婦女醫護

跳至

首頁

尾頁
   25


大宅

積分: 1409


發表於 19-1-12 08:53 |顯示全部帖子
多謝jm介紹,我去左尖沙咀搵王醫生,做左溶解,做完第二日已好好多。我係母乳媽媽,唔使麻醉住院,真係好重要。


別墅

積分: 965


發表於 19-1-13 15:05 |顯示全部帖子
shantsang 發表於 19-1-12 08:53
多謝jm介紹,我去左尖沙咀搵王醫生,做左溶解,做完第二日已好好多。我係母乳媽媽,唔使麻醉住院,真係好重 ...

想問下你係咪內痔同埋係第幾期呀?
可以可以講下大約幾錢呀??
唔該哂


民房

積分: 4


發表於 19-1-16 11:29 |顯示全部帖子
回覆 gv2009 的帖子

可以pm介紹嗎?thssss


洋房

積分: 89


發表於 19-1-17 17:46 |顯示全部帖子
想要 醫生資料 (水解技術 ) 可否pm?


民房

積分: 8


發表於 19-2-1 10:56 |顯示全部帖子
可以pm醫生資料嗎?謝謝


複式洋房

積分: 297


發表於 19-2-3 19:10 |顯示全部帖子
shantsang 發表於 19-1-12 08:53
多謝jm介紹,我去左尖沙咀搵王醫生,做左溶解,做完第二日已好好多。我係母乳媽媽,唔使麻醉住院,真係好重 ...

你好~ 請問可分享醫生資料嗎? 多謝


複式洋房

積分: 183


發表於 19-2-4 19:11 |顯示全部帖子
rubycheungwf 發表於 19-2-3 19:10
你好~ 請問可分享醫生資料嗎? 多謝
搜尋水解治療
成日上電視個個就係架啦
但呢個醫生唔係特別好
問佢問題hea hea地 勁快走返入房
只能問姑娘


大宅

積分: 1409


發表於 19-3-4 16:36 |顯示全部帖子
醫生資料已經pm左樓上的jm們了。

分享多少少:

我係第三期混合痔,醫生話大既有三個位置,細既都唔少,不過好難具體數目幾多粒,因為係血管腫脹。

第一次見醫生檢查左了解左病情,會坐底解釋有咩治療可做。我一心要做溶解,因為我係母乳媽媽,唔想住院麻醉做手術。

決定左即日做,就入治療室/手術室,過程醫生仲播歌俾我聽,同我傾計,分散下無咁緊張。

過程本來話半小時左右,但醫生話我情況唔輕,想徹底d幫我,所以大果幾粒佢來回電左好多次,

做既時候唔係痛,主要係麻麻地﹑痺痺地既感覺,但係係唔舒服,因為HOLD住個腸鏡好急既感覺last左around45分鐘。

我做完係幾日就舒緩左好多。自己都摸到細粒左,不過始終唔係切除,只係用電令佢萋縮收細左好多,

同埋真係要讚王醫生,佢好好,好細心又會溫柔細力就住你, 同之前政府醫生檢查時既粗暴差好遠。

另外,我見有jm提過另一位沙田黃醫生,相信唔係我呢位王醫生,佢clinic在尖沙咀ocean centre。

王醫生話溶解技術2015年先引入香港,唔係好多clinic引入。同埋情況太嚴重都未必適合做。

希望幫到大家。


洋房

積分: 56


發表於 19-3-6 11:23 |顯示全部帖子
回覆 shantsang 的帖子

可否都pm資料比我,唔該晒🙏


大宅

積分: 1409


發表於 19-3-6 15:16 |顯示全部帖子
收到不少jm pm問,不如我將自己情況再詳細d講下:

我未做之前一星期有2-3次便後出血,同埋係一大抽痔瘡唔知點數幾多粒,便後推返入去超痛,推完之後要訓一陣,因為行路同坐都痛。(而家提返都覺得痛苦)

做完d痔瘡唔會完全消失,細果d已經摸唔到,最大果粒痔瘡就縮細左好多(可能係原本3成size左右),大便時都會走出黎,便後要手推返入去,但已經唔會再痛唔會出血。

至於值唔值得做溶解,我覺得睇下有無咩特別原因唔想做傳統手術,因為切除一定最徹底,但術後康復期都好可怕。因為我餵母乳,所以唔考慮傳統。

如果寧願效果較弱,只求佢唔痛唔出血,接受粒野仲在,都唔想面對傳統手術,咁其實都值得做。

另外,睇下自己有無保險,如果可以claim,當然做呢個la, (我都係claim 保險: 費用係萬零蚊)
touchwood最差情況都係效果不大.又無咩入侵性既害處。

但如果自己full pay,就要諗諗使唔使一不做二不休,傳統切除。

不過我覺得可以睇左王醫生先,再同佢傾下。如果係,王醫生都可以做傳統切除。

同埋,王醫生係好nice,佢好詳細解答我問題,同解釋不同手術分別。

點評

rubycheungwf    發表於 19-3-22 11:36


大宅

積分: 1409


發表於 19-3-6 15:18 |顯示全部帖子
noah0520 發表於 19-2-4 19:11
搜尋水解治療
成日上電視個個就係架啦
但呢個醫生唔係特別好


成日上電視果個應該係沙田黃醫生,
唔係我呢個尖沙咀王醫生


別墅

積分: 611


發表於 19-3-7 23:53 |顯示全部帖子
shantsang 發表於 19-3-6 15:18
成日上電視果個應該係沙田黃醫生,
唔係我呢個尖沙咀王醫生

我都做咗尖沙咀王英x醫生,醫生非常好,極度友善,解釋詳細,系好有醫德嘅醫生,之前我都打算搵沙田黃x熙醫生,但見好多分享都係話佢態度一般,冷淡,串,所以改了找尖沙嘴王醫生,好彩,揾岩醫生!


別墅

積分: 611


發表於 19-3-7 23:59 |顯示全部帖子
Yoyoyokokoko 發表於 19-3-7 23:53
我都做咗尖沙咀王英x醫生,醫生非常好,極度友善,解釋詳細,系好有醫德嘅醫生,之前我都打算搵沙田黃x熙 ...


我是啱啱做完療程,未知效果,但生痔瘡過程心情其實好忐忑不安、難受,如果有個好醫生,詳細解釋,去安撫病人心情,成件事都唔同好多!


複式洋房

積分: 118


發表於 19-3-8 23:04 |顯示全部帖子

FB體驗帳戶

國民生產總值:16



23#
發表於 4 秒前 |只看該作者
我2018年9月試咗沙田新城市中央廣場嗰間"獸夫"醫療中心黃x熙醫生。個網站係patpatXk.專門宣傳做咗水解療法。

呢間係純屬黑店。經營手法極之卑劣,同美容院無異。首先叫個靚女護士做諮詢師,講到天花龍鳳,扮專業保證一次搞掂,如果唔係就免費再做! 我追問左幾次,如果一次做唔掂係咪肯定會同我免費重做,佢都答係,但係,根據佢實際經驗冇任何一個,病人投訴過,並且話呢個醫生點點點好。

再用迫切嘅時間,氹患者簽同意書。

做完之後,一直冇好過,流血繼續,腫脹繼續,疼痛繼續。一個月之後發現完全冇改善,佢哋又用拖延術,安撫我話其實個個人吸收唔同,兩個月之後會吸收架喇。拖足兩個月病情毫無進展,於是我要求照當初佢應承嘅,重做。
我並且要求,叫佢提供公司同醫生嘅電郵我要直接對話,因為我想知醫生真正點講!。
佢聲稱唔可以問醫生因為程序上佢係要同佢總公司商量,隔咗一個星期,佢回復,係廠方嘅指示係要等起碼半年,先可以重做。而呢段時間我就繼續send我流血,同埋患部嘅狀態照片俾佢,佢會上傳給公司同醫生。

到到半年之後我重新聯絡呢個護士,佢竟然忽然失蹤!

佢總部負責人姓鄧嘅女人,竟扮毫不知情,好在我有whatsapp通話記錄。
但係負責人當然話前顧員講嘅嘢唔算數,因為解雇左嘅護士,唔可以代表公司。

呢間秀X醫務所畀人印象係極度卑鄙無恥。

佢個總管姓鄧嘅女人,竟然提議我再使多你幾萬文,介紹我去搵佢哋中心另外一個外科醫生,去做其他手術。美其名話係關心我想我快啲醫好,費事我一路滴血怕會貧血。
咁之前嗰個使費12000,就不了了之!

仲喺度抵賴話水解療法點樣點樣係歐美好出名,萬一唔成功,一定係因為個別病人唔聽話唔肯戒口,同埋因為個病人有便秘。我心諗真係好笑,有痔瘡嘅病人,幾乎可以肯定100%都係因為便秘引起。而佢竟然厚顏無恥到,抵賴係因為你有便秘同唔肯控制飲食,所以你對水解療法冇反應。言下之意歸根究底係你本人生痔瘡,導致呢個痔瘡療法無效,所以錯嘅係你。佢仲竟然話,就算你話癌症去打標靶,都唔保證你唔會復發啦,但係事實上,從頭到尾未試過冇左粒瘡,於是亦都不存在復唔復發嘅問題,而係從來無解決過。等於個胃生咗一粒腫瘤,醫生切開左個肚皮,發現自己唔識處理,於是原封不動留返粒腫瘤,喺肚皮攣返個口針就當做咗手術,錢就照收。
呢啲純粹係本末倒置嘅狡辯,完全就係經驗老道嘅騙徒口吻! 帶病人遊花園,目的係矇騙,以為可以作多一筆更大嘅手術費用。

呢間嘢嘅經營手法,係黑店美容院。
各位痔患者,大家選購醫療服務同醫療中心,仲有撿醫生之前,一定要擦亮眼睛。

近呢幾個月我資訊有經驗嘅人士,先至知道,現時香港有太多年輕而經驗未夠嘅醫生,佢地未有能力開診所,寧願選擇遊走於幾間醫療中心之間。年輕醫生係靠呢啲醫療中心,幫佢哋做宣傳打響個名堂,而呢啲醫療中心良秀不齊,marketing誇張失實,經營手法有部份都相當冇操守。年輕醫生同醫療中心之間採取分賬模式,醫療質素冇保證。

點評

Poyau    發表於 19-3-9 09:25


大宅

積分: 2003


發表於 19-3-9 15:00 |顯示全部帖子
剛剛,真的係剛剛做咗尖沙咀王x偉醫生,感覺良好,未知結果但醫生好細心,唔hard sell, 過程中感覺好關顧病人感受! 講中我既問題,同時提供到專業意見,值得推介!


大宅

積分: 1851


發表於 19-3-10 21:17 |顯示全部帖子
peggylau923 發表於 19-3-9 15:00
剛剛,真的係剛剛做咗尖沙咀王x偉醫生,感覺良好,未知結果但醫生好細心,唔hard sell, 過程中感覺好關顧病 ...

請問可以pm醫生資料嗎?最近比粒瘡困擾左好耐啦...真心晴白咩叫坐立不安!


別墅

積分: 865


發表於 19-3-13 22:25 |顯示全部帖子
PianoPourlavie 發表於 19-3-8 23:04
FB體驗帳戶

國民生產總值:16

本帖最後由 BigBoBo 於 19-3-13 22:26 編輯

我有同感,可能你case 後佢冇同我講會再做,只說我可能是二成的失败case. 現好似衰過之前,唔知点好。


複式洋房

積分: 118


發表於 19-3-20 12:18 |顯示全部帖子
本帖最後由 PianoPourlavie 於 19-3-21 23:13 編輯

有點經驗談供大家參考。
至於是否真實體驗,相信認真閱讀以下文字嘅明眼人,一定可以自行判斷。


複式洋房

積分: 118


發表於 19-3-20 12:19 |顯示全部帖子
有點經驗談供大家參考。至於是否真實體驗,相信認真閱讀以下文字嘅明眼人,一定可以自行判斷。

半年前喺baby版上見到有人(懷疑槍手)提起,沙田新城市中央廣場同旺角雅蘭中心有個"黃X熙醫生",推廣用水解技術嘅痔療法,可以代替微創痔瘡手術。好處就係無需動手術,無需麻醉,不影響工作,價錢相宜,一次搞掂。

由於其服務之醫療中心之網站, "香港痔瘡X科",patpat(X)k.com 上介紹各種治療方法,並提供貌似客觀的性價比比較,片面及誤導性之結論,誤導,消費者以為,水解技術,是目前市面上最明智的選擇。

於是打上熱線,介紹本人去旗下的"秀X醫療中心" Solv(x) Medical Center,位於沙田新城市中央廣場。接電話的負責咨詢那位護士話,你要過嚟等醫生睇下,唔係人人都適合做水解技術架, 如果醫生判斷咗做得到,我們先會收錢。如果於醫生判斷病況唔適合做,就只收1000診金。如果醫生診斷認為做得到,就一次可以解決痔瘡。

這種”專業”回答,聽起上嚟,非常公平!

於是上去畀醫生檢查完畢,果然馬上診斷,本人情況為第三期痔瘡,很適合水解技術痔瘡療法。

但我未曾聽過秀X醫療中心,也擔心黃X熙醫生沒什麽名氣,會否不夠經驗云云... ?

仍然小心謹慎刻意問佢,如果一次過做得唔好,還要再做呢? 該美女護士就針對我的擔心話,你放心啦,黃醫生係我哋呢度最有經驗嘅醫生,如果佢診斷你適合,他就一定做到。如果佢冇信心一次會成功,佢就根本唔會接嚟做,我喺呢度做咁多年,從未聽過有病人話一次解決不到,又要翻做第二次嘅,。

她為增加可信度,出示一本痔瘡水解技術的官方小冊子,封面亦誤導性地標明"一次見效"。 

多番保證之後,於是在不好意思的壓力的情況下簽約付費。

但係做完之後一個月去覆診,其間出血腫脹情況完全冇改善,絕對是一丁點兒都未見好轉。本人已經照足醫生吩咐,戒口,辣嘅刺激嘅乜嘢都唔食得。
醫生覆查之後,叫個護士打發我表示,可能每個病人需要康復嘅時間唔同。個別有些病人要2-3個月才吸收。要俾多d耐性架,肯定會慢慢見效架。 再食多一期藥觀察啦。結果開咗兩劑$300幾嘅消腫藥,效果當然又係完全冇用。

兩個幾月之後我再whatsapp問呢個護士,話完全冇好過喎! 我期間,拍攝大量圖片,說明患部情況。同我簽約嘅時候,合同上講嘅完全一樣都冇做到。於是我要求免費重做。

呢位護士就話,要打電話去總公司同公司商量點做,(此期間他完全冇表示過要同醫生商量,或者問醫生意見!)之後隔咗一個星期終於打電話返嚟,表示公司叫我我等多半年,因為儀器生產商規定,要半年先安全。到時你證明真係冇改善,公司都可以幫你免費重做。
佢仲一直安撫我話,你放心我哋都係負責任嘅公司。最後達成協議我要繼續send患部出血嘅情況圖片,佢會交畀公司跟進。

點知隔咗半年,當我再聯絡呢一個護士嘅時候,佢唔聽電話不特止,仲係完全冇回應。
打上去佢公司問,點知原來呢個姑娘已經離職,但係中間從來冇人講過畀我聽,我亦唔知佢幾時離職。

之後另外一個新來嘅護士就完全否認,公司曾經應承,幫我免費重做。佢仲話,我電腦上邊冇之前嗰位護士嘅跟進紀錄。

其後找到高層鄧小姐及醫生本人,竟然不約而同遊說我,介紹我不如去他們旗下其他醫生,再花一大筆費用去做外科手術。而那位厚顏無恥啲高層鄧小姐,景哄騙要我再付費給他們做新一輪手術,是出於"關心"我病情 及”為我好"。談判過程中這位高層只是推卸責任及不斷帶我"游花園"!

而最後一次覆診黃X熙醫生本人,竟然仲奚落諷刺的表情反問我,"乜有世界上有人真係會相信,會有一次過搞掂嘅嘢咩!? "
原來佢自己都不信,自己買的廣告!  佢推翻秀夫醫療所喺行銷嘅時候,出示嘅官方小冊子封面上廣告嘅謊言!! 我答他説"YES! 我當時的確相信你的謊言! 亦正傷人因為你是打著西醫即名銜,而我是病人,我才尊重你的專業資格。"

連醫生都前言不對後語,完全沒有誠信。就再一次證明,此間秀夫醫療中心,是徹底信譽破產的黑心機構。佢旗下的黃博熙醫生,衹是披著,西醫制服的醫療騙子。
他們宣傳手法誇大誤導,毫無誠信,而且可以利用法律嘅灰色地帶,巧妙地進行醫療詐騙。我一定會去聲討。

年來整個治療過程與跟進經歷,令我覺得嚴重受騙。治療後一個月復诊,醫生推卸責任話我自己吸收慢,要再等三個月,三個月後又再拖我半年,直至如今電視流血未止。現在他醫療中心主管鄧小姐,竟想轉介我去她旗下其他外科醫生,游說病人重新付幾萬手術費 ! 並且美其名,叫我重新付費做手術是關心我!

各位進行呢類看似 "too good to be true" 的新型"gimmick療法"之前,一定要從多方考慮衡量後果。

市面上有太多名氣未響嘅醫生,未有實力開自己診所之前,就會遊走於各大小良莠不齊的私人醫療中心,以分帳形式合作。他們靠此類醫療中心的大膽marketing宣傳自己打響名堂,倚靠醫療中心做各種言過其實的廣告拉生意。由於並非西醫本人打廣告,醫生便無需為失實廣告負上任何法律責任。而某些無良醫療中心,亦利用西醫身份魚目混珠,引入各種爭議性的另類療法,擾亂消費者的判斷。

這種情況,如同醫學美容,那些遊走於各大美容院之間,幫客人打肉毒針的醫生冇多大分別。他們好多只顧賺快錢,而醫德操守,basic integrity,都嚴重缺失。

醫生與黑心醫療中心之間的微妙關係。要病人撞過板之後,去深入調查探訪業界人士,先領會得到。

但不要相信廣告同網站上d槍手,而入咗黑店就攞嚟煩,拖足半年費時失事病情惡化。

希望我嘅真實經歷,幫助到病急亂求醫的市民,可以更加深思熟慮,做更明智的選擇。


複式洋房

積分: 118


發表於 19-3-20 14:26 |顯示全部帖子
本帖最後由 PianoPourlavie 於 19-3-21 23:20 編輯
elainec9 發表於 18-7-31 14:10
請問以上有興趣水解既mj睇左有關醫生未?

我就係睇到討論版有人介紹,所以去揾咗呢個叫做黃x熙嘅醫生。使咗12000 完全冇效。
佢任職嘅醫務中心高層,仲想轉介我去佢旗下另外一位醫生,洗多筆幾萬蚊嘅費用再做微創手術。!

大家搵呢間同個醫生之前,一定要做多啲research.

呢間好識sell. 仲要醫生非常好狡詐。為錢不擇手段 !

畀錢之前應承嘅乜都係假。魔鬼隱藏在細節裏。

各位都唔好盡信討論版上嘅推介全部都係真嘅,任何大網站都有槍手黨同marketing人捕住。



首頁

尾頁

跳至
你需要登錄後才可以回帖 登入 | 註冊