回覆樓主:
我細時氣管唔好,經常咳,跑步有時氣管好似比火燒,好難透氣,爸媽去藥房執葯粉食,就舒服左,我覺得果時已經係哮喘跡象,細時病親都咳好耐。到十四,五歲時都愛游水,果段時間都冇咩發作,正常飲食,從來冇介飲凍野。到二十幾歳生左仔之後就開始發作,一路都唔知係哮喘,吸左冷空氣同夜晚就狂咳好多痰,瞓唔到覺,睇医生話氣管敏感,其實都醫唔到,有段時間又冇事,到四十歲左右,一病氣管又收窄,有睇開政府,佢話我係哮喘,教我用喘樂寧,吸左條氣舒服左,夜晚氣喘就用,點知到更年期,就喘得好勁,但我都唔想噴類固醇,去睇中醫,睇左兩年,當然断唔到尾喇。點知11月打左流感針,當晚有反應,頭痛氣咳又開始收窄氣管,我好驚。喘樂寧噴左都唔得,我打算去急症。
之後揾返係私家既放鬆氣管藥食。而家決定加噴類固醇藥作预防,因為透唔到氣既感覺太辛苦,自己實在頂唔順。
以自己經歷,哮喘唔會甩到,有就係一世,氣管敏感已經係初度哮喘,只係年輕身體好時佢唔會出現,到免疫力差同更年期或年紀大時佢又會發作。
「所謂幸褔，不是沒有苦惱，而是置身痛苦漩渦中，抱持樂觀而堅定的信念，不畏懼，也不嘆氣，勇敢迎擊迎面而來的洶湧波濤，浪愈大，愈是咬緊牙關向前衝，跌倒了再站起來，從摸索與挫折中學習與鍛鍊，磨練出膽識與智慧，無論橫流逆境多麼艱難，希望與確信依舊，直至獲得最後的勝利。」
發表於 
啤酒我個就介左,無益又會飲到大肚腩 
返回列表
