懷孕前後

跳至

首頁
1

尾頁
   12


複式洋房

積分: 299

2019新春慶豚圓


發表於 18-1-16 00:20 |顯示全部帖子
請問媽媽們會買幾多件包被?
幾多件和尚袍?


大宅

積分: 2791


發表於 18-1-16 00:52 |顯示全部帖子
我bb兩個月,暫時用落覺得包被三張,短和尚袍4-6件,已經足夠,我嘅做法係每日沖涼時用前一日的包被抹身,之前手洗前一日的包被同衫仔,一般一日就會乾,潮濕d可能要兩日,所以要三張包被,和尚袍做底衫,因為有可能嘔奶或者爆片,一日可能用多過一件,所以要預多少


民房

積分: 12493


發表於 18-1-16 00:52 |顯示全部帖子
iamwinson 發表於 18-1-16 00:20
請問媽媽們會買幾多件包被?
幾多件和尚袍?

視乎你隔幾耐洗一次衫?
同你晾衫易唔易乾?
bb易唔易嘔奶整污糟d衫?

我一開始買左16-17件和尚袍,
但我係日日洗bb衫,
快洗一機20-30分鐘,
加上陽光充足。
所以對我黎講,4-5件就足夠,反正好快乾。
和尚袍一d都唔好用,浪費時間係度綁四個結,uniqlo果隻啪褸和尚袍先係bb恩物!
我湊大左第一胎,就掉鬼晒d和尚袍,依家陀緊第二胎。

包被,我覺得三件ok,
我就無買到,我係問朋友借左三件,用左頭兩個月,第二個月開始,bb已經唔比綁啦。


別墅

積分: 655


發表於 18-1-16 10:56 |顯示全部帖子

回覆樓主:

包被我覺得要3張,但你要注意番你bb係幾時出世,買番適當既厚薄。我既經驗係最好係一張最簡單果種正方形的包被,我買咗張有腳套的,唔好用。
短和尚袍用嚟打底6件都夠,我贊成其他姐妹講啪鈕好過綁帶的
如果你bb係春天回世,另外可以買4件長袍,著喺短袍出面,咁就唔怕bb凍。
我覺得背心件都好用,我買了2件比bb飲奶果陣穿住,放落床前就除咗佢


男爵府

積分: 8139

2019新春慶豚圓


發表於 18-1-16 11:51 |顯示全部帖子
iamwinson 發表於 18-1-16 00:20
請問媽媽們會買幾多件包被?
幾多件和尚袍?
包被最少都要兩張, 最好就買方形果隻, 唔好買有腳仔果d, bb大個少少都仲可以用黎做普通被仔, 可以用到差不多兩歲. 如果冬天好凍的時候出世, 就買兩張厚的包被, 再加兩張紗巾/毛巾, 先用紗巾/毛巾包裡面可以包得貼d (bb出世第一個月好鍾意有野包實佢的感覺, 我覺得厚包被好難包得好貼), 之後外面包厚包被會暖好多.
和尚袍買多d都唔怕, 我第一胎冬天出世買6件唔夠著, 成日爆片, 一日換幾件(最高記錄係一日換6套衫), 我每日都要開天上野乾bb衫, 今胎會係4月出世我買6件和尚袍+6件蝴蝶衣(我係一set咁買), 必要時就唔著和尚袍用蝴蝶衣代替, 另外買左d包埋腳仔的連身衣(我覺得唔包腳仔會易著d, 不過長輩堅持bb頭幾個月一定要包住腳仔, 你都可以另外買襪仔, 不過出街好易甩左d襪仔揾唔返), 我打算洋蔥式穿法, 全部都唔係厚衫, 凍就著多幾層, 熱就只著一層, 宜家香港的天氣好難估, 有時12月都仲熱到可以著短袖, 有時5月都仲凍到要著外套, 熱兩日又凍兩日咁, 加上有時要出入有冷氣地方, 最好可以因應溫度隨時調節bb的衣著.

幫bb準備3件唔同厚度的開胸背心, 背心非常好用, 我留低哂大b既背心俾細b著, 一黎穿/除都容易, 二黎帶出街又方便, 三黎一件好的背心可以著好耐, 我女d背心出世時就著去外面, 到歲半就當打底著外套裡面, 著左將近兩年, 背心唔會著得太污糟, 宜家件背心仲可以留俾細b繼續著!!


如果係第一次湊bb, 對自己冇乜信心就唔好買套頭的衫仔, 初生B條頸未硬, 細膽的媽媽真係唔敢幫bb著套頭衫架(上youtube睇幾多video都冇用), 我就係其中一個啦, 不過我阿嫂係膽大心細, 佢就覺得套頭衫好方便, 唔洗扣咁多粒鈕.


大宅

積分: 2655


發表於 18-1-16 15:08 |顯示全部帖子

回覆樓主

我自己買左d,朋友又俾左我,搞到0m、3m既包屁衫有30件⋯⋯如果呀b唔大隻應該可以著到5-6個月掛⋯⋯
不過我朋友講呀b嘔奶爆屎預唔埋,佢最勁一日換4件衫。我諗預多少少都可以。尤其春天出世b,洗完都乾唔切。

包被我準備左3條。


珍珠宮

積分: 39558

2019新春慶豚圓


發表於 18-1-16 15:17 |顯示全部帖子

回覆樓主

建議5-6件就足夠,bb大得快,尤其前三個月。


禁止訪問

積分: 85


發表於 18-12-17 02:22 |顯示全部帖子
提示: 作者被禁止或刪除 內容自動屏蔽

首頁
1

尾頁

跳至
熱門主題
你需要登錄後才可以回帖 登入 | 註冊