酒店早餐係自助的,有蛋,腸,三文魚,鯖魚,芝士長通粉,炒面,面包,飯,湯,有個冷盤,果汁兩款,冷熱茶咖啡,食到10點,但D食物食完唔會補充,我上次有兩次9點半先去食,D長通粉炒面得番非常少,地方唔大有20個位左右不過人好少,早餐不用先訂,你可以當日早上去到check in counter 先買,你可以先去睇下D野食啱唔啱先買票,你可以食第一日,之後你行下地下街或附近有咩啱食出面地下街有兩三間日式cafe都有早餐食,都系果D多士蛋咖啡,其它有蛋糕店面包店,如果有小朋友係酒店食會抵D,好似6歲以下免費,因為我個小朋友5歲所以免費,計起上來同出去食差唔多
附近冇發現有超市,只有便利店行3分鐘左右,便利店都有早餐野食買