吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 第二胎威院生產記

懷孕前後今日: 0|主題: 329684

收藏本版

發帖

返回列表

跳至頁

查看: 8085 | 回覆: 22

第二胎威院生產記 [複製鏈接]

bonbonbear

別墅

積分: 576

1^#

發表於 18-1-4 22:26 |只看該作者 |倒序瀏覽 |打印

40w2d...見紅見啡第三日了。因為無肚痛無穿水加上第二胎好老定。但見紅第三日屋企人驚過我，所以穩陣都係去醫院。

下午6點幾沖好晒涼，洗埋頭，食埋飯。拎埋個走佬袋自己搭的士去威院，老公放工直接去醫院等。7點左近去到，無肚痛無盛就陪老公係canteen食飯先，食完飯就上7樓產前病房登記。

去到做完檢查，姑娘就俾衫我換，聽胎心半個鍾。之後攪掂晒就出走廊同老公吹水，臨走前仲落左去7-11買左杯ice cream食，好寫意甘等，諗住都有排，10點叫老公番去休息，聽日先再來。

番上床，睇雜誌。12點啦就試下訓。訓訓下個肚開始有d痛，好似M痛甘。間斷地維持左1個鍾左右，15分鐘痛一次，完全忍到。到1點幾開始6-8分鍾痛一次，開始有d痛得利害，連大脾位都開始痛，我同姑娘講想玩波，但可能因為太夜啦同我第一次玩，佢話不如俾暖包我啦，我話好。換左兩次暖包，開始覺得訓係度好唔自然，落床行來行去。

同姑娘傾計，我話開始痛多左可唔可以幫我check下。佢話我痛得未夠密，可以幫我check不過建議我再痛d先睇，check得太密都無用。我諗住無謂check完都係話我知1，2度而失望。我決定再等下，姑娘話我應該聽朝食完早餐啦…睇我個痛款無甘快。我就自己不停痛時深呼吸，鼻吸口呼，吹candle甘吹氣，分散注意力。

我個心都係諗第朝，就whatapps同老公講，聽朝一起身好來啦。說時遲那時快，無啦啦開始痛到3分鍾一次，有急屎feel...生過都知，有急屎feel就開始來料啦！於是我同姑娘講，幫我check la唔該(尾音已拉長)。由於當晚無咩媽媽就生，附近得我1個痛緊，好快幫我check : 2度! 心諗，下，唔係呀化2度炸?

但姑娘都叫我換定紫袍，問我想要咩止痛，我問有咩揀。當時我痛緊，又痛到出晒汗，又急屎，等唔到佢慢慢up。我就大聲話:聞氣啦~~

跟住就慘啦，姑娘要我自己換衫同執野。我知自己開始2-3分鐘痛一次，點樣盡快完成又換衫又執野可以盡快去對面聞氣呢？

唔知心理作用定係阿b好心急，一知道可以去止痛，急屎feel勁左好多。

0 0 0

私人傳訊

bonbonbear

別墅

積分: 576

2^#

發表於 18-1-4 22:56 |只看該作者

回覆樓主:

我已經唔知自己幾分鐘痛一次，只係知唔痛既時間愈來愈少。我換衫換到一半都要半趴係床到忍痛。呢刻換衫對我來講真係好高難度，件衫仲係後面縛的。我只係縛左最頂就算，然後又要除底底，好在我著即棄底。即掉無煩惱。

跟住姑娘架手推床已準備好，然後話點解未執好野，我都想執，但執唔到呢姑娘。我一趁唔痛個幾十秒打開個走佬袋，將d野一野掉晒落去。跟住姑娘叫我自己訓上張手推床。我個刻好想有個superman抱我上去。但唔好發夢啦，係無架。可能因為安全問題，姑娘都唔會幫，要自己訓上去。張床都幾高，又折騰左一輪，我知道一上左呢個床就咩都唔跟身，即時打俾老公話我去止痛啦，依家2度，老公問我洗唔洗來，我話應該聽朝，留意住電話先。上左推床去到病房內走廊，好似已經無一刻係唔痛，姑娘走去準備我既排牌之類，我諗幾分鐘左右既事，我已經痛到腳伸唔直，好想push....有個姑娘行過，我伸手同佢講幫下我，我好痛。佢俾左個好冷漠既眼神我，個刻我好無助。跟住無耐同我check度數個姑娘過番來，準備推我去對面止痛，佢見我痛得唔多對路臨出發好好幫我check多次。跟住就問我打左俾先生未? 話我4度啦。我feel到自己應該好快好快，就再打俾老公，忍唔住大聲講: 老公你快d來啦！同對上個通電話相隔10分鐘左右。講完，然後我就連電話都掉埋俾姑娘 (事後先知)。

一出門口，點解推我搭lift既，唔係過對面止痛咩？一入lift我就知自己去緊產房啦。一去到過床，唔會好似睇電視，123有人拉你過床，都係你自己過架，仲要拉住你patpat個塊床墊，簡直係攞命3千項目。

一去到產房，阿b好似知道自己可以出來啦，不停係度推，我隻腳不由自主撐住想用力。但儀器未準備好，未check度數，助產士唔俾all...佢地開始一輪甘問問題，幾時開始痛，痛得有幾密，第幾胎，上胎係米順產，係米係度生。我個陣好想講粗口問佢地問完未，因為個人真係好痛同聽到人講野就好忟。

到問好晒，佢問我老公到未。我話唔知，佢問我洗唔洗打電話。

私人傳訊

bonbonbear

別墅

積分: 576

3^#

發表於 18-1-4 23:11 |只看該作者

回覆樓主:

我話我依家個狀態應該打唔到，痛到咩都做唔到，我1問可唔可以幫我打，然後已經自己大聲up我老公電話，老公話仲有15分鐘。助產士問我等唔等老公，因為已經開晒架啦。我個心好難決定，因為好想好想all...但又想等老公。我一路叫痛話要all la，助產士話: 你又話要等你老公...真係好鬼衰。

最後我決定唔等啦，姑娘我生啦。佢就補多句，你決定唔等你先生啦？唔等啦～~
跟住佢地就張產床變身，個尾拎走，有個腳架，叫我一痛就試生。阿b真係好玩野，或者佢都想等埋爸爸，一開左床又無甘痛，忍到。於是我用我最大能耐去忍，忍多5分鐘到我真係hold唔住啦，我話我試all la...一all feel到bb已出左少少，助產士話好好再用力，呢個時候聽到有人禁鍾，對講機把聲係我老公。好啦，終於來到。我再出盡奶力想hold住，但真係hold唔住不停push. feel到頭仔已出來。老公一入到來，我再push一下，bb已經出生啦。

前後4個鍾，大痛1個鍾，第二胎真係好快。好在當晚去左醫院待產，如果肚痛先去，可能趕唔到。

私人傳訊

兔兔小馬甲

男爵府

積分: 7012

4^#

發表於 18-1-5 01:21 |只看該作者

我29號都係威爾斯生左第一胎，痛左30個鐘⋯

生活可以将就，生活也可以讲究⋯⋯

私人傳訊

cfsl

大宅

積分: 1228

5^#

發表於 18-1-5 08:58 |只看該作者

bonbonbear 發表於 18-1-4 23:11
我話我依家個狀態應該打唔到，痛到咩都做唔到，我1問可唔可以幫我打，然後已經自己大聲up我老公電話，老公 ...

本帖最後由 cfsl 於 18-1-5 08:59 編輯

真係快過打針，我冬至生左第二胎，朝早6:00 開始有輕微陣痛，即刻叫老公黎standby，再拿拿林執晒d 野落走佬袋，連拖鞋都收埋，10:00 check兩度要去產房，10:30 穿水，11:00 已經好急，老公11:15 入到黎，push 左三下，用左半小時就生左，大痛都係一小時到