吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 女家同老公企響自己嗰邊的重要性, 令我有好深體會 ...

婆媳關係今日: 0|主題: 27693

收藏本版

發帖

返回列表

跳至頁

樓主: MAYCHOW123

女家同老公企響自己嗰邊的重要性, 令我有好深體會

2 345 6...10

積分: 458

61^#

發表於 17-10-3 16:34 |只看該作者

MAYCHOW123 發表於 17-10-3 16:16
第十一部份: 過大禮後已按捺不住

一邊籌備結婚, 一邊佈置新居, 其實都好倦, 到左要過大禮的日子, 我屋企本 ...

講到好似鬼故咁:mother:

私人傳訊

MAYCHOW123

複式洋房

積分: 354

62^#

發表於 17-10-3 16:38 |只看該作者

第十二部份: 只差一點點的風化案

過完大禮的第二日, 我老公大約9點出左門口, 我就10點左右出, 屋企得我一個, 自己一個習慣著住底褲喺屋企周圍走, 去緊厠所的期間, 聽到門口電子鎖開門聲" do.do.do.do", 心諗老公漏左野返嚟拎, 因為我落左防盜鎖, 開到電子鎖, 仲有防盜鎖, 我聽到不停撞擊防盜鎖的聲, 好大力, 我好大聲話"嚟緊喇, 嚟緊喇, 又咁大頭蝦漏野"我當時穿住半條底褲跑出去, 防盜鎖要關返埋個門先開到,

因我未著好褲, 我門左少少門先, 我一開門見到的竟然係我老公阿爸, 手拎住鎖匙咭, 佢一見到我, 即刻好大力要推開度門要入嚟, 我用盡畢生奶力一下嘭返埋個門, 之後9秒9落哂所有鎖, 門出面仲不停大力拍打個門,

我亂到唔知點好, 突然諗, 點解佢爸會有匙咭, 我即刻打俾我老公,好嬲咁問佢,

我(好激動):點解你要俾鎖匙咭你屋企, 講好左唔俾, 我地唔好結婚喇?!

老公: 我無呀!

我:我差d俾人強姦喇!

老公:我即刻返嚟

老公返嚟途中打俾佢爸, 佢爸承認係換鎖嗰日偷左2張鎖匙咭, 本身跟8張, 佢拎左2張, 我地都無為意, 因為我同我老公另外有2個鎖匙扣匙咭,

發生左呢件事, 我父母超緊張, 佢地知我處理事務能力高, 但宜家係長輩企出嚟的時間.

私人傳訊

poyilam

別墅

積分: 930

63^#

發表於 17-10-3 16:46 |只看該作者

MAYCHOW123 發表於 17-10-3 16:38
第十二部份: 只差一點點的風化案

過完大禮的第二日, 我老公大約9點出左門口, 我就10點左右出, 屋企得我一 ...

咁恐怖

私人傳訊

MAYCHOW123

複式洋房

積分: 354

64^#

發表於 17-10-3 16:50 |只看該作者

第十三部份: 醜惡一面盡現

大舅父知道左呢件咁嚴重的事後, 馬上約老公阿爸同我父母出嚟, 我都在場, 老公阿爸嗰種漫不經心的態度話:

老公阿爸(散漫態度): 鎖匙咭係我個仔俾我的, 佢仲叫我多d上嚟tim

老公(超激動): 我無, 我無呀, 係你偷

老公阿爸(散漫態度): 係你俾我架, 你驚阿may唔鐘意唔認之嘛

老公(超激動): 我無!!!

老公阿爸(散漫態度對住我): 我真係唔知做左d咩你咁開心囉!

我即刻拉左我老公走, 我老公攬住我喊, 話佢自己無留心, 先俾佢爸借d易偷左2張鎖匙咭, 佢好內疚,

當刻我覺得自己能夠無事, 就要諗計逃離嗰個地方... ...

私人傳訊

littleyan

男爵府

積分: 6154

65^#

發表於 17-10-3 16:57 |只看該作者

依家完全唔係婆媳既問題! 既然你老公講到佢屋企人咁恐怖, 你仲敢搞結婚同住係人地天台! 依家你地除咗馬上搬無其它方法!

私人傳訊

noming

大宅

積分: 2659

66^#

發表於 17-10-3 17:15 |只看該作者

搬啦, 以後都唔好見面

私人傳訊

MAYCHOW123

複式洋房

積分: 354

67^#

發表於 17-10-3 17:26 |只看該作者

第十四部份: 斷絕關係

我地有好多私人物品, 所以需要諗方法, 有諗過報警, 不過無證據, 老公阿爸除左事發當日承認自己偷鎖匙咭, 之後就好快改口話係我老公俾佢, 講真, 我老公由細到大都無私隱, 宜家可以有自己地方, 仲會比鎖匙你?!

最後我地用左5日: Call搬屋公司, 搵租盤, 簽租約, 搬走埋

我地搬走嗰日係星期六, 佢父母都係晚上返嚟先見到天台吉哂, 佢地諗住有人同佢整靚間屋之後趕人走同玩"閉門一家親"的詭計已經幻滅,

大家放心, 事發已經半年多, 我同老公已經搬走左好耐, 結埋婚, 宜家生活得好開心, 我老公成日都笑, 個人relax左好多,
佢同佢父母斷絕左關係, 或者咁講, 佢父母一次都無再搵自己個仔, 都好嘅, 我地結婚, 男家一個仙都無出過, 我地都唔駛招呼佢地,

我標題係"女家同老公企響自己嗰邊的重要性, 令我有好深體會"
今次我老公, 同我女家所有親戚全部企喺我地嗰邊, 我地結婚, 佢父母做樣話請食飯, 我地女家無一個人so佢地, 所以自己有女女的, 第時都會做人地新抱, 自己個女受委屈, 女家一定要企出嚟幫, 唔好講咩嫁左就係男家嘅人, 好好睇睇啦, 做人新抱係咁架喇, 我今次有好深體會, 女家團結的重要性.

多謝咁多位, 睇到呢度, 感謝.

私人傳訊