想生BB

跳至

首頁

尾頁
   114


別墅

積分: 715


發表於 18-11-14 19:43 |顯示全部帖子
常綠葉 發表於 18-11-14 19:31
咁你今日有無驗綠d呀?放心啦⋯⋯BB今次會乖乖痴住媽咪架啦⋯⋯你去搵d劇睇下,放鬆下心情,唔好亂諗野, ...

本帖最後由 sasasali 於 18-11-14 19:44 編輯

有驗,好似深過琴日咁

嗯嗯,咁我而家開電視睇下野先得

附件: 你需要登錄才可以下載或查看附件。沒有帳號?註冊


大宅

積分: 3523


發表於 18-11-15 11:25 |顯示全部帖子
sasasali 發表於 18-11-14 19:43
本帖最後由 sasasali 於 18-11-14 19:44 編輯

有驗,好似深過琴日咁

你隔日驗綠d會明顯d架!你記得放鬆...食下烚蛋,烚番薯,牛油果呀⋯⋯食左葉酸未呀?祝加深!


別墅

積分: 715


發表於 18-11-15 12:22 |顯示全部帖子
常綠葉 發表於 18-11-15 11:25
你隔日驗綠d會明顯d架!你記得放鬆...食下烚蛋,烚番薯,牛油果呀⋯⋯食左葉酸未呀?祝加深!: ...

多謝你
你真係好好人
生完bb 咁忙都回我咁多問題 ,我都祝你同bb日日都開開心心,健健康康

有呀,知中左日日食緊。
我重食埋藻油
不過我好似係食左先見啡
而家都唔知今日好唔好唔食


大宅

積分: 3523


發表於 18-11-15 12:42 |顯示全部帖子
sasasali 發表於 18-11-15 12:22
多謝你
你真係好好人
生完bb 咁忙都回我咁多問題 ,我都祝你同bb日日都開開心 ...

真係唔洗客氣喎⋯⋯有咩問題/唔開心記得講出黎抒發一下,心情都會好d。有時候呢d野都唔可以同朋友講,係呢度講就最好架啦⋯⋯
葉酸唔好食過量呀,你睇下個樽係幾多mcg/mg?一日唔好多過600mcg,要計埋你食既含葉酸量食品。藻油係咪dha? 果時助產仕話4個月先開始食dha⋯⋯如果有懷疑,都係先停一停,做下research 先。免得自己擔心。


別墅

積分: 715


發表於 18-11-15 16:35 |顯示全部帖子
常綠葉 發表於 18-11-15 12:42
真係唔洗客氣喎⋯⋯有咩問題/唔開心記得講出黎抒發一下,心情都會好d。有時候呢d野都唔可以同朋友講,係呢 ...

嗯嗯!同你講完舒服晒
又唔可以同朋友講同問,好在有Bk先可遇到你

葉酸我食400。一日一粒
藻油係呀Dha
4個月先食嫁,我重以為而家要食

不過我今日未食葉酸同Dha
平時都係食完lunch 咁上下先食之後下午就見個d野
而家真係未見到


大宅

積分: 3523


發表於 18-12-10 13:50 |顯示全部帖子
felixsky 發表於 18-10-31 22:53
至於食奶方面就仲衰格...因為佢宜家厭緊奶,佢要訓著左我餵佢先至肯食,所以無規定幾多個鐘餵佢食一次奶架 ...

你近排點呀?囝囝應該打完第二針?我終於知道咩野叫邊瞓邊食啦⋯⋯我個仔呢排又係唔瞓都唔肯食奶!又食得唔多,而家都未有15lbs...好在呢個星期我朝早會抱佢上大人床瞓,佢瞓耐左多左,所以重返d,之前重輕。佢而家體重都重係15%左右! 佢而家不停講野,又牙痕要咬牙膠,成日要坐係度,抱佢企高就最開心!真係話咁快就5個月...好唔捨得佢大


男爵府

積分: 8052

2019新春慶豚圓 2019勳章


發表於 18-12-11 16:39 |顯示全部帖子
常綠葉 發表於 18-12-10 13:50
你近排點呀?囝囝應該打完第二針?我終於知道咩野叫邊瞓邊食啦⋯⋯我個仔呢排又係唔瞓都唔肯食奶!又食得 ...

哈哈,我睇完你講你仔笑左出來我估唔到你仔甘遲都仲會厭奶。我由個半月開始個衰仔去食完輪狀疫苗返來就厭奶厭到宜家我懷疑佢食完好野所以唔食奶我前排都係甘諗辦法想調較返佢開眼食奶,用針筒抽入佢口都試埋都係唔得!!宜家我認輸啦!為有乖乖um佢訓左先餵佢初初佢厭奶一日先飲得300幾ml奶喳!真係見到佢瘦左...之後發現左訓著先餵佢肯食先慢慢食返多左奶,今日岩岩去打左4個月針,今日磅佢有16.5磅,希望佢今次唔好發燒啦


男爵府

積分: 8052

2019新春慶豚圓 2019勳章


發表於 18-12-11 16:45 |顯示全部帖子
常綠葉 發表於 18-12-10 13:50
你近排點呀?囝囝應該打完第二針?我終於知道咩野叫邊瞓邊食啦⋯⋯我個仔呢排又係唔瞓都唔肯食奶!又食得 ...

我個衰仔同你仔真係好似!佢又係不停講野,仲勁鐘意自己坐係度,又鐘意企,但佢又未識轉身好似未學行先學走甘,俾佢激死!我仔4個半月,我都覺得時間過得好快呀,我都好唔捨得佢大得甘快真係唔怪之得d人要生第二個b去調節下心情你打算幾時開始加固呀?會先加糊仔嗎?我無咩概念...要上網睇下加固資料先...今日去健康院見到好多初生bb,再望下自己抱住個個,咦,甘大隻既我好懷念前幾個月佢的式既身型


大宅

積分: 3523


發表於 18-12-14 17:19 |顯示全部帖子
felixsky 發表於 18-12-11 16:39
哈哈,我睇完你講你仔笑左出來我估唔到你仔甘遲都仲會厭奶。我由個半月開始個衰仔去食完輪狀疫苗返 ...

我個仔又係第一次打完針之後就開始唔食奶,但輪狀應該係甜,我仔邊食邊吐,4個月第二次食時吐得重快。醫生話佢可能記得係乜...我仔打完4月針有d燒,但一食藥就退左。我而家都怕左個仔,只要肯食,我都無同佢戒夜奶,如果夜奶都戒埋,佢一定跌磅!我仔由早上10點開始可以唔多飲奶,直到晚上7點,因為佢永遠一到7點就無電,要啜著奶瞓。如果唔係就自己大叫好炆憎咁瞓著。


大宅

積分: 3523


發表於 18-12-14 17:28 |顯示全部帖子
felixsky 發表於 18-12-11 16:45
我個衰仔同你仔真係好似!佢又係不停講野,仲勁鐘意自己坐係度,又鐘意企,但佢又未識轉身好似 ...

攪乜而家bk要人分段回,有字limit 既
你知道你仔食左幾多奶都好呀...我完全唔知,靠睇濕片渣。唉,又唔肯用奶樽,又開始咬人,比佢咬到下奶頭真係會大叫。佢見我大叫會立即停,但會用過好愕然嘅樣望住我,之後笑笑口,吹佢唔脹!而家佢開始扯實我雙手自己桔起伸坐...但我朋友個媽媽話唔好咁快比BB坐,怕影響脊骨,要7個月先可以坐。
我之前打算呢幾日佢一踏入五個月就加固,連米糊都買左,但我見有d話太早加固會容易食物敏感。要足六個月,之係踏入七個月時先開始加固。但我d朋友又話可以加,所以打算去問下醫生先。我見佢已經有想食野既慾望,腰頸手腳都強而有力,感覺可以加固。


男爵府

積分: 8052

2019新春慶豚圓 2019勳章


發表於 18-12-14 17:31 |顯示全部帖子
常綠葉 發表於 18-12-14 17:19
我個仔又係第一次打完針之後就開始唔食奶,但輪狀應該係甜,我仔邊食邊吐,4個月第二次食時吐得重快。醫生 ...

我仔前兩日打完4個月針都係有d發燒呀⋯⋯不過好彩都係一食藥就退左。你仔宜家仲食緊夜奶?即係幾點至幾點要食?我仔食完12:30個餐可以挨到6:30先叫食,不過有時日頭唔係點訓,同你仔好似,有時成7-8個鐘先肯訓我先有機會餵佢飲奶,所以我仔食奶都食得唔係好好,來緊加固左都唔知佢會唔會更加唔肯飲奶...所以我唔打算甘早同佢加固我仔就係食過甜甜既輪狀之後甘嘴饞,所以第時加固我打算俾青豆個d佢食左先廢事食過蘋果個d甘正之後返唔到轉頭我仔已經識自己坐啦⋯⋯好搞笑呀佢坐係度捉住自己對腳個樣


大宅

積分: 3523


發表於 18-12-14 18:09 |顯示全部帖子
felixsky 發表於 18-12-11 16:45
我個衰仔同你仔真係好似!佢又係不停講野,仲勁鐘意自己坐係度,又鐘意企,但佢又未識轉身好似 ...

好多人一開始加固會自己整米糊,但其實純米糊無乜營養。唔似之後既粥仔可以加菜加肉!所以一開始最好去超市買有機含鐵米糊比BB試。反正一開始佢地都係食1-2匙,食唔多。純粹係俾佢嘗試下,加上BB身體內自帶既鐵質都用得七七八八。所以含鐵米糊比較好,最好你都試下味,唔好太有味道,唔係怕佢之後要食濃味野。但你睇下你仔食緊既奶粉係咪已經含鐵質,如果已經有,你有時間可以自制米糊。我見日本台灣係一份米:十份水,再磨糊。
係囉,我睇返佢出世時d相同而家差好遠。雖然而家好玩d,但好掛住佢食飽就瞓既日子...我個仔琴晚係個半鐘醒一次食奶!好耐無瞓返覺好既...


大宅

積分: 3523


發表於 18-12-14 18:31 |顯示全部帖子
felixsky 發表於 18-12-11 16:45
我個衰仔同你仔真係好似!佢又係不停講野,仲勁鐘意自己坐係度,又鐘意企,但佢又未識轉身好似 ...

你個仔大唔大脾氣架?我覺得我個仔好大脾氣,一起伸係大叫兼自殘。唔抱佢係唔會收口,叫到聲沙都重要叫。重要一定係要我抱,唔比我老公抱!我仔一入夜就會當我老公透明,只係要我,餵人奶真係好痴身!我琴日同佢玩時,見佢個脾有肉咪用d力打佢一下,佢立即唔笑啤住我,好攪笑。佢好爛玩,而家會玩到笑出聲,哈哈大笑。
我個仔又係唔多轉身,係有野要攞先轉半身去攞。但唔轉重好,我好怕佢自己趴左係度焗親。我今日望到佢個樣又大過左,真係好唔捨得佢大呀⋯⋯你有無打算再生呀?我係度諗緊幾時生第二個好,但而家重餵緊人奶!但又怕拕第二個時又出血,咁唔知點照顧個仔。


大宅

積分: 3523


發表於 18-12-14 18:45 |顯示全部帖子
felixsky 發表於 18-12-14 17:31
我仔前兩日打完4個月針都係有d發燒呀⋯⋯不過好彩都係一食藥就退左。你仔宜家仲食緊夜奶?即係幾點至幾點 ...

做乜我地兩個生左個曳仔架...我仔由晚上6點開始想瞓...7點都瞓唔著就會開始扭計,咁就同佢換片餵奶。大約瞓個幾鐘就醒,之後10點又瞓過...再之後就會發癲個半小時至兩個小時醒一次。但抱下佢或比佢啜下就瞓返,所以我根本無得瞓,我回你呢幾個post佢已經醒過兩次。我覺得佢係自己醒左唔識自己瞓返,所以咪想我抱佢瞓返。
我都好怕我仔之後唔食奶,但唔可以太遲加固,會影響佢之後對食物既興趣同影響佢說話能力。其實水果呢d係要最遲先試,食左甜野會返唔到轉頭!
我仔識自己除襪食腳指,好抵死。我只比佢坐一陣就要佢平瞓返。你都唔好比佢坐太耐,d人話:七坐八爬。


男爵府

積分: 8052

2019新春慶豚圓 2019勳章


發表於 18-12-14 20:19 |顯示全部帖子
常綠葉 發表於 18-12-14 18:31
你個仔大唔大脾氣架?我覺得我個仔好大脾氣,一起伸係大叫兼自殘。唔抱佢係唔會收口,叫到聲沙都重要叫。 ...

我個仔都係好大脾氣架!佢好惡死架!成日一唔鐘意就打人架啦,又會鬧人!佢又係成日要抱,唔抱佢會勁喊,仲越喊越大聲,喊到黑哂面架!所以我成日都要抱佢,基本上日頭都差唔多抱足全日甘際⋯⋯不過好彩我老公宜家唔再係豬隊友,我仔宜家好鐘意我老公抱我老公um佢訓仲快過我um,我地會玩計時鬥快um個仔訓,我老公3分鐘就令到佢訓著

我同你諗法一樣呀!我都唔太想我仔識轉身,我都好驚半夜佢識轉身既話焗親呀!呢排我都有諗幾時生第二個好,我想生個妹妹俾佢不過又怕有左到時抱唔到佢,好似對佢唔住甘,同埋諗返起陣痛個時都幾痛,之後又即刻唔敢諗甘快再生


男爵府

積分: 8052

2019新春慶豚圓 2019勳章


發表於 18-12-14 20:32 |顯示全部帖子
常綠葉 發表於 18-12-14 18:45
做乜我地兩個生左個曳仔架...我仔由晚上6點開始想瞓...7點都瞓唔著就會開始扭計,咁就同佢換片餵奶 ...

甘你個仔又真係幾曳喎!你甘樣長期唔夠訓真係唔多掂喎,日頭有無得恰下?你生完有無脫髮既煩惱呀?我係甘甩頭髮每次吹完頭都成地頭髮

原來遲加固會影響佢說話能力架?我真係唔識,好彩你講我知喳,我仲打算6個半月先加固添甘我都係6個月就加固先

你仔好叻呀識除襪食腳指好柔軟呀你仔甘佢識認人未呀?我平時大概俾佢坐5-10分鐘到架喳,坐得耐我都怕整到佢腰骨,原來7坐8爬,甘我仔4個半月坐又真係早左d


男爵府

積分: 8052

2019新春慶豚圓 2019勳章


發表於 19-1-19 20:53 |顯示全部帖子
你呢排點呀?仔仔食奶正常返未呀?我開始左加固啦,不過佢食得嘛嘛地,食好小。你仔開始生牙仔未呀?我仔呢排唔知係咪吽牙,個人好燥底!成日夜晚大喊醒,一晚喊幾次,搞到我同我老公都無覺好訓你仔有無呢個情況呀?


大宅

積分: 3523


發表於 19-1-19 21:12 |顯示全部帖子
felixsky 發表於 19-1-19 20:53
你呢排點呀?仔仔食奶正常返未呀?我開始左加固啦,不過佢食得嘛嘛地,食好小。你仔開始生牙仔未呀?我仔呢 ...

我仔食奶好左d既,一時時啦,好心散架!但sleep training 後瞓好左既,可以瞓到4小時先醒,但一醒會勁燥底,叫到好似暴龍咁,乜都唔可以同佢做,佢要人立即馬上抱起佢飲奶!衰到無人有!我都開始左加固啦,都係食好小,正常開米糊一匙羹都食唔晒!除非佢心情好
我仔已經出左兩隻牙啦⋯⋯出牙應該又真係會痛同辛苦既,有無比雪凍左既牙膠佢咬呀?我仔係好似狗見到狗骨咁瘋狂地咬,咬到出曬聲,好誇張!又成日流口水,攪到呢幾日又出口水疹!你盡可能抱下佢,等佢心情好d啦⋯⋯我仔乜都會放入口咬,而家識翻來翻去攞野玩,有時自己趴左係度,太攰翻唔返正面會大叫求救!


男爵府

積分: 8052

2019新春慶豚圓 2019勳章


發表於 19-1-21 16:42 |顯示全部帖子
常綠葉 發表於 19-1-19 21:12
我仔食奶好左d既,一時時啦,好心散架!但sleep training 後瞓好左既,可以瞓到4小時先醒,但一醒會勁燥底 ...

你仔算乖喎厭奶厭一陣,我仔仲係訓著先肯飲奶呀!正衰仔!我仔都係開一匙羹米糊都食唔哂呀!呢幾日開始食粥仔,都係食好小

你仔甘快出牙仔啦?我個仲未有聲氣呀⋯⋯佢唔鐘意咬牙膠架,上次買左佢都唔肯咬寧願食手...佢仲未識轉身,好懶!成日攤係度唔願郁,剩係識扭抱呢排佢已經認得人,出到街唔識既人逗佢佢會喊,好衰格!見到我媽就扮喊要抱...


大宅

積分: 3523


發表於 19-3-21 18:31 |顯示全部帖子
felixsky 發表於 19-1-21 16:42
你仔算乖喎厭奶厭一陣,我仔仲係訓著先肯飲奶呀!正衰仔!我仔都係開一匙羹米糊都食唔哂呀!呢幾日開始食 ...

本帖最後由 常綠葉 於 19-3-21 18:32 編輯

你近排點呀? 仔仔食副食食得好唔好呀? 出咗牙仔未呀? 我個仔食得麻麻, 食嘢好睇果日嘅心情! 佢又唔鍾意食淨米糊, 但因為啲米糊有鐵質, 所以我開完米糊會加啲粥仔入去, 咁佢又肯食多啲。 但好在佢肯食下啲餅仔,用吸管飲水, 可以訓練下佢啲咀嚼能力。 我仔呢排已經爬得超級快, 呢幾日仲開始按住啲嘢扶起身。 有時半夜大喊突然間仲會坐起身! 佢而家越大真係周身唔得閒, 又要整嘢畀佢食,又要陪佢玩, 陪佢瞓, 又要餵佢食野, 又要同佢清潔玩具, 真係九百幾樣嘢要做! 係半夜等佢瞓咗先有時間做下自己野

首頁

尾頁

跳至
熱門主題
你需要登錄後才可以回帖 登入 | 註冊