本帖最後由 小寶貝兒 於 17-10-25 14:52 編輯
之前寫左一篇 傳送門冇乜回響, 不過唔緊要, 因為今年我地再JOIN時佢地話多左香港人報名, 咁即係對大家都有D用, 都好呀~
今年暑假, 我囡6歲半啦, 可以參加多D活動, 加上今次我地STAY係台北一個月, 又因為我要做IVF, 我會成日去睇醫生, 以及唔可以行太多地方, 所以就幫佢報左3個夏令營~
1. Helen O'Grady Drama (5天全日 9am-4pm)
2. 師大小大師烘焙班 (5天半日, 9am-12pm)
3. 如果兒童劇團 (5天半日, 9am-12pm)
(以上以我囡鐘意度來排名)
先講1, Drama係全英語, 岩晒我囡呢D偽鬼妹, 佢一去到就好開心, 因為係由2個NET教的, 而果2個NET其實都識得中文(普通話), D小朋友玩得好開心, 夠鐘都唔捨得走, 每日仲會畫face painting, 自己整最後表演drama時的衣著(披肩), 裝飾, 小道具等等, 我覺得佢地教得幾好, 係鼓勵佢地, 就算有D英文不太好, 甚至其中一個小朋友係自閉, 大家都可以玩得好開心, 我囡話下年一定要再JOIN, 之後上烘焙班完成的甜品佢仲特登拎返去請老師食, 可想而知佢幾鐘意呢度~
2, 烘焙班, 又係好開心, 佢一直都想學煮野食, 但我覺得用火太危險, 不用火其實又不太多選擇, 呢個烘焙班有人睇住又準備好D材料唔洗我煩, 加上唔貴, 真係岩晒我心水~
我起初以為係整PIZZA就老師整好麵團, 切好晒D材料, 小朋友只係整平再放材料及放入焗爐就OK, 點知原來唔係, 真係由麵粉開始由頭整起, 要自己拌勻, 要自己搓麵團, 自己切食物, 佢話好好玩, 而且整完真係好好食, 好有滿足感~
仲有一樣野要讚, 因為我囡普通話差, 老師第一堂留意到之後, 第2堂安排左一個助教係我囡果組, 一邊教我囡一邊翻譯比佢聽材料同步驟!!!! 我真係非常驚訝! 佢地真係好有心, 好好!!
3, 如果Drama, 呢個係普通話課, 經過之前既烘焙班密集式咁有人講普通話, 同埋已經係台北STAY左3星期, 佢聽力開始好左, 最後一天表演甚至都講到少少台詞, 我見佢都玩得好開心~
分享完畢~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
