
Great Ocean Road,呢日係最辛苦既一日,因為要去晒所有景點,所以渣車就用咗1日既時間,原本我係由GEELONG一直玩到去LONDON BRIDGE,但我老公就話倒轉玩,要由LONDON BRIDGE玩返轉頭,所以攪到無時間去阿波羅灣食飯。

London Bridge

Loch Ard Gorge

12門徒石

Geelong
黎到都已經係6點幾,加上已經天黑,所以無乜心機影多幾個木頭公仔,如果有JM想去,記得要去咗呢度先

係墨爾本既行程就咁完結咗,我黎既時候係搭澳洲航空,趁佢特價果陣買既,2大2小 $18,000, 包咗一程內陸機去BRISBANE。

夜晚食飯我都有去QV SQUARE搵食,之前睇JM有介紹過大食家同埋PappaRich, 呢二間我都有食晒,我覺得都幾好味呀,價錢都合理。

住方面我揀咗Novotel Melbourne On Collins, 呢個係好巿中心既酒店,住咗3晚價錢係$4374, 雙床房包早餐(要揀二張雙人床),呢個房價包咗2個12歲以下小朋友住同埋早餐,所以我覺得都幾抵。另外佢既早餐質素都幾好,我就覺得幾啱食。

泊車方面,我原本就諗住俾貴少少錢俾酒店泊車,但原來墨爾本夜晚好多7點半後都唔駛入錶,所以我地就係附近搵免費錶位,咁就泊咗3晚。墨爾本錶位一般都有分幾種,佢有入錢既錶,有用信用咭俾錢既錶,仲有買飛仔既錶位。

租車方面,我揀咗AVIS 8 人車,係機場攞車同還車,佢D車好新同好乾淨,埋單費AUD 574.52,包咗GPS,CAR SEAT,保險同埋EXTRA DRIVER。

點評

wcpcelia

發表於 17-8-30 14:54

私人傳訊

stepchk

珊瑚宮

積分: 107404

發表於 17-8-29 10:10 |顯示全部帖子

本帖最後由 stepchk 於 17-8-29 11:18 編輯

DAY 5我係由墨爾本搭內陸機去布里斯本,咁住就係揀咗Novotel Brisbane,呢間酒店一定要BLACK LIST佢,因為佢既衞生情況都好差,廁板有M漬,洗面盤附近好多水漬仲有牙膏漬。我淨係住幾個鐘我無要求換房。

DAY6
我係TANGALOOMA碼頭搭船入去TANGLOOMA ISLAND RESORT。Holt Street Wharf 泊車費每日計AUD$15。
呢間酒店我係官網訂既,唔知係咪咁,一落船就有人舉牌黎接我去接待處,期間佢都有好詳細咁簡介附近既設施,職員非常好人。我揀咗普通酒店房間,每晚AUD$209, 船飛2大2小來回AUD$250, 2大2小早餐AUD$80。

係碼頭攞船飛果時,佢就會俾呢本野你,裡面已有齊島上活動介紹同埋你參加既活動套票,如果有買早餐,早餐券都會係晒入面。我揀咗7點船入去,因為我仲要參加12點觀鯨,所以入到島上就有少少空閒,所以呢個時間最好就睇下裡面有咩活動啱你可以參加,有極少量活動係免費。

碼頭附近都好多塘鵝

呢個係CHECK IN位置,隔離TOUR DESK係報活動既地方,有咩都可以係度問

呢個位置類似係康樂室,再入D就係餐廳,出返少少有間CAFE

私人傳訊

stepchk

珊瑚宮

積分: 107404

發表於 17-8-29 10:23 |顯示全部帖子

12點我就參加島上既Whale Watch Cruise,2大2小價錢 AUD$260。原本係官網見到個價錢都覺得太貴,後期SEND E MAIL過去問,原來佢住客係有平D既價錢,所以我直接叫佢幫我訂埋。船上面包咗一餐LUNCH (半份三文治,半分雞肉卷,一個朱古力MUFFIN,一包餅乾同埋一粒糖),船上面有水同埋熱茶可以斟。

坐船大約45分鐘就已到海中心,好快就已經見到鯨魚,量數都算多

返到碼頭大約3點鐘,仲趕得切去滑沙,我就幫老公同個女訂咗3:15分果part,佢地搭車去滑沙,我就去攞房。到6點鐘就出返去碼頭餵海豚,其實海豚島都幾凍,我著短褲預咗落水都唔係好頂得住,佢側邊有得租防水衣,每件aud $15,小朋友太細就無得租。佢分咗英文講解同國語講解,咁等你容易明白要點做,每人都可以餵一次,但唔可以摸佢。基本上自己餵係影唔到相,所以最後我都要幫佢買返張做紀念。

私人傳訊

stepchk

珊瑚宮

積分: 107404

發表於 17-8-29 10:31 |顯示全部帖子

本帖最後由 stepchk 於 17-8-29 11:18 編輯

DAY 7
出返碼頭之後就落黃金海岸,去之前我就去睇咗螢火虫先,因為價錢同埋地點關係,我揀咗Glow Worm Caves,入場費成人aud $12, child aud$6。佢每半個鐘就會有一個團出發講解,之前有參加團去過澳洲睇藍光蟲,今次再睇覺得有少少失望,因為今次就咁入一個山洞,落去有少少人工化,同埋今次見到係綠色光,同我以前睇既有出入。

私人傳訊

stepchk

珊瑚宮

積分: 107404

發表於 17-8-29 10:39 |顯示全部帖子

本帖最後由 stepchk 於 17-8-29 10:50 編輯

我係黃金海岸就揀咗CIRCLE ON CAVILL, 今次係holiday holiday訂既, 41樓, 2房2浴室,5晚價錢係$4567.5 (適逢佢做緊promotion),包埋一個停車位。廚房用具好齊,包咗二小包洗潔精, 二小包洗衣液,幾卷廁紙, 有齊乾衣機洗衣機, 有幾條大浴巾係房度,焗爐有幾張剪好咗既錫紙俾你用,仲有一個微波爐。係holiday訂既房唔會有人執屋, 佢有垃圾筒,如果諗住煮野食就最好帶多幾個垃圾袋,掉垃圾都好方便,係lift口隔離就有垃圾房。臨走一定要執走晒所有垃圾,否則佢會收你清潔費。屋內有一間幾大既房仔,可以掛下衫同埋放下喼,佢有埋一個dyson吸塵機俾你用,吸力一流。holiday holiday既office係隔離商場既1樓,其實都唔離搵,如果check out係過咗office hour,佢有二個選擇俾你揀,一係早一日留返一條鎖匙俾佢,另一條走既時候可以放係廚房。第二個選擇係去返佢office門口個箱度,放返低就走人。

樓下有個細型公園,好多小朋友玩到唔想走

樓下都有好多食野既地方,仲有一間食中式既餐廳,叉燒飯係幾好味

私人傳訊

stepchk

珊瑚宮

積分: 107404

發表於 17-8-29 10:54 |顯示全部帖子

本帖最後由 stepchk 於 17-8-29 10:55 編輯

夜晚我就係吃喝玩樂訂咗澳野奇觀演出門票連3道菜晚餐(開餐後酒水任飲),2大2小 HKD$1536, 其實呢個表演主要係講澳洲以前既歷史,對我地同小朋友黎講有少少悶, 但無可否認,呢d表演係特別既。

私人傳訊

stepchk

珊瑚宮

積分: 107404

發表於 17-8-29 11:05 |顯示全部帖子

本帖最後由 stepchk 於 17-8-29 11:18 編輯

DAY 8
淨係安排咗去Currumbin wildlife 門票係上機前見到 KLOOK有特價,所以係KLOOK買咗,成人HKD$143,小鐘HKD$125。好方便,就咁印咗出黎就可以係COUNTER換票。如果抱樹熊影相就AUD$25一張,加多二個匙扣就AUD$30。裡面除咗睇樹熊仲有其他表演,好似BIRD SHOW, CROCODILE SHOW。有興趣仲可以買糧餵袋鼠,不過佢地俾人養到懶晒,唔多願食,反而隻鴕鳥仲熱情好多。

其後見有時間,去咗Robina Town Centre望一望,但係無野啱買就走人喇。

私人傳訊

stepchk

珊瑚宮

積分: 107404

發表於 17-8-29 11:14 |顯示全部帖子

本帖最後由 stepchk 於 17-8-29 11:19 編輯

DAY 9

今日去咗DREAM WORLD,因為有老人家,所以淨係揀咗呢個玩,佢裡面都有部份刺激既遊戲,大女就玩到唔捨得走。門票係吃喝玩樂買,2大2小 HKD$1332。

公仔表演都好受小朋友歡迎

TIGER ISLAND其實無咩野睇,得一個SHOW

夜晚我去咗Surfers Paradise Marriott Resort & Spa食BUFFET, 我網上面見到佢星期一至四都會有個20AUD OFF/ADULT DISCOUNT,即係AUD$79再減20,計起都係港幣三百幾蚊,小朋友半價,所以去試一試。品質一般,選擇唔會好似香港咁多,蠔就超細隻。

私人傳訊

stepchk

珊瑚宮

積分: 107404

發表於 17-8-29 11:24 |顯示全部帖子

本帖最後由 stepchk 於 17-8-29 11:28 編輯

DAY 10今日就係吃喝玩樂度JOIN咗澳萊麗熱帶雨林和雷明頓國家公園一日遊, 佢係我地APARTMENT對面接我地,包咗一個午餐,導遊&司機係同一人,佢帶我地係一個小鎮休息咗一陣,之後就講解一下樹木呀,雀鳥呀。2大2小價錢約HKD$2178。

夜晚我地去咗NIGHT MARKET行咗陣,NIGHT MARKET只會係星期三、五、日先會有。

私人傳訊

stepchk

珊瑚宮

積分: 107404

發表於 17-8-29 11:40 |顯示全部帖子

DAY 11我就去咗Harbour Town Outlet行咗半日,都買咗對UGG,比起香港真係平咗好多。

DAY 12就搭返10:50既澳洲航空返香港lu....

租車方面,我係布里斯本租east coast, 到步後佢會有shuttle bus接你去centre攞車,車程都係5分鐘到。我又係租咗架8人車,但佢d車就無avis咁新淨。租車連保險、gps、car seat、extra driver一共aud$804。佢有toll fee,但邊度收咗,同埋幾錢,我地即時唔會知,還車時先會俾返張單你,但toll fee會直接係我地既信用咭度扣除。

係黃金海岸,我地唔係日日煮飯食,因為行程都好累,其實係超巿買二塊牛扒都係aud$16,又有牛肉味,真係超超超抵食。買手信期間我同舖頭既職員傾開計,佢介紹咗一間意大利餐廳,食牛扒真係唔錯,一塊就約港幣二百幾蚊到啦,咁質素係好食既,有興趣可以去試下。

私人傳訊

3btsoi

男爵府

積分: 9930

發表於 17-8-29 11:56 |顯示全部帖子

回覆樓主:

正。。。好長細既資料

多謝

私人傳訊

stepchk

珊瑚宮

積分: 107404

發表於 17-8-29 12:13 |顯示全部帖子

回覆 3btsoi 的帖子

多謝你

私人傳訊

3btsoi

男爵府

積分: 9930

發表於 17-8-29 12:34 |顯示全部帖子

回覆樓主:

請問樓主，澳航個promotion 包一程內陸機好抵呀，你係咪官網book?你果時幾月book. 我下次去想坐直航

私人傳訊

stepchk

珊瑚宮

積分: 107404

發表於 17-8-29 12:49 |顯示全部帖子

本帖最後由 stepchk 於 17-8-29 12:50 編輯

回覆 3btsoi 的帖子

機票咪成日都話有減價既,咁佢第一野推出果時我咪訂囉,我搵agent幫我做既,費事煩啫。我訂果時都係舊年7月。都唔係叫包一程內陸機,都係逐程咁計,因為機票平,所以3程機先咁平

私人傳訊

TKTL

男爵府

積分: 6324

發表於 17-8-29 12:57 |顯示全部帖子

Thanks for sharing

點評

stepchk

發表於 17-8-29 13:33

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章