跳至

首頁
12

尾頁
   5


大宅

積分: 1994


發表於 17-9-7 17:46 |顯示全部帖子

大家好, 我想請問有關報讀state school的問題.

我先生是British by decent, 我和小朋友將會申請settlementvisa, 然後全家一齊搬去英國. 想幫小朋友報讀明年的stateschool 的reception year, 但截止申請日期是2018年1月15日.

請問如暫時未成功申請到settlement visa, 我們可否用空租的單位住址報stateschool先呢? 還是我們必須要有settlementvisa並在那區居住然後才可以報名?

唔該曬.


子爵府

積分: 12688


發表於 17-9-7 23:05 |顯示全部帖子
Poohe 發表於 17-9-7 17:46
大家好, 我想請問有關報讀state school的問題. 我先生是British by decent, 我和小朋友將會申請settlementv ...

以我所知淨係得地址係報唔到學校既,要小朋友到埗先可以報 state school既。另外唔同council又有唔同做法,相信你小朋友要拎咗 settlement visa同埋過到英國先可以揾council 安排學校。希望幫到你少少。


大宅

積分: 1994


發表於 17-9-8 14:26 |顯示全部帖子
回覆 ironmanmama 的帖子

知道, 唔該曬


大宅

積分: 1283


發表於 17-9-9 05:47 |顯示全部帖子
本帖最後由 samkee 於 17-9-9 05:48 編輯
Poohe 發表於 17-9-7 17:46
大家好, 我想請問有關報讀state school的問題. 我先生是British by decent, 我和小朋友將會申請settlementv ...

你所說的日字係下學年派位的截止日期,但你未來到居住應該不能報名的。不過你如已安排居住地方,那地址有個postocde, 你可查到所屬 council,那直接打電話或電話過去問會仲好。

查所屬council可用呢個網止:

https://www.gov.uk/find-local-council

有兩個council的,學校應去county council網站,有education一欄,你可以話你個情況問下佢點申請。一般來說,你到步會按學校有無學額再安排,詳情最好問所屬council最好。


大宅

積分: 1994


發表於 17-9-9 12:38 |顯示全部帖子
samkee 發表於 17-9-9 05:47
你所說的日字係下學年派位的截止日期,但你未來到居住應該不能報名的。不過你如已安排居住地方,那地址有 ...
多謝你的資料。我email問緊council, 等覆。
而家想搵agent 即刻搞個visa, 希望趕得切deadline前去到報名,先有機會入到最鍾意嘅學校。
但我睇其他post,加快都要兩個月,請問你地幾耐先申請到呢?
同埋想問下你地用過嘅agent大概幾錢?包咩呢?
唔該曬


大宅

積分: 1283


發表於 17-9-10 03:46 |顯示全部帖子
本帖最後由 samkee 於 17-9-10 03:50 編輯

睇呢度最近申請的,做快證都要等個幾月先有結果。不過過左最近呢批學生簽證,應該有些改善吧。

咁用AGENT通常都係包跟晒個程序,提你要交乜資料及教你填及申請手續吧。最緊要係問係咪包成功先付全數,萬一不成成是不是全數退款或收部份費用。我無找AGENT,等其他有用的再答。

找不找AGENT或自己搞都好,都自己睇一次個程序先。你先最清楚你有乜資料去提供嚟申請。
https://www.gov.uk/uk-family-visa

你老公係英藉,另外仲有個財務要求,你要查下係點去符合。一般係工作,儲蓄之類。儲蓄要銀行月結單正本,無又要去銀行申請。另外英文資格要查是否符合,仲有要安排照肺等,正常準備資料及安排有關證明都要2-3個月時間,再計申請及等,現在起計得番三個幾月時間,如乜都未開始就真係幾趕下,要快手。


大宅

積分: 1994


發表於 17-9-12 09:22 |顯示全部帖子
samkee 發表於 17-9-10 03:46
睇呢度最近申請的,做快證都要等個幾月先有結果。不過過左最近呢批學生簽證,應該有些改善吧。

咁用AGENT ...

好多謝你的詳細資料.
我真係咩都未準備, 唔知趕唔趕到


大宅

積分: 1283


發表於 17-9-12 10:33 |顯示全部帖子
本帖最後由 samkee 於 17-9-12 10:37 編輯
Poohe 發表於 17-9-12 09:22
好多謝你的詳細資料.
我真係咩都未準備, 唔知趕唔趕到

所以我話真係好趕。咁睇定準備定資料吧。
你老公係英藉,基本上係符合到個財務要求,交的資料又足夠就無乜問題。如果有足夠現金儲蓄,咁只需用cash saving去符合個財務要求,咁你唔需要交工作及其他收入來源資料,這樣就較簡單方法,你可考慮。

另外,剛剛11/9 已開始了2018/19年度學校申請,reception 係28/9先開始報名,不過都已更新左資料,你可以查到catchment school,同埋地區內每間學校的資料及收生優先順序條件,你可做定功課先。

另外,雖然15/1/2018截止報名,但也接受遲交,要解釋原因。萬一遲左都可以問下及交表。


大宅

積分: 1994


發表於 17-9-15 12:17 |顯示全部帖子
回覆 samkee 的帖子

多謝你咁用心解答同提點.


男爵府

積分: 9119


發表於 18-3-20 21:09 |顯示全部帖子
samkee 發表於 17-9-12 10:33
所以我話真係好趕。咁睇定準備定資料吧。
你老公係英藉,基本上係符合到個財務要求,交的資料又足夠就無乜 ...

我都有小學問題想問問...
我兩個小朋友,下年 8 月,
一個滿 4 歲,一個滿 6 歲。
我想下年 9 月先正式開學,
讀 Reception 同 Year 2。
如果下年幼稚園學期完結,
7 月尾先過去申請,會太遲嗎?


大宅

積分: 1283


發表於 18-3-21 00:00 |顯示全部帖子
KLDC 發表於 18-3-20 21:09
我都有小學問題想問問...
我兩個小朋友,下年 8 月,
一個滿 4 歲,一個滿 6 歲。

正式派位係早一年申請
但你可以聯絡council 到時會安排去有位的學校


大宅

積分: 1429


發表於 18-3-24 19:04 |顯示全部帖子
KLDC 發表於 18-3-20 21:09
我都有小學問題想問問...
我兩個小朋友,下年 8 月,
一個滿 4 歲,一個滿 6 歲。

除了聯絡council,你亦可以個別聯絡學校查詢學位,有時council資料未必update.


男爵府

積分: 9119


發表於 18-9-5 22:40 |顯示全部帖子
samkee 發表於 18-3-21 00:00
正式派位係早一年申請
但你可以聯絡council 到時會安排去有位的學校

請問如果 5-6 月到英國拿了 BRP,
可否待 9 月先開學?
如果暫時唔申請學校,
Council 會否知道,
強制小朋友插班番學?

如果學期尾先插班,冇耐又暑假,
對小朋友融入來說,是好是壞


複式洋房

積分: 211


發表於 18-9-6 13:17 |顯示全部帖子
好多時 大家 都好趕, 但準備文件, 前期planning 到入紙申請 等批 起碼 係一個18個月(至少) 既 process. 浄係填 application form 同 appendix 2 都至少用你幾個星期 drat, review, draft review etc....

Anyway, assume 你地知 catchment area etc 呢D Basic 野先, 所以不再提.

你地落腳既 county council 一定有自己 website, 內裡有齊讀書申請.

如插班, search in-year application. 但記住呢個申請吾一定俾 1st preference 你. 尢其中學 year 7 開始插入.

如由小學入, 入到 Preference 機會大D.

以上仲未計 “想”入 “outstanding” 或 “good” 既 state school.

另外, council 一定要睇 小朋友settlement status. 無 settlement status, 佢哋吾會 entertain 你. Either 好 or 吾好 既 state school.

當然, 每個 county council 都有吾同申請細則.
My advice, go to check out from from your county website.

And good luck for your visa application.

Better planning ahead. :8)


複式洋房

積分: 211


發表於 18-9-6 15:37 |顯示全部帖子
回覆 KLDC 的帖子

兩個小朋友一個四一個六, 你驚佢地螎入吾到?..... ctse 你真係諗多左同 undermine 小朋友既螎入速度.
你想 下年5/6月攞到 BRP即到埗英國.... 即最遲要下年3月頭要入紙. 淨係financial requirement 即 bank statement 要由依家即 2018年8月開始儲起做 evidence. Assume ctse 你彈药已充足. 只等 accommodation evidence, 咁你真係要諗下點解決. 同快.

Anyway, 小弟想講既係, 你應該用一百巴仙精神諗點樣係㓿下既五或六個月 create evidence 仲好啦.

小朋友螎入吾到未係呢一步.

另, 小弟多嘴問句, 贊助人(老公, 我估) 係未先小朋友前有無係英國連續住多過三年?



男爵府

積分: 9119


發表於 18-9-8 02:13 |顯示全部帖子
Uxbridge219 發表於 18-9-6 15:37
回覆 KLDC 的帖子

兩個小朋友一個四一個六, 你驚佢地螎入吾到?..... ctse 你真係諗多左同 undermine 小朋 ...

本帖最後由 KLDC 於 18-9-8 02:17 編輯

多謝你咁詳細嘅回復同提醒!

贊助人(老公, 我估) 係未先小朋友前有無係英國連續住多過三年?
冇㗎!香港出世的。

今日問過 agent,提過我哋嘅情況,
如已考英文試,又有肺 Test,
一路有足夠現金喺戶口半年以上,
亦有齊你所提及嘅三份 copies,
佢話預 3~4 星期去準備文件申請。

心水學校都有研究,
選 Under subscribed Good Schools,
都 email 問過吓 councils,
都知道插班,會喺幾時開學。

請問你提到 create evidence,
除了住宿安排,有冇其他要注意?


大宅

積分: 1283


發表於 18-9-8 17:41 |顯示全部帖子
本帖最後由 samkee 於 18-9-8 18:04 編輯
KLDC 發表於 18-9-8 02:13
本帖最後由 KLDC 於 18-9-8 02:17 編輯

多謝你咁詳細嘅回復同提醒!

佢所指應係你要在申請前準備好晒D 資料。

睇清楚呢份文件。

https://assets.publishing.service.gov.uk/government/uploads/system/uploads/attachment_data/file/636618/Appendix_FM_1_7_Financial_Requirement_Final.pdf

如你係用cash saving做申請咁係最簡單,一定要申請前6個月戶口內要有足夠所需現金,要注意係現金,股票唔計,而且要注意係唔可以有某段時間係少過該數目。要準備6個月的銀行月結單,要銀行正本,ebanking自己print係唔接受。 (如遲左轉收正本,可以俾錢銀行出番)同埋計定你收月結單日期同你申請日期,最尾果份月結單結算日可以係申請日前1個月內便可,咁所以預鬆D 查實係你申請前6-7個月內要有足夠現金證明要準備。
你知清楚cash saving 的現金要求嗎? 如你老公係贊助人,申請你及兩個小朋友.
個公式係 £24800 (1大2小)x 2.5yrs +£16000 = £78000
cash saving 係可以計你夫婦二人戶口內的現金,如方便,儘量撥晒D 錢去各自的一個私人戶口或聯名戶口,咁就唔駛俾咁多statments.

現金唔一定係英鎊,可以係其他貨幣,以www.oanda.com顯示的匯價為準。要簡單D,你可以附註一頁summary, 簡單用圖表計算6個月頭及尾,提交的銀行戶口資料的金額及換算,及列出總數符合金額要求,咁方便個官睇。(曾經聽有個網友話個官睇錯佢月結單資料,以為佢唔夠錢reject, 要上訴先搞掂,但咁就浪費時間要等又擔心,所以月結單資料儘量簡單,及有個列表清晰交代,個官睇唔睇都唔知,但有好過無)

除咗財務,另一個證明係relationship. 如果你們一家人係同住,查實就好簡單。簡單整個時序,幾時相織結婚,及準備不同時期的相片及文件。太耐的唔駛咁多,有幾張相就可,但重要時刻如結婚就有多幾張相,有擺酒成村人合照又有咁,小朋友出世一起合照咁。近5-10年的可以多少少相,成家人合照。相片唔駛太多,以可以簡單交代不同時期一家人一起便可。
文件也一樣,要證明同住,水電費,保險,稅單之類,顯示兩人係同住,唔單只係俾近期,要近5-10年, 要唔同時期也提供才能交待係一起居住生活。 結婚證書,小朋友出世紙等文件都要。

準備以上文件,都已要有一定部署及搜集整理。

仲有,以上有提及個申請日期,呢個係指你交申請費的日期。唔係計提供網上表格日或交證明文件日期,係以你交申請費為準。










大宅

積分: 1283


發表於 18-9-8 17:56 |顯示全部帖子
KLDC 發表於 18-9-8 02:13
本帖最後由 KLDC 於 18-9-8 02:17 編輯

多謝你咁詳細嘅回復同提醒!

另外,照肺要睇清楚個有效時效,太早照係無用的,因個TB test 有效期只有6個月,所以係你申請日期前6個月內做先有效。但有唔好太遲做,因如照得唔清楚又要再照多次的。同埋要到認可的機構做。

https://www.gov.uk/tb-test-visa


大宅

積分: 1283


發表於 18-9-8 18:46 |顯示全部帖子
本帖最後由 samkee 於 18-9-8 18:46 編輯

最後一樣野係個travel date.

申請時要填個intended travel date, 呢個係你預幾時過去,個官亦會以此批個臨時VISA俾你入境。

要注意係個travel date 係你申請日起計3個月內。(曾經有網友話而家轉為為6個月,但我睇番UK資料都係寫3個月,如你找agent做咁你問清楚係travel date 3個月定6個月前可申請)

通常個官係以你填的intended travel date 為準,批個臨時visa的生效日期的,生效後30天內你一定要入境及去郵局拿身份證BRP。 不過有時會係批早或遲咗,所以你都要預有機會要早或遲入境,要生效日起30天內入境。


複式洋房

積分: 211


發表於 18-9-8 23:28 |顯示全部帖子
回覆 samkee 的帖子

Intended travel date 係6個月內. 可100% confirmed.
Vfs hk 冇 update 呢個資料.


首頁
12

尾頁

跳至