跳至

首頁
12

尾頁
   0


大宅

積分: 4180


發表於 09-5-11 23:47 |顯示全部帖子
開始肯拖單手行,仲肯自己爬去屋企部手推(學步)車,推黎推去,我將佢放0係梳化前,等佢企(背貼梳化),我就退後2-3步,咁佢就肯走幾步,撲上我度。 

都叫有D進展啦 

原帖由 stella789 於 09-5-11 18:38 發表
我囡囡都係呀....就黎16個月啦,都未識行呀..... 拖住佢會行下,如果放手佢就即刻爬,完全都唔想用雙腳行。 點算?????
做o左740天奶媽, 終於收工啦! 各位繼續努力哦!


大宅

積分: 4768


發表於 09-6-3 22:52 |顯示全部帖子
0801BB就快17個月大,仲有冇BB係仲未識行o架?我個女仲有四日就17個月大,但係仲未識行呀!只係扶住屋企嘢傢俬周圍行,佢連自己企喺度都唔係企得好穩咋!雖然話有啲bb會遲到18個月大先識行,但係始終都會擔心,唔知bb係咪有啲咩問題!唉,好煩呢!


大宅

積分: 1468


發表於 09-6-4 00:30 |顯示全部帖子
原帖由 gigi_soha 於 09-6-3 22:52 發表
0801BB就快17個月大,仲有冇BB係仲未識行o架?我個女仲有四日就17個月大,但係仲未識行呀!只係扶住屋企嘢傢俬周圍行,佢連自己企喺度都唔係企得好穩咋!雖然話有啲bb會遲到18個月大先識行,但係始終都會擔心,唔知bb係咪有 ...


我囡囡終於響佢16個月先至識行,而家識得左大約2個星期,佢就日行夜又行,好似一個"石Q"咁...巡來巡去。之前我地都有拖住佢行下,不過行左一陣佢又跪響地下,唔願行,可能佢雙腳唔夠力呱,而家自己撐起身行,起初都行到一仆一碌咁,睇到都好攪笑...

你而家得閒就試下拖住佢行下,等佢習慣一下嘛,加油啦!!!


大宅

積分: 4768


發表於 09-6-4 00:36 |顯示全部帖子
其實一直我都有拖佢行o架,不過我發現佢行得真係好唔穩,唔知係咪平衡方面差呀,還是係佢隻腳仔仲未係咁夠力呢?總之就覺得好煩,好擔心!眼見你哋個個bb都已經識行,但係我個女仲係未得,個心好自然就好擔心!
原帖由 stella789 於 09-6-4 00:30 發表


我囡囡終於響佢16個月先至識行,而家識得左大約2個星期,佢就日行夜又行,好似一個"石Q"咁...巡來巡去。之前我地都有拖住佢行下,不過行左一陣佢又跪響地下,唔願行,可能佢雙腳唔夠力呱,而家自己撐起身行,起初都行到一仆一碌咁, ...


大宅

積分: 1240


發表於 09-6-5 14:05 |顯示全部帖子
夠18個月就可以返健康院檢查, 到時可同姑娘講, 睇下可唔可以見下醫生了解下情況~


大宅

積分: 1468


發表於 09-6-6 00:59 |顯示全部帖子
原帖由 gigi_soha 於 09-6-4 00:36 發表
其實一直我都有拖佢行o架,不過我發現佢行得真係好唔穩,唔知係咪平衡方面差呀,還是係佢隻腳仔仲未係咁夠力呢?總之就覺得好煩,好擔心!眼見你哋個個bb都已經識行,但係我個女仲係未得,個心好自然就好擔心!
...


唔使擔心啦,佢行得唔穩可能腳仔未夠力,又或者平衡唔到,唔好心急同埋唔好比佢壓力,比少少耐性啦,總有一天佢會自己爬起身自己行。

當我個女14/5個月時,我都好似你而家心情一樣,不過心諗,遲早佢都會行架,慢慢黎,我老公每星期日同佢去街都會拖佢試行,我地都要個幾兩個月先成功。

千祈唔好灰心,加油呀!!!


複式洋房

積分: 385


發表於 09-6-6 11:34 |顯示全部帖子
原帖由 gigi_soha 於 09-6-4 00:36 發表
其實一直我都有拖佢行o架,不過我發現佢行得真係好唔穩,唔知係咪平衡方面差呀,還是係佢隻腳仔仲未係咁夠力呢?總之就覺得好煩,好擔心!眼見你哋個個bb都已經識行,但係我個女仲係未得,個心好自然就好擔心!
...


我個女都剛剛識行了, 不過我絕對明白你既擔心, 當初我都好擔心, 但又迫佢唔到, 其實係一個月前, 佢都未肯行的, 就算單手拖住佢行, 都好似腳軟軟,唔夠力咁。但我都係惟有盡量日頭帶佢去多d公園, 拖住佢行下又抱下咁, 慢慢見到佢係逐漸進步(即係肯單手拖住行遠少少)。直至有一晚, 佢自己突然肯放手行左幾步(我個女係超級細膽的), 跟住可能對自己信心大左, 慢慢就肯自己行。而家都叫會周屋行, 但出街就唔係好行, 可能怕掛~
其實佢由未放手自己行, 到今日可以周屋走, 都係一個月內既事, 所以你都唔駛擔心, bb佢自己一準備好, 就真係會突然肯行架啦!..加油加油~


大宅

積分: 4768


發表於 09-6-7 01:12 |顯示全部帖子
多謝咁多位媽媽o既關心!其實我又冇迫阿女 o既,只係有啲擔心!可能係因為阿女係早產b,所以擔心佢唔知會唔會係身體機能有咩問題!不過,好多人都話有啲bb到18個月大先識行都有,所以叫我唔好太擔心!下個月阿女除咗要打針之外,都要返醫院睇醫生,跟進一下佢生長情況!或者到時我再同醫生傾下,睇下阿女有冇問題!
有時見到你哋啲bb周圍去行,去玩,但係阿女就冇你哋啲b咁自由,總希望佢快啲可以自由自在去玩!希望呢一日不會太遠啦!

首頁
12

尾頁

跳至