吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 女家同老公企響自己嗰邊的重要性, 令我有好深體會 ...

婆媳關係今日: 0|主題: 27693

收藏本版

發帖

返回列表

跳至頁

查看: 89493 | 回覆: 183

女家同老公企響自己嗰邊的重要性, 令我有好深體會

12 3 4 5...10

138

MAYCHOW123

複式洋房

積分: 354

發表於 17-9-30 11:31 |顯示全部帖子

如題, 我同老公新婚5個月, 由拍拖到結婚所遇到的問題, 可謂光怪陸離之極, 感恩老公同我女家所有人都係同一陣線, 一齊抗衡荒誕的男家, 亦因為自己性格一向警覺性高, 亦逃離左一次差點被男家人迫玩"閉門一家親"的荒誕事件, 故事有些長, 需要慢慢打, 希望大家唔好介意.

私人傳訊

sweetiesbear

禁止訪問

積分: 3138

發表於 17-9-30 11:33 |顯示全部帖子

提示: 作者被禁止或刪除內容自動屏蔽

私人傳訊

MAYCHOW123

複式洋房

積分: 354

發表於 17-9-30 11:46 |顯示全部帖子

<故事主要人物介紹>

-女家人物-

我: 30頭OFFICE女仔, 是家中獨女
老公: 30頭OFFICE男仔, 家中大仔, 為人純品正直, 較直腸直肚
我媽媽: 60+, 斯文, 慈母類型, 經常都話"算啦, 人地都唔想"
我爸爸: 60+, 較直腸直肚, 性格和我相似, 敢言剛烈

-男家人物-

奶奶: 極度迷信50+, 有工作, 學歷低, 喜歡管教和偷睇人地的物品, 經常黑口黑面
老爺: 50+, 非常沉默, 但眼神看出不停盤算著別人
細佬: 目中無人, 旁人都是透明的
大舅父(奶奶阿哥): 家中最有話事權的人

故事由去年我識我老公開始... ...

私人傳訊

MAYCHOW123

複式洋房

積分: 354

發表於 17-9-30 11:56 |顯示全部帖子

第一部份: 我和我老公相織

我和老公是去年7月份開始拍拖, 大家感覺非常情投意合, 所以好快已經諗不如快D結婚, 我屋企人都好鍾意我老公, 覺得佢好乖, 首先係我老公見哂我D屋企人, 之後我老公安排我去見佢屋企人, 但從字裡行間中我感覺我老公對自己屋企唔係太有感情, 比較奇怪, 我開始問你家庭生活係點, 就開始左我對佢屋企的認識.

私人傳訊

MAYCHOW123

複式洋房

積分: 354

發表於 17-9-30 12:20 |顯示全部帖子

第二部份: 老公的成長生活

有一次(婚前)我參與老公的家庭聚會, 事後我問老公, 你阿媽係咪偏心你細佬? 老公話你點會知? 我話頭先食飯前, 你阿媽見我地都無咩反應, 你細佬一來, 即刻"我細仔呢!我細仔呢!係咪到左喇, 即刻拎碗湯比我細仔飲先" 我話咁明顥, 係人都睇得出啦.

老公話係, 佢阿媽由細到大都好偏心個細仔, 節錄一d大的事例:

-細個我老公正在玩的玩具, 佢細佬走來話要, 我老公唔肯, 佢阿媽必定打我老公一身之後俾件玩具細佬

-細個有玩具需要用工具開, 老公問佢阿媽拿工具, 一定俾阿媽打, 話整爛d野令細佬無得玩

-中學期間F,7, 佢阿媽同我老公講, 讀唔到上大學唔好諗住會俾錢你重讀, 好自己出去搵野做, 但佢細佬係repeat左2年(老公同細佬年紀差一年)

-老公讀大學需要自己問政府借錢交學費, 細佬讀大學屋企同佢俾哂學費

-老公住宿舍期間, 有一日放假返屋企發覺自己間房同細佬間房調轉左, 佢問佢阿媽, 佢名媽話"你細佬間房有個病位, 要俾間好房細佬訓, 你去訓病位"

仲有好多其他令人感覺討厭的事, 老公感覺由細到大在家中都沒有存在感.

到我第一次見佢家人, 除左O咀之外, 都沒有其他形容... ...

私人傳訊

桃花島

大宅

積分: 1474

發表於 17-9-30 12:34 |顯示全部帖子

MAYCHOW123 發表於 17-9-30 12:20
第二部份: 老公的成長生活

有一次(婚前)我參與老公的家庭聚會, 事後我問老公, 你阿媽係咪偏心你細佬? 老公 ...

留毛，故事跟我老公差唔多呀…

私人傳訊

fungwongphie

珍珠宮

積分: 46747

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

發表於 17-9-30 12:46 |顯示全部帖子

MAYCHOW123 發表於 17-9-30 11:31
如題, 我同老公新婚5個月, 由拍拖到結婚所遇到的問題, 可謂光怪陸離之極, 感恩老公同我女家所有人都係同一 ...

嘩，咁驚

閉門一家親喎，真係有親咩同男家其他人

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

yanwendy

大宅

積分: 1305

發表於 17-9-30 12:50 |顯示全部帖子

MAYCHOW123 發表於 17-9-30 12:20
第二部份: 老公的成長生活

有一次(婚前)我參與老公的家庭聚會, 事後我問老公, 你阿媽係咪偏心你細佬? 老公 ...

我c6同你c6經歷差唔多。
佢系細仔
影響佢心靈都好大。比較偏激。
我成日都同佢講你爸媽對你唔好冇所謂的。你都咁大個唔使依靠佢，有我同個囡鍚，我同你捱。希望佢放下。

私人傳訊

MAYCHOW123

複式洋房

積分: 354

發表於 17-9-30 13:00 |顯示全部帖子

第三部份: 第一次見老公的父母

大約係去年9月左右, 老公安排我同佢父母食飯, 有一件事, 你老公事後同我講返, 老公話同佢阿媽講話食飯之前首先話自己拍拖, 佢阿媽第一句問, 個女仔幾大, 老公話33(當時我老公28), 佢阿媽話:你自己認真考慮清楚好唔好同呢個女仔繼續啦!

我老公話:我同得佢一齊, 就已經諗清晨, 唔駛再考慮!
(曾經我地一直以為佢阿媽係因為我大過佢個仔唔鐘意我, 後尾發現根本同年紀無關)

食飯當日我專登去一田買左個日本蜜瓜做見面禮, 到食飯第一次同佢阿媽阿爸, 佢阿媽塊面都幾黑, 黑口黑面個黑, 我都保持一貫禮貌送個蜜瓜俾佢阿媽, 但佢媽係第一時間打個個袋睇個價錢牌幾錢, 我都O左咀, 扮無野照食飯, 佢阿爸好少出聲, 佢阿媽開始問野,

佢阿媽: 你阿媽做咩架?
我: 我媽咪你家庭主婦, 由細到大照顧我.
佢阿媽: 哦... ....咁即刻無野做啦!
我: 做家庭主婦都好忙架, 親子關係又會好d
佢阿媽:(一個恥笑的笑)
佢阿媽: 咁你阿爸做咩架?
我: 爸爸做司機的.
佢阿媽:哦.....係呀(又係一個恥笑的笑)

咁之後餐飯好快食完, 我笑笑口bye bye, 之後我老公問我: 我阿媽係咪好失禮, 我話sure la, 老公話佢地不嬲係咁, 講野永遠要踩人, 去酒樓連人地隔離檯d牙籤都要拎埋走, 唔講真係以為老公屋企好有錢, 其實奶奶做老人院送飯, 老爺做控制室,

真正的角力由我地話要結婚開始... ...

私人傳訊

MAYCHOW123

複式洋房

積分: 354

發表於 17-9-30 13:15 |顯示全部帖子

第四部份: 計劃結婚

老公對我好好, 佢成日話由細到大都唔開心, 識左我, 我會照顧佢, 佢覺得有人錫好warm, 所以好快我地計劃結婚, 我都知比較快, 不過係搵得啱, 識左幾耐唔係問題, 我父母開頭都1516, 不過見我老公咁好仔, 所以都好贊成, 咁除左結婚, 住都係一個問題, 我見我老公屋企有一楝村屋, 有2層+1個已潛建的天台, 我同老公提議不如同你屋企講租天台嗰層啦, 咁老公就問佢阿媽,

老公: 我想同阿May結婚, 可唔可以住天台嗰層?

佢阿媽: 結咩婚呀!你結婚唔該你自己出去買樓, 仲有呀, 唔好諗住結婚屋企會幫你, 你自己搞掂佢.

老公:我仲還緊政府學費, 講真邊有咁多錢儲到買樓, 你天台都無人住.

佢阿媽: 係你自己要讀大學, 我無迫你架!

就係咁, 我老公喊到凌晨四點, 佢覺得由細到大係唔開心, 但從來無諗過自己屋企人咁絕... ...

好彩有個話到事的靈魂人物出來幫我地... ...

私人傳訊